من أستراليا لمصر لليابان لعالم الظلمات..

وأخيرا عرفت ايه اللي حصل في اليابان 😂

رغم إن الموضوع طلع كله يتمحور حوالين جبر.. جبر شيطان التمرد أو الذي يغوي الأطفال.

الحلو في العدد ده إننا عرفنا عن جبر وماهيته وتاريخه ومخططه أو جزء منه رغم إنه هرب في الآخر من لاشين.

ومعرفة تاريخ عمارة قابيل جد مهاب وآخر لحظات في حياته وأول لحظات له في عالم الظلمات ومحاولاته المستميتة إنه يتواصل من مكانه مع مهاب..

مهاب بقى يتخاف منه وشكله هاينافس لاشين قريب ولا إيه.. ولسه تأثير أحداث جزيرة الضحاك مأثرة عليه..

اكتشفنا إن لاشين كاتب خلقه ضيق 😂😂

وما زال بيضعف قدام سهير وبتبان طبيعته البشرية معاها..

سهير وأسامة علاقتهم اتعقدت بس أعتقد العلاقات هاتتصلح بينهم.. وفيه سر بين لاشين وأسامة ماحدش غيرهم يعرفه يخلينا نقدر تصرفات أسامة!

النهاية مازال لاشين بيدور على طريقة ينقذ بيها عمر من شيطان الرعب ويصلح ما أفسده في عائلة سهير.

من الحاجات اللي عجبتني في السلسلة عموما إن الكاتبة في النص كدة بتنبه إن مش لازم الشرور والأذي تبقى مخلوقات مانعرفش عنها حاجة..

لا ممكن الشرور تطلع من بني أدمين بأفظع شكل عادي جدا.. زي مافيه جواهم خير.

وإن تأثيرات حاجات حديثة وتكنولوجية ممكن تساوي تأثير سيطرة شيطان عليك مثلا..