كردان مكسور

"كردان مكسور"

وأنا بقلب في القائمة اللي راكناها على أبجد حاجة غير مرئية شدتني لرواية "كردان مكسور" ولقيت نفسي بفتحها وبسيب كل اللي كنت حاطاه في الخطة الحالية، وبجد أنا ندمانة إني ركنتها، وندمانة أكتر إني مقرأتش الجزئين اللي قبله واللي معرفتش بوجودهم غير من الريڤيوهات اللي نازلة على الرواية، ومع إن عدم قراءتي للجزئين الأولين مأثرش على استمتاعي بالجزء التالت، بس أنا واثقة إن قراءتي للجزء التالت حرقت عليا كتير في اللي قبله.

الرواية اجتماعية تشويقية بوليسية، حاجة كده كلها غموض وخداع وكمية وفيات رهيبة!

سرد رائع.. حوار منمق.. أسلوب سلس وبديع.. شخصيات مدروسة.. حبكة شبه متقنة.. فكرة ممتازة.. أحداث في زمنين، وحقيقي كل حاجة فيها رائعة!

كنت أتمنى أقرأ للكاتبة تاني بس للأسف عرفت برضه إنها كاتبة السلسلة دي بس، وبتمنى من كل قلبي تكتب كتير أوي♥!

#ريڤيو_بس_مش_ريڤيو.

#زينب_إسماعيل.

رواية كردان مكسور

للكاتبة والصديقة العزيزة/ سُلوان البري

(كردان مكسور) هى الجزء الثالث من سلسلة عائلة آل الذهبي. لكنهم مش مرتبطين ببعض.

رواية اجتماعية بوليسية في إطار تشويقي، عائلة آل الذهبي المليئة بالأسرار والغموض والمفاجآت، فكرة ممتازة واسلوب سرد سلس وبسيط.

حبكة متماسكة ومنمقة من بدايتها حتى نهايتها💜

شهادتي مجروحة لأنها صديقتي بس سلوان كاتبة شاطرة جدًا 💜

بالتوفيق سلوان💜