أن البشر كالبحر في تقلبهم، لا يصح أن تجزم بطيبة أحدهم أو خبثه، كل شيء قد يتغير في ثوان، ثم يعود إلى سيرته الأولى في ثوان.
تحميل الكتاب
لاشين: الكتاب الأول – عهد الدجالين
نبذة عن الرواية
أنا.. لاشين. لاشك أنها الحقيقة الأهم التي يجب عليكم استيعابها، إلى جانب كوني الأول، والأخير. ولتحمد الله على هذا. فالعالم لن يتحمل معرفة حقيقة ما مررت أنا به، ولا ما تسببت فيه، ولا ما أصبحت عليه. هل يستأهل الأمر أن أحكي؟ لم أُدرك ضرورة ذلك إلا مُتأخرًا، وكأن لازال بداخلي ما يشفق على البشر ومصيرهم لو ظلوا على جهلهم. وأحيانًا ما أرى أن الجهل نعمة، فلو أن رصاصة خرجت من مسدس لتصيبك بعد كِسر من الثانية، فبماذا ستستفيد لو عرفت أنها إنطلقت؟ لا وقت للفرار، ولا لصلاة أخيرة. لكنني سأحكي.. كفعلٍ بشريٍ أخير، ولأنني وعدت سهير زاهر، سأحكي.التصنيف
عن الطبعة
- نشر سنة 2021
- 74 صفحة
- [ردمك 13] 9789776692558
- كتوبيا للنشر والتوزيع
تحميل وقراءة الرواية على تطبيق أبجد
تحميل الكتاب
1893 مشاركة
اقتباسات من رواية لاشين: الكتاب الأول – عهد الدجالين
مشاركة من S
اقتباس جديد كل الاقتباساتمراجعات
كن أول من يراجع الكتاب
-
Donia Darwish
تخيلوا معي أعزائي المستمعين أن الرعب بنفسه معنا! يتسلل من خلال الواي فاي لبيوتكم وأنتم لا ترونه!
الحكاية بدأت بالموسم الثانى للبرنامج الإذاعى " بعد منتصف الليل " بس مع تغير مقدمى البرنامج فى الموسم ده أصل مقدم الموسم الأول للاسف...
اختفى / مات .... مش عارفين 🤷♀️
من مقدمى البرنامج " سهير زاهر " وديه متخصصة فى تصوير الماورائيات ... واللى برضه هتحكى فى البرنامج اغرب الصور اللى لقطتها عدسة كاميرتها أثناء تصويرها للموالد 🎠
البرنامج بيبدأ يستقبل مكالمات لناس بتحكى حكايات حصلت ليهم مرعبة أو خارقة ...
❞ الرعب ليس شعورًا، الرعب طُفيل يتغذى على أرواحنا، وبخوفنا ينمو ❝
وده اللى عجبنى فى الرواية أنها مش مجرد عايزة تحكى حكايات للرعب وخلاص بس بين السطور فى رسالة أن إحنا اللى بندى فرصة لعقلنا يرسم الكيانات الغير المرئية
"لنكن عقلانيين.. الرعب ليس كيانًا حقيقيًا، الرعب شعور مثله مثل الغضب والجوع والحب. ❝
بالتوازى مع حلقات برنامج " بعد منتصف الليل " الرواية بتاخدنا لشخصية "آدم لاشين" وحكايته، وحكاية الأب الدجال اللى فضل " آدم " موصوم به فى قريته وبين اصحابه فى المدرسة وهو مش فاهم يعنى ايه دجال 🧙♂️
طيب ايه علاقة لاشين بالبرنامج وياترى فى ربط بينهم 🤷♀️
طيب اختفاء المقدم السابق البرنامج ومداخلة ابنه التليفونية هتفتح عليهم فيهم باب 🚪 لدخول الشياطين 😈لعالمنا 😬😬
❞ منظور مُختلف للرعب، أن نعتبر الرعب كائنًا ذكيًا يختار ويخطط ويهاجم ❝
رواية تشدك لكن مش هترعبك ، القصة حلوة ولسه هتكمل ديه يادوب البداية 🤭
-
Ahmed Arfa
كتاب جيد ، ليس هناك إحداث ثقيلة روائياً وذلك لأنها سلسلة وهذه بدايتها ، مجرد تعريف بالشخصيات ورسم خريطة وقواعد السلسلة ووضع أساسات الأجزاء القادمة.
السرد جيد جدا كعادة شيرين هنائي والمحتوى يستحق إنتظار القادم
-
Mohamed Khaled Sharif
"أن البشر كالبحر في تقلبهم، لا يصح أن تجزم بطيبة أحدهم أو خبثه، كل شيء قد يتغير في ثوان، ثم يعود إلى سيرته الأولى في ثوان."
لم أنهي بعد ما وراء الطبيعة وتبقى لدي فيها أعداد قليلة أحاول قراءتها على مهل ودون تسرع، أخاف أن تنتهي السلسلة بالتزامن مع ذياع صيت سلسلة "لاشين" وتقاربها الشديد لسلسلة ما وراء الطبيعة، وبمجرد تصفح أول الصفحات تجد أن التقارب ليس فقط لأن كلا السلسلتين محورهما الماورائيات، ولكن قد تقاطعت شخصيات من ما وراء الطبيعة مع لاشين، بلفتة ذكية وطريقة غير مُصطنعة، وكأن سلسلة "لاشين" إمتداد حديث لما وراء الطبيعة، وذلك ما قرأناه في العدد الاول.
جاء العدد الأول من سلسلة "لاشين" للكاتبة والمترجمة المصرية "شيرين هنائي" بعنوان "عهد الدجالين"، وتبدأ بالموسم الثاني للبرنامج الإذاعي "بعد منتصف الليل" مع ثلاث شخصيات رئيسية يبدو أنهم سيكملوا معنا لفترة لا بأس بها، "مهاب عمارة" مُقدم البرنامج، "سهير زاهر" المُتخصصة في تصوير الموالد الشعبية ورصدها للماورائيات، و"آدم لاشين" الذي له حكاية أخرى، شخصية ولدت من صراع الحلال والحرام، الدجل والشعوذة، الرغبة في الانتقام، رأينا منها لمحات عديدة طوال الأحداث.
"الرعب ليس شعورًا، الرعب طُفيل يتغذى على أرواحنا، وبخوفنا ينمو."
وجدت أن العدد الأول قد كفى ووفى من ناحية التعريف بخلفية الشخصيات، مع عرض بعض الحكايات المُثيرة للاهتمام، مع الإنهاء على حدث يجعلك متلهف لمعرفة المزيد، طريقة السرد كانت بالتوازي بين الحكايات والشخصيات وعلى الأخص شخصية "آدم لاشين"، وما قدم في جزئية الماورائيات والخوارق يعد بأن الكاتبة لديها أكثر مما قُدم، فالسعي نحو تبرير مسوغات ودلائل للماورائيات يشي بجهد في الكتابة وليست خوارق موجودة في المطلق، هي موجودة بسبب، ولسبب، الرعب كان حاضراً وكابوسياً، وشعرت أن ظلامية سلسلة "لاشين" أكبر من سلسلة "ما وراء الطبيعة".
وإلى العدد الثاني مع "أبناء ديهيا".
-
سارة يحيي (SoU)
#سو_ريفيو ده ريفيو مجمع لسلسلة #لاشين للكاتبة شيرين هنائي
مقدمة لابد منها..
انا كنت بقالي حبه بعاني من عدم القدرة علي اني اخلص كتاب ببتدي فُلة وبعدين بعطل.. لحد ما ابتديت اقرا سلسلة لاشين للكاتبة شيرين
هنائي وده كان تغيير مرحب بيه ولذلك وجب شكر الكاتبة
طيب خلونا نتكلم بالتفصيل لاشين هي سلسلة اتكتبت وصدر منها الي الان كتابين الاول عهد الدجالين والتاني أبناء ديهيا.. طيب انا كسارة مكنتش عندي هذه المعلومة اللهم الا اني افتكرت ان الرواية جزئيين لكني بعد ذلك اكتشفت انها سلسلة وان في عدد جديد نازل قريب ديه كانت حاجة نفيخة بالنسبة لي اني مكنتش اعرفها من قبل ما ابتدي لذلك وجب التنوية..
طيب يلا بينا السلسلة بتحكي قصة لاشين ابن احد الداجلين المعروفين الي بيتربي بطريقة معينة وهو محاط باسطورة ابوه، دجال معروف انه بيعمل حاجات مش مفهومة وبيتحيط به الشائعات من كل حتة وهو بيحاول يفهم ايه مين ليه عشان يبقي في منطق للأحداث الي بتحصل قدامه والاحداث بتنطلق من هنا..
اولاً: الوصف: الحقيقة الوصف بتاع الاحداث والمخاليق والجن وخلافه معمول بطريقة صايعة مما ساعدني كقارئة اني اتخيل الي بيحصل كانه صورة في دماغي مع كآبة الاحداث وشناعة بعضها ده كانت حاجة مكدرة في بعض الاحيان ومسليه في احيان اخري لكن شابو للمؤلفة لقدرتها علي إيصال الاحداث والمناظر وحتي الروايح في بعض الاحيان بلغة سلسلة ولكنها تفصيليه خلتها كانها بتحصل قدامك..
ثانياً رتم الاحداث: الاحداث بتنط من زمن لزمن ومن شخصية لشخصية بطريقة سلسلة ومرتبة بتخليك ماسك الخطوط كويس لكنك في نفس الوقت متزهقش مما ساعد وبشده علي القضاء علي عامل الملل في الكتب ولذلك شابو تاني للمؤلفة..
ثالثاً: السلسلة مبنية علي احداث ما بعد اسطورة "بعد منتصف الليل" للكاتب احمد خالد توفيق الي قايمة علي فكرة برنامج راديو بيتذاع فيه قصص رعب.. وجود الحلقات ديه علي يويتيوب كان حاجة قمة في التسلية بالنسبة لي وساهم علي أيصال احساس اني الاحداث ديه بتحصل بجد حاجة جابتلي تريب ولكنها كانت حاجة جديدة بالنسبة لي.. برافو علي التجديد..
الي هنا الحاجات كلها عنب الي عنب، ايه بقي الي معجبنيش كسارة..
زي ما قلت الكتب ديه عبارة عن سلسلة وواضح انها مكملة معانا بعض الشئ كان هيبقي لطيف لو في كل كتاب كان فيه حكاية صغيرة جوا الحكاية الكبيرة الي هي عامود السلسلة وكل واحده بتخلص مع كل كتاب مما كان هيدي للقارئ الي هو انا احساس ان في قصة خلصت وفي نفس الوقت في القصة كبيرة مكملة معانا هنستنها في الكتاب الجاي.. لكن لما ده محصلش حسيت بنوع من الاحباط ضايقني بعض الشئ وكأني مجاليش احساس الانجاز والاستمتاع الي بيجيلي لما بخلص كتاب ده.. ديه حاجة ممزجتنيش
لكن ده لا يمنع اعجابي بالقصة الكبيرة الي بتتحكي في السلسلة والبيلد اب بتاعها وترتيب احداثها..
انا كسارة بشجع علي قراءة السلسلة لكني لو عرفت انها سلسلة كنت استنينت لحد ما كل الاعداد تنزل
وبناءاً عليه #سو_ريفيو لسلسلة #لاشين 4 من 5
-
Abd Al Rahman Mohamed
الكتاب الاول من سلسلة لاشين 🔥
استمتعت جداا، حقيقي انا زعلان اني بدات متاخر في السلسلة دي، العدد الاول انا متاكد ان الي جه بعده اقوي من كدا بكتير
هنا مجرد بداية (آنترو) للاحداث القادمة، و لكنها بداية متوسطة.
كل الي مضايقني في العمل دا ان الحوار كتير و السرد قليل ممكن حرفيا يبقي الحوار ٧٠ في المية قدام السرد!!
و دا بيضعف هيكل الرواية، كان في حوارات كان احلي انها تتحكي ع طريقة سرد قوي
غير كدا العمل ف المجمل عظيم و قوي جدا. مشاهد رعب قوية و فعلا تخوف
شخصيات مرسومة كويس جدااا
انا حبيت العدد الاول و طبعا في طريقي لقراءة باقي الاعداد♥️🔥
-
Youcef Kouba
الكتاب تقريبا مقدمة على شكل نوڤيلا لعالم لاشين، رغم ان نصف الكتاب تقريبا كان على شكل بودكاست بعد منتصف الليل، لكن تم شرح فيه بعض التفاصيل الخاصة ببعض القصص في البودكاست، واضافة تفاصيل للشخصيات الرئيسية التي مرت بالبودكاست وأذكر هنا سهير، مهاب، ولاشين طبعا.
فكرة السلسلة مثيرة حتى اللحظة، جو رعب مع معلومات روحانية و ماورائية مع بعض الأفكار والأحداث الغريبة الخاصة بعالم القصة.
تستحق القراءة طبعا، الكتاب والبودكاست، ولا أرى إمكانية الاستغناء عن أحدهما
-
Ahmed Halawa
بصراحة و هعترف بده انا بدات في الرواية و انا متوقع اني هيبقي في ملل او تطويل او فكرة الرواية هتخالف ذوقي
لكن اللي حصل عكس ده تماما لقتني بقرا فيها ولو كان اتوفر وقت كان يمكن في وقت اقل من كده
اسلوب سلس و مميز و لغة محترمة لكن اللي كان بيفصلني في القراءة شويه طريقة السرد
اما عن الرعب فبصراحة و بالنسبالي الرعب كان غير موجود
بالرغم من علمي باسم الكاتبة شيرين هنائي الا اني لاشين عهد الدجالين كان اول تجربة و من احلي التجارب مع قلم اول مرة اقرأ له
-
MoniCa / فريدة
لاشين
قراءات ابجد
٢٠٩ صفحة
رعب🌷
اول عمل اقراه اقول دا امتداد لما وراء الطبيعه بامتياز ❤️
انا في اجزاء كنت بحس هيطلعلي رفعت اسماعيل من الشخصيات ويقدم البرنامج😂
حبيت القصه جداا .. وعلي قد ما عاوزه اكمل الاجزاء علي قد ما مشكلتي مع قصص الرعب ممكن تكون اكبر من رغبتي 🫣
التقييم ناقص نجمة عشان مش بفضل ادب الرعب للاسف🤷♀️
لكن اكيد هجرب للكاتبه تجارب تاني غير الرعب عشان حبيتها جدا
-
Gihan Elsayed
ل شيرين هنائي قلم لا يشبه بقية الاقلام. نجحت في خلق شخصية -رغم ظاهرها الشرير- الا انها شخصية محبوبة! بلغة سليمة خالية من الاخطاء و سرد متلاحق بلا مط او تطويل . بداية مبشرة لسلسلة قد تعوضنا غياب العجوز الذي يدخن ك وارسو حين دخلها الحلفاء خالد الذكر عمنا رفعت اسماعيل
-
Fatma Muhammed
الوصف في الروايه جميل جدا كنت متوقعه وانا بقرأها انها هتكون كليشيه عن الحكايات المكرره عن الدجالين واعمالهم اللي بتكون اغلبها نصب لكن الكتاب فاجئني باحداثه المشوقه السلسلة والوصف اللي بيخلي الواحد كأنه بيتفرج علي فيلم مش بيقرأ روايه
-
Maha Ahmed Eshraa
لسبب لا أعرف كيف اصفه
أحببت اسلوب الكاتبة
ليس رعب بالمعنى التقليدي
و لكن عالم ما وراء الطبيعة عالم غريب
و قد جعلتني الرواية اريد معرفة المزيد
المؤلف
شيرين هنائي
شيرين أحمد هنائي، مصرية، خريجة كلية الفنون الجميلة قسم الجرافيك والرسوم المتحركة.
تعمل مخرجة رسوم متحركة ومترجمة وكاتبة سيناريو وروائية.
من إصداراتها:
- سلسلة حكايات الظلام المحظورة:
1-عجين القمر
2-الموت يوما آخر
- رواية نيكروفيليا 2011
- رواية صندوق الدمى 2011
-المشاركة في كتاب الكوميكس خارج السيطرة
تكتب شيرين هنائي في مجال الرعب الفلسفي