معلش

الشخص اللي بيهتم بالإنسان الجديد ده يصعب عليك أوي بقى…‏

‫ ‏يصعب عليَّ في إيه! ده مبيقدرش قيمة الناس المهمة وبيهمل في حق أقرب الناس ليه…؟! ‏

‫ ‏أقولك يصعب عليك في إيه…‏

‫ ‏الشخص ده بيبذل طاقة ومجهود أنت مش ممكن تتخيله، بيفكر ليل نهار اللي قدامه هيشوفوه ازاي. بيدي ناس في حياته حيز أكبر من اللي المفروض ياخدوه، عامل زي اللي عنده غرفتين واحدة كبيرة جدا وواحدة صغيرة، حاطط في الكبيرة سرير، وحاطط في الصغيرة خمس سراير فوق بعض.‏

بيحط الناس الجديدة اللي لسه متعرف عليهم في المقام الأول في حياته، وفي المقام التاني الأهل والصحاب والعائلة، مش بدافع من قلة الحب، بس الشخص ده بيهمه مظهره أوي، بيهمه أي حد جديد في حياته هيشوفه ازاي، بيبقى عايز الشخص الجديد يشوف قد إيه هو محترم، عايز يقول عليه إنه جدع ومفيش منه اتنين. بيهتم أوي بالغريب لإنه بيتعامل معاه ومعاه ضمانات، بيتعامل كأنه ضامن القريب، ضامن إن صحابه موجودين في حياته، وإنه مهما بعد اللي قدامه هيفضل مستنيه، والشخص الجديد ده بيبقى هو الأهم.

بحب أوي حكايات جدتي عن أيام زمان، لما تقولي الدنيا كانت عاملة ازاي وتحكيلي عن أيام صباها، لكن أول ما بتبتدي تقولى: "هو أنتم شوفتوا خير ولا الدنيا بقى فيها خير" بيركبني عفريت. ‏

‫ ‏بتضايق جدا بحس بقى إني مش بس عايزة أرجع بالزمن لورا لا ده كمان عايزة أرجع لزمن معشتهوش أصلًا.‏

‫ ‏مين قال إن الدنيا مفيهاش خير دلوقتي! ليه مفيهاش خير؟!‏

‫ ‏عشان قيمة الفلوس مثلًا قلِّت وإن كيلو اللحمة اللي كان بعشرة ساغ بقى 500 جنيه؟! ‏

طول ما هو قاعد مش بيقول غير كلمة واحدة (ولا يوم من اللي فات) ولا يوم من أيام ما كنت عيل صغير، وأه لو أرجع لأيام المدرسة، أه لو كنت فضلت عازب، أه لو كنت…، أه لو كنت…‏

‫ ‏طارق ده يا سيدي موظف محترم،

حبك لنفسك يعني حبك لربك ولأهلك وصحابك ولو حبيت نفسك صح هتحب كل دول صح وهتكون رتبت أولوياتك، حب النفس بعيد خالص عن كونه إنك تكون أناني.‏

‫ ‏ويطلع سر المعلشه في إنك تحب نفسك بطريقة صح…‏

‫ ‏ومعلش طولت عليك… ‏