الكتاب الصوتى الرابع
اسم العمل :بعد منتصف الليل
الكاتبة: شيرين هنائى
التصنيف:رعب/مدته 5ساعات و37 دقيقة
صادرة عن :كتوبيا / اوديوهات
التقييم :⭐⭐⭐⭐⭐
أوقات كتير بنستمتع بشعور الرعب، حتى لو كان أوهام وتهيؤات لكنه موجود جوانا
وهنا فى (بعد منتصف الليل) هتبقى مرعوب ومبهور
الرعب هنا مش عفاريت وجان ودم، لا خالص الرعب هنا يكمن فى الاشياء العادية جدا، رعب التفاصيل الصغيرة والأشياء اللى لا يمكن تيجى فى بالنا زى "الكيس أسود "
الحلقات ماشية بمبدأ اطلع من حفرة اقع فى دوحديرة 😂
بعض المواقف ممكن تعدى عادى لكن لما سهير تحلل يبقى (يااااختااااااى) التحليل يرعب اكتر من الموقف نفسه، كل ده يطلع من حتة البسكوتة دى (سهير دى الرقة كلها)
الحلقات كلهم احلى من بعض، بس بما انى من متابعيين لاشين وهو شريري المفضل، حبيت حلقة الشيطان جبر وحلقة تأثير الالعاب الالكترونيه على الأطفال ( مالك عسول اوى اوى) وحلقة الكيس الاسود دى شعارها الاشياء ليست كما تبدو فى الاول كانت ضحك وبعدين (يالهههههههوى)
وطبعا معشوقة الملايين أم لوجى (ايه ده ياولية ياخربيتك😱) صراع السلايف 🤦🏻 على قد ما ضحكت على قد ماهى مصيبة كبيرة ،وظهور لاشين 🥰كل الحلقات عجبتنى جدااا
أما بالنسبة للمؤديين، اللي عامل دور مهاب دة بقى من المفضلين خلاص (عرف يوصل تقل دم مهاب ببراعة 😅😂)،كمان اللي عملت دور سهير شاطرة جدًا وإحساسها كان واصل أوي، ضحك، عصبية، حتى لما كانت متضايقة في آخر حلقتين، بجد تحفة
قضيت وقت ممتع ومرعب، شكراً شيرين هنائى على العمل التحفة ده ♥️
