الداما - محمد صادق
تحميل الكتاب
شارك Facebook Twitter Link

الداما

تأليف (تأليف)

نبذة عن الرواية

هذه رواية لن يفهمها إلا من مر بها،وعاش ألم أبطالها،وتم إجباره على الصمت.. هذه رواية مؤلمة سترى فيها كل ما يحدث من واقع مؤلم نعيشه ولكني لا أريد أن أثير فضولك بهذا الكلام.. أنا فقط أحذرك.. إن كنت من محبي القواعد، ولا ترى أنها قابلة للشك.. وإن كنت ترى أن هناك حدودا لابد ألا نتخطاها.. وأننا خلقنا في الحياة كي نعشق القواعد والقوانين ونعيش عبيدا لها.. فاترك الرواية الآن ..لا أريد أن أضيع وقتك الثمين. أما إن كنت تريد أن تعرف الحقيقة بأسوأ ما فيها وتحاول أن تتقبلها كما هى.. فاقرأ على مسؤوليتك الخاصة..
عن الطبعة

تحميل وقراءة الرواية على تطبيق أبجد

تحميل الكتاب
4.3 344 تقييم
2045 مشاركة

اقتباسات من رواية الداما

احذر ما تسقينا من مشاعر.. حتى لا ترى شرنا أبدًا فيما نطرح..

مشاركة من Donia Darwish
كل الاقتباسات
هل قرأت الكتاب؟
  • قرأته
  • أقرؤه

    الى أين وصلت في القراءة؟

  • سأقرؤه

    هل بدأت بالقراءة؟نعم

  • مراجعات رواية الداما

    347

مراجعات

كن أول من يراجع الكتاب

  • لا يوجد صوره
    2

    اتفق مع الكاتب تماماً فى طرح مشاكل العنف الجسدي والاغتصاب ضد السيدات والأطفال وما يفضى إليه من مشكلات نفسية تبقى ملازمة لكل سيدة تعرضت لإحدى تلك المشكلات طوال العمر كما أن الكاتب استطاع تطويع اللغه بشكل مميز فى وصف احداث العنف الجسدي والنفسي دون اللجوء لألفاظ قبيحة كما يفعل العديد من الكتاب لاكن هناك بعض النقاط الفكرية و التقنية التي تجعلني اختلف مع الكاتب. أولا ما الداعي لجعل بطلة الرواية تعرض ممارسة الجنس على شخص عرفته منذ عدة أيام فقط لمجرد إثبات أنها شخصية قوية تملك تحديد ما تريد فإذا كنا نحتقر أى رجل يخون زوجته أو يسيء معاملتها فلما نحترم سيدة تعطى جسدها لشخص فقط من باب العناد ثانياً وهو الأهم من وجهة نظري لماذا نحب كمصريين وعرب عموماً الإشارة للمجتمعات التي نطلق عليها اعتباطا المجتمعات المتقدمة فى حين أن تلك المجتمعات مليئة بحوادث العنف ضد المرأة واغتصاب الاطفال من الذكور أو الإناث وكمهاجر منذ أكثر من عشرين عاما أوضح للكاتب أن الكثير من تلك الحوادث يتم طمسها وما يصل منها للمحاكم يتم فى معظمها تطبيق معادلة الاعتراف بالجرم مقابل الحكم المخفف عكس ما ذكر الكاتب أن من يذنب فى تلك المجتمعات يعاقب نعم ننتقد عرفنا الخاطيء لأنه خطأ وليس لأن غيرنا يعاقبه بأسلوبة وهاهي الضجة المثارة من قبل من يدعون أنفسهم المحافظين فى الولايات المتحدة عن عدم توفير وسائل منع الحمل مجانا لأن كل سيدة يجب أن تواجه ماتفعله سواء برضاها أو لا ثالثاً نقطة الانتقام من الأم ورغم أى مساؤ تظل ام فما الداعي لفضحها وماذا عن الأخ الأكبر الذي أظهر أخوته حين احتاجتها البطلة وماذا كانت الاستفادة من إظهاره ابن غير شرعي فهل أصبحنا بهذه القسوة حقا كبشر اخيرا فى الجانب التقني لماذا استخدام اللغة الإنجليزية فى مقاطع الاغاني المذكورة فى الرواية مع أن ترجمتها إلى اللغة العربية فى منتهى السهولة وإذا كان استخدام كلمة (فشخ) بكل أفعالها ضرورياً.

    Facebook Twitter Link .
    2 يوافقون
    اضف تعليق
  • لا يوجد صوره
    1

    الرواية دي فيها شيء غريب جدا .. كنت متقزز من اول صفحة فيها لاخر صفحة و سبحان الله خلصتها في وقت قياسي و بسرعة جدا رغم انها تعتبر طويل مش عارف ده نوع من جلد الذات والا ايه

    حقيقي لو في اقل من نجمة كنت عطيتها اقل من نجمة

    اسلوب حوار سخيف و مبتزل و رخم و شخصيات ركيكة و سطحية و مبتذلة

    و طبعا الهدف من الرواية هو التلزيق في السيدات و النسويات و شوفو يا جماعة اد ايه انا راجل بجد و باحترم المرأة بجد

    كلنا بنحترم المرأة و بنقدرها و ضد اي شكل من اشكال العنف ضدها تحت اي مسمي بس بالطريقة الادبية المبتذلة الرخيصة دي هتخلي قضيتك خسرانة

    بس طبعا مقدرش انسي القيم الجميلة اللي بتنشرها الرواية زي الجنس من غير جواز و التعري قدام الشاشات عشان احنا اوبن جدا و متحررين جدا و منفتحين

    و طبعا طبعا طبعا الرجالة كلهم (بما فيهم الاب و الاخ و الزوج و الابن) خاينين و سامين و عنيفين و نرجسيين و شركسيين و كل الصفات القذرة و عايزين يتحرشو بالمرأة و يغتصبو المرأة البريئة الكيوتة

    و (هيا) مفيش حد عرفها الا و اغتصبها مكنش ناقص غير بواب العمارة

    و طبعا اي اب عايز يغتصب بنته و اي زوج طبعا لازم يبقي سادي و بيطفي سجاير تحت الباط و اي شاب لازم يغتصب زميلته .. كل دي قيم جميلة طبعا لازم نرسخها في المجتمع

    احسنت يا صادق

    اول و اخر رواية هقرهاله

    Facebook Twitter Link .
    1 يوافقون
    اضف تعليق
  • لا يوجد صوره
    4
    Facebook Twitter Link .
    1 يوافقون
    اضف تعليق
  • لا يوجد صوره
    5

    #سو_ريفيو لرواية #الداما للكاتب Mohamed Sadek - محمد صادق

    طيب انا في العادي بحب اقول الرواية بتتكلم عن ايه لكني المرة ديه مش هعمل كده لكني هبتدي بحاجة انا حابة اقولها الرواية ديه مش لكل الناس وديه حاجة انا مش بقولها عشان اروج او اخلي الناس تقرا الرواية لكنها بالفعل لأنها رواية تقيلة ومش للأصحاب القلوب الضعيفة علي الأطلاق

    انا الحقيقة فرحانة ان الكاتب صنف الرواية انها 18+ وبتتناول مواضيع متنوعة من العنف الجسدي والجنسي والنفسي والأنتحار لذلك وجب التنوية يلا بينا..

    ليه انا عجبتني الرواية:

    اولاً: الوصف والسرد: انا طول عمري بقول علي محمد صادق انه بيحب يدخل في معاميع النفس البشرية يطلع الي موجود جوانا كبني ادمين في اظلم ركن جواك ويحطه قدامه ويسيبك.. المواضيع المطروحة اقل ما يقال عليها انا جرئية ومحتاجة تتطرح بشكل واضح وصريح وفج

    وصفي لطريقة سرد صادق ووصفه للأحداث لا يعبر عنه غير كلمة في اللغة الانجليزية وهي visceral وهي بتستخدم عند وصف الاشياء الغير فكرية او الغريزية المشاعر الخام أو الأولية الي لما بتقراها بتحس بحاجة مش في قلبك في امعائك وتحس بيها وهي بتتلوي في غضب من الي انت بتقراه وبتعرضها له.. ده دائماً شعوري وانا بقرا وصفه للمشاعر والتجارب المطروحة. الرواية بتنقل تجارب واحداث عن العنف الجسدي والجنسي والمعنوي الي بنتعرض اليه في اغلب الأحيان من اقرب الناس لينا ومع كل فصل وانت رفضك لأحداث الي انت بتقراها بيزيد يديك الكاتب قلم علي وشك باحصائيات وارقام تحسسك بمدي هلع الي انت بتقراه لدرجة اني كل فصل كنت ببحث علي جوجل لأكتشف بهلع انه الارقام ديه صحيحة ليس فقط في بلدنا الحبيب لكنه في العالم ككل مما ادي انه مع كل فصل تصديقك للأحداث المروعة بيزيد وبيوصلك بكل تفاصيله القاسية

    ثانياً الشخصيات: طريقة سرد وتقديم الشخصيات قايمة علي طريقة البازل كل فصل بتعرف تفصيله كل تفصيله بتقربك وتفهمك ديناميكة الشخصية الي قدامك بشكل صلب وملموس لينتهي بيك الأمر في النهاية انك حابب\كاره\حاكم او عايز تموت الشخصية الي قدامك رحلة بتنتهي انك مرتبط سواء بحب او بشفقة او بتلذذ سادي مع كل الشخصيات

    ثالثاً: القفلة والحوار الأخير: اصلاً طول الرواية الكاتب بيسألك اسئلة عاملة تحطك قدام المريا، بتعرفك علي احكامك وعلي انحيازاتك وعليك انت كبني ادم فالي بيحصل تلاقي نفسك بتلطم في صمت لما تقفش نفسك بتعمل حاجة ولا اتنين من الحاجات الي بتتوصف وتشوف في هلع مدي تأثير ده علي الأخريين وتحس بانك بتتعري قدام نفسك وعقلك بشكل غير محسوس لكنه بياكلك علي وشك علي سهوة

    يسكت الكتاب علي كده لا ميسكتش يجي ابن الحلال وياخد القصص القصيرة الي مربوطة في القصة الكبيرة الي فيها كل الهلع والتفاصيل الي ورتك المعاميع المذكورة اعلاه ويقوم قايلك انها قصص حقيقية لناس عاشوا ومنهم من نجا ومنهم من لما ينجوا من هذا الهراء والقسوة الأنسانية المتناهية

    رواية في رأيي المتواضيع سابتني بأعظم سؤال ممكن الرواية تسيبك معاه انت عايز تبقي مين؟ عايز تعامل البني ادمين ازاي؟

    ورداً علي هذا السؤال انا سارة قررت اني في وسط كل هذا الهراء والقسوة انا هحاول ابقي رفيقة، هحاول محكمش، هحاول اسمع قبل ما ارد وهحاول افهم قبل ما اعمل نفسي قاضي وجلاد وهحاول اني افكر نفسي زي ما قال الكاتب قبل كده "وانت تحكم علي الناس ليه انت مال اهلك" لو معندكش الرفقة والشجاعة انك تبقي حقاني وتقف مع الضحية يبقي اقل واجب انك تسكت ومتبررش للجاني

    #سو_ريفيو لرواية #الداما 4.5 من 5 وده لقسوة ولكن صراحة السرد

    دمت مبدع يا صديقي ووالأهم دمت صادق

    Facebook Twitter Link .
    0 يوافقون
    اضف تعليق
  • لا يوجد صوره
    5

    أنا دائما بكتب مراجعاتي باللغة العربية الفصحي لكن المرة دي أنا هكتب المراجعة من جوايا جداً فحبه اكتبها بالعامية ال هو زي ما تكون لابس كاجول مش فورمال فواخد راحتك 🤌

    "لأنك لست الضحية يا عزيزي .. أنت المستفيد الوحيد من صمتنا "

    رواية الداما رواية نسوية بأمتياز بتعبر عن ما تمر بيه كل نساء العالم مش الستات المصرية بس لإن كل المكتوب في العمل اعتقد بنات كتير مرت بيه و محدش بيتكلم علشان الخوف أو يمكن الصدمة وقتها

    " و عن أن الأمل معدوم طالما أن هناك أهلا لا يؤمنون الثقافة و الأمان لبناتهن ذلك الهاجس بالحرمانية على كل ما هو ليس محرم في الدين لكنه محرم في المجتمع «التحريم المجتمعي » الذي اكتسب سلطة كادت أن تتجاوز سلطة الدين في الإيمان و الثواب و العقاب

    سلطة «العيب و ما لا يصح » "

    قرر حازم كتخدا يكتب عن بطلة الرواية هيا (داما) الراوي في الرواية لو شلنا اسم محمد صادق من على العمل مش هيبقي عندك شك خالص إن ال كاتب الرواية كاتبة و ليس كاتب و كتابة الأدب النسوي قليل جداً لما تلاقي كاتب يعرف يعبر بدقة عن مشاعر الأنثي لكن الكاتب محمد صادق يرفع ليه القبعة كالعادة بعد كل عمل من وجهة نظري بالنسبة ليا هو عبر عن الالآم و القهر و مشاعر و امور كثيرة بتمر به المرأة على مدار حياتها أمور صعب جداً احنا نفسنا نعرف نعبر عنها لكن هو عبر عنها بدقة أو (زي ما بيقول الكتاب) عبر عن المرأة الضحية للرجل و كمان عبر عن المرأة القاسية ال كانت في شخصية ألهام دائما بيقولوا إن الأم بيحركها غريزة الأمومة لكن أنا كنسمة شوفت أمهات قاسية جداً مش قاسية في المعاملة زي ما انتو هتفكروا لكن هي من جواها ممكن تقسو على حد من اولادها قسوة غليلة تخلي الأبناء يشعروا إن معقول أنا ابنها ازاي هي من جواها كرهاني كدا كان دائما في عقلي سؤال ازاي أم تكون بالجحود دا فين غريزة الأمومة ال دائما بسمعها و اخيرا صادق جاوب على سؤالي في الرواية

    "هل تعلم يا عزيزي أن الأمومة اختيار ؟

    لم و لن تكون فطرة .. و لم نخلق لأداء هذا الدور فقط .. هو اختيار دائم "

    مازال صادق جوه حتة الطفولة ال بتطلع في كل عمل ليه ما زال هتلاقي جرأة داما و جنونها موجودة في كل اعماله بأبطال مختلفة

    تعبيره عن الحب بالحنية و العمق ال كتب بيهم هيبتا و نجحت و كسرت الدنيا موجودين مع هيا و صفي في الرواية هنا

    و السكوت و الخوف من من المجتمع و الأهل و التزييف

    فكرة الرواية هي الكتابة على لسان داما بطلة العمل على التحhرش و العنف ال بتتعرض ليهم و قررت تأخد حق 29ضحية و في أثناء كل دا بتحكي عن نفسها و كل كلامها هتلاقي نفسك فيها بشكل أو بآخر

    عمل نسوي نفسي اجتماعي يستحق إن ارفع للكاتب القبعة تحية ليه عن مدي تعبيره عن ما تمر به المرأة بهذا العمق دون صعبانيات و بطريقته و أسلوب كتابته و روحه كالعادة شخص عارف يعبر عن مشاعر البشر كأنه بيقرأ ورق تاروت 🤷❤️

    #الداما

    #محمد_صادق

    Facebook Twitter Link .
    0 يوافقون
    اضف تعليق
  • لا يوجد صوره
    4

    رواية إذما: دارت عن طرف العلاقة السام في حياتنا.

    أما داما: عن رجل الكهف السام الشهواني في مجتمعنا.

    فكرة الرواية من الصُفح الأولى تاخد انطباع الجُرأة شويتين، وصادمة، وقد يحسبها البعض خادشة للحياء، لكنها تتناول فكرة مجتمعية عابرة للأجيال. في أول العمل كنت مصدوم من صوت داما الجرئ في السرد، وسخريتها من الذكر وتوهَّمت إن العمل فيمنست صرف، بيصور الرجال على أنهم أبالسة فاريين من الجحيم، وهي بتفتك في لحمهم لحد ما جت لحظة حسمية في الرواية، وتفتَّحت لي الحقيقة وتبين لي سبب كلامها بالطريقة دي عن كل نفر في حياتها، عشان أسلت نفسي من صفوف العدائيين، لصفوف داما بإشفاق حار وتضامن عتيد، وكل انتقاد لسلوك الشخصية أو تعقيب عن لا منطقية ردة الفعل، كان موجَّه لداما، مش لمحمد صادق.

    - الفكرة بإيجاز غير مفسد لأحداث الرواية:

    امرأة مطلقة تتناحر للانتقام من ذكور بدَّلوا حياة ستات لجحيم مستعر.

    ٣ أيام مع الرواية من..

    الغياب عن الواقع.. الصدمة.. الاستمتاع.. الانجذاب.. التلذذ.. الشفقة.. التقزز.. الرفض. بعد كل مغامرة لداما كنت بشك في تماديها عن المألوف، وإن خيال الكاتب تدخَّل بعفوية وإسهاب عشان يقبِّح الواقع والناس أكتر، لكن بعد شوية فنِّدت شكي بحُجَّة منطقية بالنسبة لي وهي: إن العالم بشع للدرجة اللي أنت ما تتخيلهاش. وفي نهاية الرواية اتصدمت بأن القصص حقيقية دون تحريف أو فلترة، اللي هو "يا عيني ده اتسدم" بجد بصوت هاني رمزي.

    بوينت مهمة عجبتني في عدم تجاوز الكاتب الشعرة الرفيعة بين التعمق في وصف مشهد ماجن، وبين التلميح لُه رغم إن ده العمود الفقري للعمل، كمان قدرته في تصوير حدث كأنه مشهد مرئي في دماغي، شخصياته متجلية من غير مجهود. خلال قراءتي للعمل بعد ما اتعرَّلي حياة داما، شفت تطابق وتصوير مناسب من قصيدة صلاح جاهين لما قال:

    مهبوش بخربوش الألم والضياع

    قلبي منزوع من بين ضلوعه انتزاع

    يا مرايتي يالي بترسمي ضحكتي

    يا هلترا ده وشي ولا قناع

    عجبي!!

    لخَّصت لي حاجات كتير مع كوبايه الشيخ إمام لما قال:

    وهبت عمري للأمل ولا جاشي.

    وهو ده فعلًا وضع ستات كتير.

    لكن في الأخير حجات تانية معجبتنيش في العمل لمَّحت ليها فوق وسط الكلام، وحاجات تانية هذكرها زي السرعة اللي حسيت بيها في نهاية العمل وإن: طب وبسيوني... مفيش وقت.. يلا بسرعة". كمان بعض الهفوات الإملائية التي لا ترى إلا بالمجهر الدقيق. وتعميم كل قاعدة لداما على الرجالة كلهم، مع عدم التحسب إن فيه شذوذ للقاعدة، واللي مش هقدر أتغاضى عنه خداعي إن مفيشششششش حاااااازم كتخُداااااااا في العمل، لكن لو حبيت أومن وافترض الفيرچن الأنثى منه هيبقى داما.

    Facebook Twitter Link .
    0 يوافقون
    اضف تعليق
  • لا يوجد صوره
    4

    كتاب : " الداما"

    الكاتب : " محمد صادق"

    الكاتب اثار موضوع مهم جداااا وراح لمنطقة قليل اللي بيتكلم فيها بسبب حساسية الموضوع ونوعية القصص اللي سردت من خصوصية وايضا نفسيه.وهو ثقافة المجتمع تجاة المراة و واختلاف نظرة المجتمع لحالة المراة حسب الحالة الاجتماعية ' عزباء -مطلقة-شابه ' وبعض القضايا التي اثيرت مؤخرا من اضطهاد وعنف وبعض الامراض النفسية التي تمارس علي المراة من قبل اقرباء كانو او غرباء لكنها في الحقيقة نتيجة امراض نفسية ونتاج تربيه خاطئه وعقد نشأت معهم نتيجة سوا التربيه وعدم الامان. و القصص المدرجة حدثت بالفعل لاشخاص من ارض الواقع " سادعك تكتشف كل ذلك بنفسك داخل أروقة الرواية عزيزي"..فتسليط الضوء علي هذه النوعية من المواضيع والقصص بقت موجودة بكثر بينا لكل الامراض النفسية اللي موجودة في ناس كتييييير حوالينا ومحدش بيعترف بيها وهي في الحقيقة لازم تتعالج بل وصاحبها لازم يعترف انه مريض لقيمه او مجرد تفكيره في مثل هذه القصص الذي ستروي.

    فالكاتب يستحق الثناء علي التطرق لهذة المواضيع.

    الرواية من حيث البناء الدرامي للاحداث والاثارة انك تكمل للاخر عظيمة، وطريقة السرد مع الانتقال في الفصول المختلفة لازمنة مختلفة داخل الفصل الواحد في حياة الشخصية من غير إنقطاع لتسلسل الاحداث ومتابع نفس سير الخط الزمني للرواية كان جيد...كمان عدم الحشو والوصف الزائد في فصول كتير وسرعة الاحداث اللي هتخليك عايز تكلمها للاخر في وقت قصير كان من الجزئيات المهمة في الرواية.و الكاتب كان موفق في توقيت الكشف عن حقائق ماضي واهداف الشخصيات في الفصول المختلفه..

    الجزء اللي الكاتب فيه غير موفق هو 'لغة الرواية -وبعض الوصف ' واللي زاد فيها عن الحد المعقول للوصف خصوصا "الجنسي" الكاتب لي حرية التعبير وانه بعض المواضيع تلزمك ككاتب الحديث عنها ولكن هناك بعد التجواز كان لابد مراعاته اكتر من ذلك ...بالاضافة لبعض الكلمات والالفاظ البذئيه التي قيلت علي السنة الاشخاص كان من الممكن الاستغناء عنها دون الاخلال بمعاني الجمل التي قيلت فيها ودون الحاجه لها من الاساس...حتي وان كان للكاتب رسالة ان هذه الالفاظ اصبحت توجد بكثره في المجتمع وبين فئات مختلفة فما كان عليه ان يستخدمها هو ايضا بكثره عند كل موضوع كان الممكن الاستغناء فيه عن هذه الالفاظ مراعاة لفئات مختلفة من القراء...

    مادون ذلك فالرواية تستحق القراءة والتجربة لكن من رائي ليس ماهم دون ال 18 كما يقول الكاتب.. لكن ماهم دون ال25 ............

    # " الداما" رواية جيدة اعطيها 4/5

    Facebook Twitter Link .
    0 يوافقون
    1 تعليقات
  • لا يوجد صوره
    4

    #قراءات2023

    #الداما

    عارف لما تقرأ رواية ل كاتب وتقول خلاص مش هقرا له تاني...شوية وغلبك الفضول ف تقول"ماهي الرواية على أبجد هخسر إيه يعني هفتحها وأشوف"

    هوب

    تلاقي نفسك محبوس حرفياً جوة الرواية لحد م تخلصها؟؟

    بالظبط دة اللي حصل مع رواية "الداما" ل محمد صادق

    الرواية بتدور حول فكرة العدل البشري ومحاولات البطلة إنها تاخد حق ستات القانون للأسف م أنصفهاش

    إيه حكاية"هيا"؟؟ مين"صفي" اللي ظهر فجأة؟؟

    إزاي ممكن الصفحة تنكشف فجأة؟؟

    إيه حدود الإنتقام من أم مريضة نفسياً ف المقام الأول؟؟

    وإزاي بتكون النهاية؟؟

    أسلئة كتير..وإجابات على طول الرواية اللي كانت حوالي 300 صفحة من المتعة والتشويق

    عجبني جداً وصف المشاهد...التحليل النفسي للأبطال...الحوار اللي بلغة عامية مناسبة جداً

    النهاية...عبقرية

    فيه مشاهد ماستر سين حقيقي بس مش هقدر اتكلم عنها...هكتفي انها بين"هيا" و بنتها و باباها، فيها مشاهد +18 بس محسيتش إنها دخيلة على العمل

    اللغة يمكن مش أقوى حاجة للناس اللي بتحب الإقتباسات زي حالاتي...بس حقيقي الرواية نفسها عظمة

    الرواية حقيقي جميلة...قاسية حبتين خاصة إنها مبنية على أحداث حقيقية طبقاً للكاتب،

    شجعتني جداً إني أرجع أقرا "بعض" أعمال محمد صادق

    #قراءات_أبجد

    #كتاب_مفاجأة

    8/70

    5-فبراير

    Facebook Twitter Link .
    0 يوافقون
    اضف تعليق
  • لا يوجد صوره
    5

    هي الرواية بتناقش تريند ميدوسا و انا اول مرة اقرأ حاجة ناقشت الموضوع ده بس ممتنة ان كاتب زي محمد صادق ناقش الموضوع بشكل صريح و جرئ كده كالمعتاد منه ف وصف المشاعر نفسها مش أفكار🤍

    + انا اتصدمت من الاحصائيات اللي مكتوبة ف الرواية الارقام دي صح!💔

    انا خرجت منها ب سؤال واحد عايز تتعامل مع البني آدمين ازاي عايز تحكم من المظهر من غير م تسمع اصل الحكاية + و انت تحكم ليه انت مال اهلك اصلا

    و لو هختار ف انا هختار ابقي الجزء الداعم❤‍🩹

    هو ده اعظم كتاب قريته بجد ف كم الكتب اللي قرأتها ده بجد و اتأثرت جدا و انفعلت و اتصدمت و انا بقفل الكتاب ده شعرت بكم فخر من نهاية الرواية و موهبة الكاتب انه قدر يحكي القصص الحقيقية دي بشئ من الفخر ليهم ميدينهمش ابداً بل في فخر ف صبرهم و قوة تحملهم و انه بيواجهوا كم الضغط ده المجتمع كله حرفياااا انا مبهورة ب الكتاب ده اوي..

    الكتاب ده مخدش ف أيدي اكتر من اربع ساعات لأني بجد مقدرتش اسيبه غير لما اخلصه

    Facebook Twitter Link .
    0 يوافقون
    اضف تعليق
  • لا يوجد صوره
    0

    الروايه تلعب علي وتر إذكاء الحرب بين الذكر و الانثي و معظم الروايه تتعرض لصداع الذكر للانثي و كأنها غر ساذج مع ان معظم القصص الانثي فيها مشتركه في الجريمة و هنا لي سؤالين

    الأول هل ارتكاب الزنا برضي الطرفين دون زواج يشفيها من الخطأ و صب الخطأ فقط في الاغتصاب - الذي هو طبعا جريمه شنيعه - ما هو الفارق بين علاقتها مع صفي و علاقه امها بعمها- الاثنان زنا و ان كانت امها زنا محارم و خيانه لوالدها -

    السؤال الثاني عندما خانت هيا صديقها محمود مع زوجها محمد لماذا لم تعاقب نفسها اوليست هذه خيانه دون سبب و خيانه للشخص الوحيد الذي احترمها

    اخيرا ليس كل النساء ملائكه و لا كل الرجال شياطين

    اعلم انها روايه و لكن الخطر ان كثير من الشباب حاليا يأخذون تربيتهم من الروايات فيجبمن وجه نظريان يكون للروايه هدف و ان اصل للهدف بطريقه نظيفه

    و شكرا

    Facebook Twitter Link .
    0 يوافقون
    اضف تعليق
  • لا يوجد صوره
    5

    انتهيت من قراءة هذه الرواية الجريئة للكاتب شديد الصدق الذى ينبش فى القضايا المخفية محمد صادق فانا أؤمن دائما انا لكل منا نصيب من اسمه ...وربما بسبب صدقه الشديد مع نفسه ومع المجتمع تصل روايته الى قلوب القارئ مباشرة

    الرواية تثير الشجن وتدعو الى التفكير فى آن واحد فالروايلت التى تحمل فى طياتها حكايات عن القهر والظلم تثير الشجن ولكنها تثير التفكير فى الاوضاع المتردية فى المجتمع المنتشرة باسم العرف. الدين وهما منهم براء ...ازددت تأثرا عندما علمت ان حكايات القهر حقيقية

    دمت مبدعا ودام قلمك صادقا دائما سيدى الفاضل 🌹🌹

    Facebook Twitter Link .
    0 يوافقون
    اضف تعليق
  • لا يوجد صوره
    4

    كيف يتقمص الكاتب روح الأنثى، يتحدث عن أوجاعها ومشاكلها.

    يتجرد من ذاته الذكورية ويتحد من الأنثى عبر ألم نفسي وجسدي.

    أغتصاب وتحرش.

    الداما الأنثي الثائرة المتمردة علي القهر والظلم.

    رواية محكمة استمتعت بها وتوحدت مع البطلة وتأثرت

    ... وبكيت.

    الرواية غير صالحة لكل القراء، وتخاطب قارئ ناضج متفتح، متعة إفادة وأمل في تغيير واقع فاسد.

    للمزيد من التفاصيل مراجعة مرئية للعمل بدون حرق للأحداث

    #كوكب_الكتب 🌍

    #العراف 😎

    ****

    Facebook Twitter Link .
    0 يوافقون
    اضف تعليق
  • لا يوجد صوره
    5

    رواية جريئة رائعة انتهيت منها في جلسة واحدة استمرت ساعات، الحبكة متميزة وقوية البناء وتحترم ذكاء القارئ.. تناول الكاتب بشجاعة يستحق الشكر عليها الموضوع الاهم والاقسي في مجتمعنا الشرقي وهو العنف والتحرش الجنسي البغيض، تصاعد الاحداث تم بوتيرة محكمة وشديدة السلاسة والروعة، اكاد اجزم انك بعد قرائتها لن تعود كما كنت ستصبح اكثر نضجا وشجاعة، خالص الشكر للكاتب المبدع:)

    Facebook Twitter Link .
    0 يوافقون
    اضف تعليق
  • لا يوجد صوره
    1

    رواية ضعيفة

    عطيتها نجمة

    الرواية كانت مباشرة و مليانه رومانسية غير واقعية ونمطية

    مش كل الحقوق بتيجي

    مش كل النهايات سعيدة

    الرواية كانت محتاجة تتخزن خمس سنين لغاية ما تتخمر في دماغ الكاتب اكتر من كده

    ما عبجتنيش ومش هو نفس الكاتب بتاع انت فليبدء العبث

    Facebook Twitter Link .
    0 يوافقون
    اضف تعليق
  • لا يوجد صوره
    5

    من أجمل و أصدق ما قرأت 💙 يشهد التاريخ أنه لم يكنب أحدا بعد نزار قباني و إحسان عبد القدوس عن خلايا أنسجة إحساس و فكر و مشاعر المرأة مثلما كتب الموهوب الصادق الرقيق المتبحر في المشاعر الإنسانية/ محمد صادق في رواية ( هيا و الداما ) 📝

    حازم شفيق

    Facebook Twitter Link .
    0 يوافقون
    اضف تعليق
  • لا يوجد صوره
    5

    منذ مدة ليست بالقليلة لم أقرأ رواية تشدني كما شدتني داما. تذكرني برواية الرائع أحمد خيري العمري بيت خالتي

    أحببتها جدا ولم أستطع تركها ألا بعد أن أكملتها وتمنيت لو لم تنته أو لو أنها كانت أطول

    أنصحكم بها

    Facebook Twitter Link .
    0 يوافقون
    اضف تعليق
  • لا يوجد صوره
    5

    رواية رائعة فعلا

    للاسف المجتمع محتاج اصلاح نفسى رهيب. احنا يوميا بناذى نفسنا وغيرنا بتصرفات وقرارات وسلبية

    كام واحدة حقها ضاع بسبب الخوف والسلبية

    للاسف يا عزيزي كلنا مرضي نفسيون

    Facebook Twitter Link .
    0 يوافقون
    اضف تعليق
  • لا يوجد صوره
    5

    من أروع ما قرأت

    شكر وتقدير للمؤلف محمد صادق على المجهود المبذول في الرواية

    حقا تستحق الانتظار !!

    Facebook Twitter Link .
    0 يوافقون
    اضف تعليق
  • لا يوجد صوره
    5

    ❞ أريد العدل في الخطأ.. العدل في العقاب قبل الثواب.. العدل في الحكم على البشر.. ❝

    #الداما

    Facebook Twitter Link .
    0 يوافقون
    اضف تعليق
  • لا يوجد صوره
    1

    أضعف عمل لمحمد صادق.. للأسف خيب ظني لأول مرة

    Facebook Twitter Link .
    0 يوافقون
    اضف تعليق
  • لا يوجد صوره
    0

    ..

    Facebook Twitter Link .
    0 يوافقون
    اضف تعليق
  • لا يوجد صوره
    5
    Facebook Twitter Link .
    0 يوافقون
    اضف تعليق
  • لا يوجد صوره
    5
    Facebook Twitter Link .
    0 يوافقون
    اضف تعليق
  • لا يوجد صوره
    4
    Facebook Twitter Link .
    0 يوافقون
    اضف تعليق
  • لا يوجد صوره
    5
    Facebook Twitter Link .
    0 يوافقون
    اضف تعليق
  • لا يوجد صوره
    5
    Facebook Twitter Link .
    0 يوافقون
    اضف تعليق
  • لا يوجد صوره
    4
    Facebook Twitter Link .
    0 يوافقون
    اضف تعليق
  • لا يوجد صوره
    4
    Facebook Twitter Link .
    0 يوافقون
    اضف تعليق
المؤلف
كل المؤلفون