لاشين: الكتاب السابع عشر - الحضرة

عودة من جديد مع الصراع الأبدي بين وساوس وشرور شياطين ( آدم لاشين ) وبراءة وطيبة ( أسامة الصاوي ) تحت عنوان ( تيجي تصيده يصيدك ).

أسامة يصاب بجلطة مخية تفتح الباب امام لاشين ليجد نفسه امام فرصة ذهبية قد لا تأتي مجدداً للتخلص من غريمه اللدود والفوز بقلب سهير زاهر كما توسوس له شياطينه !. كيف السبيل لذلك ؟. هي طريقة وحيدة يعرفها لاشين جيداً باعتباره نصف شيطان ونصف انسان.

صراع مرير داخل غرفة العناية المركزة حيث يرقد أسامة في غيبوبة عاجزاً عن فعل اي شيء ولم يتبق له الا ذكرياته التي تمثل سلاحه الوحيد في هذه المواجهة المميتة.

ناقش الكتاب نظرية فلسفية بشكل مبسط هي ان ( تعيش شريط حياتك من منظور الأخر ). ربما تكون سبيلك للتطهر بشكل ما.

وتأتي النهاية لتؤكد انه ما زال صراع النور والظلام ممتد ما دامت الحياة مستمرة.

وها هو عدد آخر في سلسلة لاشين ينجح بجدارة في تحقيق الهدف المرجو منه، فهنا نقرأ ملخصًا ذكيًا لأحداث السلسلة، دون الوقوع في فخ التلخيص السردي الرتيب..

الصوت السردي هنا معقد، يتداخل فيه شخص لاشين مع أسامة بمهارة بالغة، حافظت على وتيرة الأحداث المألوفة لقراء السلسلة، مع إعادة اكتشافها بمنظور جديد..

أعجبتني دهشة لاشين عند اكتشافه لأوجه التشابه مع أسامة رغم علاقتهما كغريمين، وهو ما بدا واضحًا بالفعل في عدة مواقف على مدار السلسلة، لكنه ظل متواريًا عن أعين القارئ، فجاء هنا ليكشف عن نفسه..

النهاية قوية وكعادة أعداد السلسلة تنذر بقصص أقوى قادمة في الطريق، ونحن في انتظار لاشين دائمًا..

دايما كل عدد بيبقى فيه فكرة مختلفة و جديدة و مبهرة و كل مرة بحب اشوف ايه الفكرة اللي حيقوم عليها العدد .. المرة دي الصراع بين عقل أسامة و ذكرياته و بين آدم لاشين و شياطينه و قدراته و حقيقي استمتعت جدا رغم اني حسيت اني اتضحك عليا شوية لأنه يعتبر عدد مراجعة لكل المعلومات بتاعت السلسلة بس كنت مبسوطة برده و مشدودة و عايزه أعرف النهاية اللي عجبتني فعلا .. أتمنى التوفيق دايما للكاتبة الجميلة و منتظرين العدد الجديد بفارغ الصبر

#مراجعة

#لاشين

الكتاب السابع عشر #الحضرة

لشيرين هنائي

كتوبيا للنشر والتوزيع

ممكن تفكر إزاي أو تحس ب إيه لو تخيلت إن شخص آخر استحوذ على ذكرياتك مش بس معنويا لأ دا ماديا كمان؟

مجرد التخيل صعب لكن شيرين هنائي جسدت الفكرة باحترافية وامتياز بدون أي خلل في الحبكة، بل كمان خلتنا نتأثر ونعيش معاهم لحظة بلحظة في الحالة اللي خلقتها داخل العدد د.

جزء مختلف واختلافه مميز، لأنه ممكن يدخل أي قارئ للسلسلة ويعرف تفاصيل كثيرة عنها بدون الرجوع للبداية رغم ممكن يكون في قليل من التشتت بعض الشيء،

ميزة أخرى هي وجود أغلب أبطال السلسلة في العدد سواء بالحضور أو الذكر فقط ( جبر مش موجود 😒🥹)

الجزء دا كله مشاعر نفسية رهيبة خارجة من الأبطال المحوريين في العمل وهما أسامة ولاشين وسهير

اقتباس من الرواية:

الموت جزء من الحياة، وأنت من يحاول كسر هذا الناموس. الطريقة الوحيدة للانتصار على النفس هي فهمها،ومواجهتها بمرآة حقيقتها.

#لاشين_الجزء_السابع_عشر_الحضرة

#شيرين_هنائي

#هند_الشهاوي

حبيت الجزء ده على الرغم من فكرته الجديده الا انه ربط اجواء السلسله كلها وجمعها عشان منتوهش ونكمل الاعداد الجاية واحنا ملمين بكل الاحداث .... حبيته ولسه قدامي رحله اكمل الاجزاء السابقة وانا متحمسالها اكتر ....

لو انت قريت الأعداد السابقة كلها فالعدد ده مش هيضيف أي حاجة ليك، لكن لو حد جديد عايز يبتدي السلسلة ممكن يبدأ من العدد ده وهيقدر يكمل عادي من بعده.

ليه؟ الأحداث كلها عبارة عن اعادة معايشة لقصة لاشين من أولها لحد دلوقتي خلال محاولته للبس أسامة، طبعا مش بتحكي كل حاجة بس بتعدي على المحطات المهمة اللي تخليك تلم الموضوع لو مقريتش ولا كتاب قبل كده.

بس الصراحة العدد كان ممتع في قرايته، كأنه جرعة مسكن كده لحد اصدار العدد ال١٨، يا رب قريبا.

محمد متولي

عدد للنسيان من لاشين

للاسف عدد ممل جدا لمتابعين السلسة من الاول رغم اني بداية العدد كان في فكرة حلوة اعتقد كان ممكن تتنفذ بشكل افضل

الرغي و حكي الاحداث القديمة ضيع فكرة صراع اسامة و لاشين و فكرة محاوله انقاذ لاشين ل اسامة

ررغم الملل اللي جالي لاني بقرأ احداث عارفها الا اني شايف كان ممكن نهاية العدد تكون افضل من كده و تضيف جديد و لو بقدر بسيط