هبة العلاج النفسي

كتاب هبة العلاج النفسي

تأليف د.إيرفن يالوم

ترجمة سعيد المنيسي

..

الكتاب عبارة عن ٨٥ فصل، كل فصل بيتكلم عن نصيحة أو تأمل خاص بالممارسة العلاجية من خلال تجربة د.يالوم الشخصية مع مرضاه

الكتاب أسلوبه بسيط وبيركز على الجانب الإنساني للمريض والمعالج على حد سواء

وبيهتم بفكرة النظر لكل مريض كشخص متفرد مفترض يكون له خطته العلاجية المناسبة له هو فقط

كمان الكتاب بيركز على جوهر العلاقة العلاجية وأهميتها في رحلة العلاج

..

في حالة الخروج عن القواعد الأساسية للعلاج فالكاتب بيوضح ده وبيوضح إن الخروج عن القواعد العامة مش مناسب لمن هم في بداية الطريق المهني

..

فيه حاجات في الكتاب ونصايح أنا كنهال معتقدش إني هعملها 😃

رؤيتي لها في الوقت الحالي إن فيها خروج كبير عن القواعد العامة للممارسة

وفيه حاجات مكنش عندي فيها مرونة في بداية شغلي قبل كده لكن مع الوقت بدأ يكون عندي فيها مرونة

لكن بشكل عام أنا شايفة إن الأصل في الممارسة هو اتباع القواعد العامة المعروفة مش الأصل هو كسرها

وبالتالي لو حد هيقرأ الكتاب وهو في بداية طريقه المهني فمحتاج ينتبه للنقطة دي

…

الكتاب شايفاه مناسب للمتخصصين

وترجمة الكتاب لطيفة وتساعد على القراءة

كتاب مهم