الحقيقة اني استمتعت بالكتاب وكان لطيف فعلا وفكرني ببدايات قراءاتي لكتب دكتور عادل صادق الله يرحمه لما كنت صغيرة ولسه بدور على حاجات مبسطة اقدر استوعبها .. الكتاب ده في معلومات حلوة لكن مبسطة بزيادة وده شئ طبيعي لانه مش مطلوب قراءته من افراد متخصصين .. ممكن نقول عليه مدخل لحد لسه بيبدأ يفكر يدور ورا شوية مفاهيم و من خلالها لو حابب يتوسع بعدها في كتب اكثر تعقيدا واكثر تفصيلا هيعرف يدور فين تاني .. والنقطة الاخيرة واللي خلتني انبسط من الكتاب انه تقريبا شبه نادر الكتب العربي المهتمه بالمواضيع اللي لها علاقة بالصحة النفسية ويكون كمان مش مترجم مثلا بس كان نفسي يدي فرصة او مساحة اكبر لنقط معينة في بعض الفصول اكتر من كده أو حتى أمثلة اكتر .. في العموم التجربة لطيفة و هانتظر في المستقبل الكتاب اللي جاي لنفس الكاتب ان شاء الله