المشاركة الصوتية الرابعة
العمل: بعد منتصف الليل الموسم الثانى
دار النشر: كتوبيا للنشر والتوزيع
المؤلفة: شيرين هنائى
إنتاج : شركة أوديوهات
المدة الزمنية: ٣٣٧ دقيقة
التقييم: ⭐️⭐️⭐️⭐️⭐️
أول تجربة ليا مع دراما إذاعية وحقيقى حبيتها جدا
مُهاب لذيذ أوى والأستاذة سهير زاهر متحمسة أعرف باقى قصتها وموهبتها مخبية ليها إيه
أكتر حكاية كانت مرعبة بالنسبالى كانت الست اللى عملت سحر لسلفتها وحماتها وجوزها دى واقعية وعشان كدة مرعبة جداااا نفسى اشوف حلقة تانية ليها أنها اتقبض عليها أو اتقتلت
أسماء والكيس الأسود البلاستيك قصتها غريبة بس مكنتش متوقعة إنها قاتلة متسلسلة دى إتصدمت فيها
لاشين طبعا حدث ولا حرج انا خلصت البرنامج عايزة اجررررى على لاشين عشان أعرف قصته الراجل ده والشر اللى وراه بس لازم أسمعهم بصوته مش هقرأهم😈
حاسة انى هدخل فى عالم الأستاذة الجميلة شيرين هنائى ومش ملاحقة عاللى عايزة أعمله وأسمعه ليها بس بجد مش عارفة أسمع حاجة بعد البرنامج أى حاجة بعد كدة ملل😅🤦♀️
ريفيو خفيف كتبته بالعامية عشان البرنامج كان عامى ومينفعش نزعل مُهاب مننا🤭
اللى مسمعهوش فايته كتير✨️
#بعد_منتصف_الليل
#شيرين_هنائي
#كتوبيا
#حصاد_العام
#أبجد
#فنجان_قهوة_وكتاب
#حصاد_العام_مع_أبجد_وجروب_فنجان_قهوة_وكتاب