ربع جرام

رائعة جداً جداً ، و احلى ما فيها إنها واقعية و بتمثل كل واحد فينا ..

عصام دخلنا عالم المدمنين بحالهم و واقعهم و مشاكلهم ، ممتعة جداً الأحداث و إندمجت جداً و خصوصاً الشخصية الأساسية " صلاح " أنا ضحكت معاه كتير أوى و كرهته كتير بسبب تصرفاته و فقدت فيه الأمل من التعافى و بقى فيه كل الصفات الوحشة و سبت الرواية أيام مش عايزة أعرف حاجة عن صلاح ، لكن فترة التعافى و إستسلامه للإخلاص و النيه الخالصة لربنا سبحانه و تعالى حببنى فيه و تعاتفت معاه جداً ..

كسب كتير أوى لما قرر يعيش صح ، كسب اللى إحنا مش عارفين نكون فيه " صحبة حلوة و صادقة ، إهتمام الجميع أهل و أصدقاء ، أمانة ، صدق النفس و القلب و اللسان ، الإعتراف بمشكلته و هيا إيه برغم ضخامتها ، الناس شايفاه كبير و بقى صاحب مسؤلية عن ناس و عمل ، شاف نفسه و أكتشف الحلو اللى فيه و بارع فى أن يكون نفسه "

صدقنى يا صلاح ، إحنا مدمنين أكتر منك و محتاجين ال 12 خطوة عشان نبقى زيك

اول ما قريت الكتاب ده ... قلت هيتكلم على ايه يعنى فى 635 صفحة ..وليه كل ده على الادمان وقلت انى هندم

....بس مش مشكلة حاجة ممتعة وبتاع وادينا بنجرب....

بس بجد يستاهل كل حرف قريته فيه

ضحكت معاه فى اوله وعيطت اوى معاه فى نصه وقرب نهايته

...

اسلوب واقعى وجميل وسهل يخليك تعرف اد ايه حجم المشكلة وتعيشها وتحسها فى كل كلمة لدرجة تخليك تعيط وتضحك معاه وتبقى مبسوط ليه كانك تعرفه

...

من احلى الرسائل اللى قريتها

واتمنى انى اقرا حاجات كتير تدخلنى فى الحالة دى كده زيه

(اللهم امنحنى السكينة لاتقبل الاشياء التى لا استطيع تغييرها..والشجاعه لتغيير الاشياء التى استطيع تغييرها...والحكمة لمعفة الفرق بينهما)

:)

الرواية حلوووه اوووي ف الاول حسيت بملل بس بعد كده حسيت بمتعه عرفت يعني ايه مدمن

ف الاول كنت كارهه (صلاح) كدب ع ناس كتير وعذب اخته وامه واصدقائه بس اول ما دخل المستشفي كنت خايفه ليدمن تاني اول ما يخرج بس فرحت اول ما خرج ونفز كل حاجه واتمسك ومبقاش مدمن عرفت ان مفيش حاجه ( مستحيله )

من اجمل واحلى الكتب

اكتشفت انى مش مهم اقرا رواية ادبية

لما يكون رواية مش بس واقعية ولكن رواية قادرة على نقد المجتمع كله واخراج امراضه

لن اخوض فى الاحداث او التقييم لانها ليست رواية ادبيه حتى احكم عليها

ولكن ساحكم على المجتمع الذى يستحق درجة تحت الصفر ,

المجتمع الذى اوصل هؤلاء الشباب الى ماهم فيه من عالم الادمان

من اول الصفحة 490 بدات ابكى اشد البكاء , رجوع الابن الضال كما يقولون اكثر انسانية من رحلة الادمان

فى النهاية حمد الله على سلامة صلاح ولكن عذرا

صلاح تعالج من الادمان ولم يعالج المجتمع من ادمانه على تحميل هؤلاء الشباب فقط المسئولية

صلاح تعالج من الادمان ولم نعالج نحن حالة الادمان التى فيها من تكاسل

لم نعالج من الادمان لاننا حتى الان نحاسب وتعاقب المدمن ولا نعالجه اولا

على المجتمع ان يعالج المدمنين اولا قبل معاقتهم

_من اقتباسات الرحلة(لا اسميها رواية)_

" "اللهم امنحنى السكينة لاتقبل الاشياء التى لااستطيع تغييرها,

والشجاعة لتغيير الاشياء التى استطيع تغييرها,

والحكمة لمعرفة الفرق بينهما"

من النادر إني أبكي من قراءتي لكتاب او قصة لكني بكيت لاني تفاعلت مع الرواية وعشت أحداثها وانا بقراها ، أعتقد أن المؤلف له دور كبير في تحويل السيرة الذاتية للبطل لعمل رائع بهذا الشكل ، وعبقرية الرواية في أحداثها الواقعية التي هي أقرب للخيال ، لأنها بتكشف مناطق واحداث في المجتمع لم نتعرف عليها بهذا الشكل من قبل .وهو واقع الادمان والمخدرات وعلاقة قمة المجتمع بقاعه أقصد الناحية الطبقية .انا اكتب عن الرواية بعد قراءتها ب6 سنوات تقريبا .

قرات الكتاب ونال علي شدة اعجابي اكثر ما اعجبني هو طريقة صياغة الكاتب للرواية وصدق الاحداث لدرجة عالية جدا من الواقعية

أسلوب الكاتب فقير جدا من الناحية الأدبية، و لكننى أرى أن هذه نقطة ضعف و قوة فى نفس الوقت، فرغم أنها ضعيفة جماليا كرواية، إلا أن هذا الأسلوب ساهم فى ترسيخ الإحساس بواقعية النص، فهى ليست رواية متخيلة ولكنها أحداث حقيقية قام الكاتب بتدوينها على الورق ليس أكثر، و هو ما ساعد أكثر فى تجسيد الصورة بقبحها و ألمها.

الرواية طويلة جدا وهذا يرجع لأن الكاتب ليس بأديب قادر على تلخيص الموضوع دون الإخلال بالمضمون، لكننى لا أنكر أننى عشت معه فى الأجداث و لم أمل منها مطلقا لأن الموضوع مسنى بشدة لدرجة أننى أذكر أن هذه هى الرواية الوحيدة التى بكيت أثناء قراءتها فى حياتى، لأننى رأيت فيها أصدقاء دمر حياتهم هذا الداء اللعين، بل و رأيت نفسى فى مراحل مبكرة من حياتى فى بعض مشاهدها، و هذا فى رأيى أكبر دليل على نجاح الكاتب فى توصيل فكرته، فأنا أرى هذه الرواية هادفة بإمتياز و هو ما يشفع لها ضعفها الأدبى، رغم عدم ميلى للقصص الوعظية عادة إلا أن هذه الرواية إستثناء.

رواية جيدة جدْا بعد الانتهاء منها حاسس انى مش ينفع اكتبلها ريفيو خالص .. اكتر من 600 صفحة بتحكى قصة صلاح مع الإدمان ابتداءْا من عمر ال 8 سنين مع رحلة لمدة 20 سنة بين غياهب المخدرات و دهاليز الضياع و الإدمان حتى الانتهاء ببرنامج ال 12 خطوة اللى ساعد العديد من المدمنين بالإقلاع عن المخدرات او الخمور او اى نوع من المكيفات .. الرواية عليها بعض السلبيات منها الطول المبالغ فيه فى السرد و القص و اللى تمثل فى 644 صفحة أو ذكر اكتر من معلومة اكتر من مرة

دعوه جميله للامل والثقه بالنفس والايمان بالله ..... روايه جميله جدا جدا بالرغم من بعض التطويل لكن في المجمل ممتازه