لاشين : الكتاب الثامن - لعبة ناجورو

العدد ماهو إلا تفريغ لحلقات بعد منتصف الليل على أوديوهات، بالنسبة لي لاجديد به سوا انه من أجل اللحاق بركاب المعرض ليس اكثر.

 هذا الكتاب جاء ليسد بعض الفجوات الموجودة فى أحداث سلسلة لاشين بسبب تداخلها مع حلقات برنامج بعد منتصف الليل الإذاعي الذى يبث على منصة أوديوهات الصوتية.

كنت دائما أطالب بأن تنشر هذه الحلقات فى شكل كتاب ورقى أو اليكترونى حتى يتسنى لنا - قراء سلسلة لاشين وغير المتابعين للبرنامج الإذاعى - أن نكون على دراية كاملة بالأحداث وتطورها. من الجيد أن هذا حدث فى الكتاب الثامن وهو أمر محمود بالطبع وإن كان متأخرا. أن تأتى متأخرا خيرا من أن لا تأتى على الإطلاق. وأتمنى أن تغطى الكتب القادمة المزيد من هذه الفجوات ان شاء الله.

نعود إلى أحداث هذا الكتاب. الحكاية هذه المرة عبارة عن مغامرة مسلية بطلها الشيطان جبر المتخصص فى إغواء الأطفال والمراهقين لخدمة أغراضه الشيطانية المتمثلة فى أن يصير شيطانا مستقل وله أتباع ، فقد مل دور التابع للشياطين الأكبر.

نتعرف على سر الدمى المتحركة والتى بدأ ظهورها فى قرية ناجورو باليابان وانتشرت بعد ذلك على مستوى العالم ومع ظهورها يحدث إختفاء غريب للأطفال والمراهقين ، فما هو السر ؟.

المغامرة لطيفة ومسلية بالتأكيد ، لكنها ليست على نفس القدر من الإثارة والتشويق مقارنة بحكايات الأعداد السابقة فى سلسلة لاشين. الحكايات السابقة كانت أقوى وأكثر عمقا وإثارة مثل حكاية جزيرة الضحاك أو حكايات الشمندورة وغيرها.

عموما يحسب للكاتبة أنها ترحل بنا إلى عوالم ماورائية غير مطروقة من قبل ، وهذا بدون شك ما يميز هذه السلسلة الشابة التى أعتبرها الوحيدة - لا أتحدث هنا عن سلاسل قديمة نعرفها جميعا - التى تستحق أن يقتنيها محبى أدب الرعب فى وقتنا هذا. هى سلسلة فيها ابتكار ولا تشبه أى شىء قرأناه من قبل فى سلاسل أخرى شهيرة.

ننتظر المزيد من الحكايات فى الكتب القادمة بكل تأكيد.

عدد جديد من سلسلة لاشين و مغامرة جديدة بيواجه فيها لاشين الشيطان جبر اللي استغل لعبة الكترونية بيلعبها كتير من الأطفال و المراهقين حول العالم كوسيلة لاختطافهم لعالم الظلمات … يا ترى اي السر وراء تصرف جبر؟ و هل هينجح لاشين و سهير و مهاب في استعادة الأطفال؟

المغامرة المرة دي هنزور فيها اليابان و هنعرف سر بلدة ناجورو و الدمي البشرية اللي موجودة في كل ارجائها.

كمان و لاول مرة هنزور عالم الظلمات و نعرف حكاية عمارة قابيل و ازاي وصل هناك؟

ده غير اكتشاف الكتير عن جبر و مخططاته.

عمل غني بالتفاصيل و الاحداث الممتعة حتى لمن استمع لجزء كبير من احداث العدد على تطبيق اوديوهات … فالعدد مازال يحمل الكثير.

ايه العظمة دي بجد دي أقل حاجة تتقال عن عالم منسوج بامتياز فى البداية كنت متوقعة ان الجزء هيكون سرد لرحلة اليابان اللى سمعناها فى البرنامج لكن فوجئت بتفاصيل زيادة وتداخل فى الأحداث متقن بجد و تتمة لاحداث فى البرنامج كنت عايزة اعرفها اتبسطت جدا بالتفاصيل دي اللى وضحت حاجات كتير استمتعت جدا بالعدد دا والأحداث زادت جرعة التشويق فيها و خاتمة العدد فاتحة تساؤلات كتير هنستنا نشوف هتروح لفين اتمنى يحصل تغير وسهير متسبش البرنامج لان البرنامج مينفعش من غيرها فرحت لرجوعها لدكتور أسامة واتمنى العلاقة تتحسن بينهم اكتر ويوصلوا لارض مشتركة فى انتظار العدد التاسع والموسم الخامس بفارغ الصبر 😍 😍

رأي شخصي في العدد و ليس مراجعة

🔷أنا كنت من أشد المطالبين بمعرفة تفاصيل رحلة اليابان في عدد ورقي و لكن أنا حسيت اني العدد كان مخيب للظن فكرة أني لاشين يتقمص دور الكاتب للأسف لم تنال اعجابي.

🔷 في اعتقادي الشخصي كان ممكن نقول تفاصيل الرحلة في عدد أقل من الصفحات و نضيف جزء جديد أكبر

🔷 اعتقد أني دي أول مرة أقول ده علي عدد من أعداد السلسلة في كم أخطاء إملائية كبير جدا و خصوصا في أخر العدد و هنا بكلم علي نسخة تطبيق أبجد.

🔷 أتمني أما يتم عمل عدد لرحلة أمريكا يكون افضل من رحلة اليابان.

سلسلة لاشين العدد الثامن ..

تفريغ لأحدى الحلقات اللي تخص ظهور جبر ..

اللي مش بيسمع الحلقات ممكن كده يربط معاها بعض اللي حصل ..

انا ماشبعتش زي العدد اللي فاتت ما اخدتش كفايتي من الكتاب خلص بسرعة .. لا هنا اعترض نكتر في الكتابة بقى ..😅

طبعا حضرتك عارفة رأيي أكيد ..❤❤

اخيرا عرفنا ايه اللي حصل في رحلة اليابان اللي كان بيتم ذكرها في الكتب السابقة، بس الكتاب المرة دي كان غريب شوية، الدمج بين الشياطين والتكنولوجيا من ناحية، وطريقة الكتابة بإسلوب لاشين كأنه هو الكاتب وليست شيرين هنائي ادى للكتاب طعم مختلف.

محمد متولي

القصة حلوة جدا

لكن المشكلة ان الجزء ده بالظبط نسخة من بعد منتصف الليل على اوديوهات يعني لاول مرة ما يبقاش في حاجة مختلفة غير جملتين في الاخر

ايه اللخبطة دي بأه.... مين فين؟

طيب انا باسمع الحلقات و دلوقتي بقيت محتاسة اكتر😢

و ياريت استاذ لاشين مايكتبش تاني لو احنا مش عاحبينه

جميل جدا ❤️😍👍🤔