لَكِنــَّا نَحْــنُ لا نَنْسَى
قَصَدْنا بيوتًا باتَتْ قُبـــــُـورًا
وَجَعَـلْنا صُرَاخـَـكُمْ هَمْسَا
تحميل الكتاب
بر الضيف : العودة - الجزء الثاني
نبذة عن الرواية
لا توجد بلد أو قرية في القطر المصري أغرب من تلك التي تقع على أطراف محافظة الجيزة. لا تجهد نفسك في محاولة الوصول إلى معلومات عنها فهي بلدة خارج السجلات الحكومية،خارج كل النواميس والمعارف. بر الضيف قرية اتفق الجميع على نسيانها.. حتى أهلها لو اضطرتك الظروف أن تذهب لبر الضيف ستجد أن الوصول إليها ليس سهلًا على الإطلاق. فبالرغم أنها تقع على أحد أفرع النيل مباشرة، لكنها تختفي خلف غابة من الأشجار العملاقة التي لا توحي بوجود قرية بأكملها خلفها حتى لو نجحت بطريقة ما للوصول إليها فستجد أنها لا ترحب بالغرباء. لا يتسم أهل بر الضيف بالكرم و(الجدعنة) التي تشتهر بها المناطق الريفية. حتى أنهم خصصوا ساحة في منتصف المسافة التي تفصل بيوتهم عن الطريق العمومي لعمليات البيع والشراء. ساحة مربعة لا تتعدى الخمسين مترًا محاطة بسور من السلك الشائك والأشجار لمنع أي شخص من التجول بحرية في حدائق المانجو المحيطة. تتراص بها الأعشاش التي تخدم كمحال وفي منتصفها حلقة من الباعة غير الودودين يفترشون الأرض كان هذا سلوك سكان القرية منذ قديم الأزل لكنهم ازدادوا عزلة بعد الواقعة الشهيرة التي حدثت فيها منذ أكثر من ربع قرن. كان هذا من أسباب انعدام شعبية بر الضيف، ولذلك لم يكن يقصدها التجار إلا نادرًًا وبأعداد قليلة للغاية. لكن بر الضيف ما زالت قائمة رغم القصص المخيفة، رغم العزلة الذاتية، رغم أنف الجميع.عن الطبعة
- نشر سنة 2022
- 304 صفحة
- ISBN 13 9789774906275
- دار العين للنشر
تحميل وقراءة الرواية على تطبيق أبجد
تحميل الكتاب
274 مشاركة
اقتباسات من رواية بر الضيف : العودة - الجزء الثاني
مشاركة من Nour Redwan
اقتباس جديد كل الاقتباساتمراجعات
كن أول من يراجع الكتاب
-
سارة يحيي (SoU)
طيب بسم الله الرحمن الرحيم بر الضيف تعتبر قصة مجزأه بمعني انها حكاية واحدة متجزأه علي ثالت كتب لو مش معاك كل الأجزاء متبتدتيش تقرا لأن هيجيلك جلطة بالذات ان كل كتاب بيقفل في حتت صعبة جدأ وقد اعذر من انذر.. يلا بينا...
بر الضيف بيتتكلم عن قرية بتحمل نفس الأسم مجهولة، معزولة لا يسمح للغرباء زيارتها ولا يسمح لأي شخص بدخولها والتجول فيها بعد ما الدنيا تضلم أحداث الرواية بتبتدي لما تبتدي سمعة المدينة تخرج برها وتتسرب عندنا من خلال حدث ما..
طيب انا ايه الي عجبني في الرواية:
أولا: السرد والبيلد اب: الطريقة الي الكتاب مركب بيها الأحداث بتفكرني بالبازل الاول تبقي تايه ومش فاهم هو مين ايه فين وليه وبعدين حته حتة تبتدي الاحداث تقوم، الشحصيات تترابط وتشوف هيكل وقصة بتقوم قدامك من عامود صلب بيتركب لحد ما في الأخر تبقي قاعد قدام بازل مهيبة شيك، مع أعجابي بمراعاة الكاتب لتفاصيل بيرميها كده من اول الرواية عشان يشرحه لك في اخر 15 صفحة في الرواية عشان تهز دماغك في تفهم تام وتقول يا ابن اللعيبة انا كده فهمت ولذلك شابو..
ثانياً: الوصف: اسمحولي هنا اتقمص شخصية يوسف بك وهبي واقول "يا للهول" وصف الكاتب للهلع بتاع المخاليق والرعب الي بتحكيه الأحداث كان حاجة فوق الشناعة لدرجة الي خلت واحدة خيالها نشط زي حالاتي لما قريت الرواية قبل ما انام معرفتش انام في الظلام الكالح المعتاد بتاعي.. مش بس وصف شكلهم لكن حركتهم، صوتهم، ملامحهم.. انا كرهت جملة "العب معايا" الحقيقة لأني سماعها بالصوت بتاع الشخصية حاجة اخر حلاوة بالنسبة لحد زي حالاتي بيحب يقطع لنفسه الخلف في تلذذ ولذلك عجبني الوصف..
نيجي عند التقيل بقي الرعب الموصوف الكاتب بيقدم اكتر رعب بيجبلي انا شخصياً هلع رعب النفس البشرية، رعب نفوسنا وضعفها ووسوستها.. رعب بتاع المواقف الي من عينه يا رب ما تحطني في موقف يختبرني الي بيخليك تنزل من علي كرسي الحكم العالي بتاع الأخلاق الي بنحكم بيه علي حد غلط من بمدأ انا عمري ما هعمل كده..
انا كسارة اتكيفيت وكلت الثلاثية في يومين بالتمام والكمال وبناءأ عليه #سو_ريفيو لثلاثية بر الضيف 4 من 5 وده فقط لبطء الجزء الأولاني من اول كتاب فقط او مط بعض الأحداث فيه ليس الا، لكنه مش البطئ الي خلاني عايزة ابطل اقرا ولكنه بطئ خلاني اقرا اسرع
شابو يحيي صفوت لقد انضمت الي صفوفك قارئة جديدة، تيجي "تلعب معايا" :)
