الكتاب الصوتى الرابع لمسابقة حصاد العام

اسم العمل: بعد منتصف الليل ،الموسم الثاني

الكاتبة: شرين هنائى

التصنيف:كتاب صوتى مدته 337 دقيقة

التقييم:⭐⭐⭐⭐⭐

بتحب الرعب ، طيب بتحب تعيشه انا بصراحة لا بحبه و لا بحب أعيشه بس حبيت اجربه و قلت لو خفت مش هكمل لقيتنى كملت الحلقات كلها فى وقت قياسي و المصيبة انى كنت بسمعه بليل و الكل نايم اظاهر انى بحب الأجواء تبقى مناسبة للتعايش .مهو طالما رعب يبقى نعيشه بحواسنا بقة .

سهير و مهاب مقدمى برنامج الرعب ، مجموعة من القصص و الرسائل التى تأتى لبرنامج منتصف الليل منها رسائل مكتوبة تجيب عليها سهير خبراتها الماورائية و منها من كان صوتيا بتدخل شخصي لصاحب الحكاية إلى أن ظهر لاشين و غير مجرى الرواية و أغلبها اغلاق يليق بها. و بجد فيه قصص جميلة و مسلية و فى قصص تقلق .و هنا أشيد بذكر تأثير الالعاب الالكترونيه على الأطفال و على ذاكرتهم و أحلامهم و أنه يجب علينا الوعي الكامل و مراعاة فضولهم الذي قد يؤدى بهم إلى تجربة ما لا يحمد عقباه و الأمثلة الحقيقية كثيرة مثل الحوت الازرق و غيرها.

الاداء الصوتى جميل و مشوق و الموسيقى و المؤثرات تثير الخوف و التفاعل مع الأحداث.

انا كنت حاسة أنه مسلسل بجد و كنت بتابعه و سمعت منه تانى دلوقتي علشان المسابقة و اندمجت معاهم ،كنت متوقعة انى مش هستمتع لانى عارفة الأحداث بس بجد شابو للمؤديين الصوتيين و برافو شرين هنائى أبدعت .

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب