علاقات خطرة

كتاب قريب لنفس كل واحد فينا،عشان كده قرار دكتور محمد فأنه يتكلم بالعامية كان صح ومينفعش يتعرض لنقد بسببه؛الرسايل اللي فيه ضروري توصل للفئة البسيطة.

تاني حاجة محستش بوقتي حرفيا وأنا بقرأ كأني قاعده مع حد قريب مني وبيفضفضلي وينصحني.

تالت حاجة يمكن العيب الوحيد اللي فيه كان التكرار لكن ممكن منعتبرش ده حتى عيب؛لأنه كده بيثبت فكرته غالبا.

والرابع سجله أوريجي:"

رائع

علاقات خطرة مش مجرد كتاب ، هو عامل زي المرايا اللي بتشوف فيها حقيقة نفسك واللي حواليك بدون اي تجمل وكأنك بتكتشف نفسك والناس لأول مرة وكمان تتصالح مع نفسك ومعاهم رغم كل حاجه عشان تقدر تعالج أي قصور ف شخصيتك وتعرف تتعامل مع الناس حواليك ، علاقات خطرة كتابي المفضل والمرجع الإنساني بالنسبالي ✨

كتاب مميز خطير بينظم العلاقات ويخليك قادر تفكير فيةكل علاقه بشكل سلس وبسيط كتاب صادق اوى ومواضيع واضحةومحددة

أكثر من رائع ... مشكلته انه بيفتح على الإنسان جحيم الوعى

من أجمل ما قرأت شكرا دكتور محمد طه

الكتاب جدًا جميل.

خليني ابدأ الكلام بالنقطة اللي مزعلة ناس كتير جدا من الكتاب ده وهي نقطة انه بالعامية المصرية وادافع عن قرار الدكتور محمد طه في نشره بالعامية لسببين:-

أولا ان عامية الكتاب عامية مثقفين مش عامية قهاوي ومش عامية واحد لغته العربية واقعة من الدور العشرين

ثانيا الكلام اللي بيتقال في الكتاب ده لو اتقال بلغة اعلى من عامية المثقفين هايكلكع ومش هايتفهم لمعظم الناس اللي من الفئة اللي الدكتور محمد طه مستهدفها من كتابه وهي فئة عامة الشعب اللي بدأوا يفهموا اهمية الصحة النفسية وعاوزين يعرفوا عنها اكتر

ندخل بقى في المهم

الكتاب ده هو ببساطة نتاج تجارب مؤلفه الشخصية كانسان والعلمية والعملية كطبيب نفسي في موضوع العلاقات واللي بيتضمن كل العلاقات من علاقة الانسان بربنا لعلاقته بنفسه وجسمه واللي حواليه جميعا

الكتاب من وجهة نظري مهم جدا وخصوصا لأي اتنين داخلين على جواز او متجوزين فعلا وعاوزين يغيروا علاقتهم للاحسن واهم فكرة فيه طبعا واللي اي حد بيحضر محاضرات الدكتور محمد طه او جلسات العلاج النفسي الجماعي اللي هو بيديرها عارف انه بيكررها وكتير وهي فكرة الاستحقاق اللي احنا اتولدنا بيها والمجتمع اخدها مننا وحط عليها شروط

أرشح هذا الكتاب بشدة وان شاء الله هايكون موضوع الحلقة الجاية من سلسلة فيديوهات اعرف اكتر على قناة اليوتيوب بتاعتي

هذا كتاب يعرض لعلم نفس الإنسان من حيث العلاقات الإنسانية اما سوية فيها قبول للنفس والآخر وفهم للنفس والآخر وتقدير احتياجات النفس والآخر والاستعداد للمساعدة والعون فى وقت الحاجة والشدة وأما غير سوية اما استغلال الاخر وقته ماله مشاعره دون مقابل اواسقاط احباطات الشخص على اخر لتنفيس الغضب ورد الكرامة مثل الشخصية النرجسية والسيكوباتية وأثر النشأة والأسرة و المجتمع فى تكوين شخصية الإنسان وقدرته على تكوين علاقات سوية او الغير سوية فى حياته وفهم الإنسان لنفسه وإمكانياته وقدراته وقدرته على التعبير على مشاعره بصورة لائقة دون الأضرار بالنفس او الغير

محمد طه أبدع هنا بتوصيل أعماق رسالته إلى جمهوره بأسلوب منتهى في البساطة، فهو يكمل ما قاله في كتابه الأول "الخروج عن النص".

لكن هنا تحدث بكثب عن أنواع العلاقات الخطرة التي قد تواجهك، وأوضح لك صريحاً متى يمكنك أن تحاول مع أحدهم، ومتى تستطيع أن تهرب بجلدك بعيداً عن بقايا العلاقات الهشة.