الكتاب من بدايته مروراً بالاهداء المليان بالمشاعر والمقدمة اللذيذة والخفيفة عالقلب ومن اول فصل كدا فالكتاب بقولك شابوووه ع الطريقة السلسة فالكتابة والمريحة أحسنتى بجد وبالتوفيق والنجاح
هيدي وأخواتها
نبذة عن الكتاب
أنا الطفلة والابنة، أنا المراهقة والآنسة، أنا الأنثى الراشدة، أنا الزوجة والأم، وأخيرًا أنا الممثلة والمذيعة. قررت واتكلت على الله إني أديكم بهاريز خبرتي في بعض الأمور الحياتية. البهاريز دي، يا حلوة انتِ وهي، مجرد محاولة شخصية متواضعة من العبدة لله علشان أساعدك تلاقي إجابات لمواقف ومشاكل بتقابلك وبتقابلنا كلنا في دهاليز الحياة ومشوار العمر.تحميل وقراءة الكتاب على تطبيق أبجد
تحميل الكتابتجربة القراءة
قارئ مصمّم للحرف العربي
تُقرأ الرواية داخل تطبيق أبجد: تختار حجم الخط وخلفية الصفحة كما يريحك، تعلّم ما يستحق التعليم وتحتفظ باقتباساتك، ويحفظ التطبيق موضعك لتعود إليه من أي جهاز — وبلا إنترنت إن أردت.
- التعليم والاقتباس
- وضع ليلي
- بلا إنترنت
- حجم الخط
- خلفية الصفحة
مراجعات
كن أول من يراجع الكتاب
-
مروة السيد رزق
الكتاب بسيط وسهل بيتكلم بلغتنا كأننا في قعدة أصدقاء بننصح ونتشارك الرأي.
عجبني السلاسة والصدق وحقيقي كلام منطقي وموضوعي بدون نظريات.
مقدرش اعتبرة مقياس لكن حعتبره حكايات من تجارب
-
Nehal Salah El-Dien
اولا انا حبيت احكم بنفسي بما انه كتاب صغير ( ٩٤ صفحة ) ومحبتش ادخل في موجة التأليس و السخرية قبل ما اقراه او على الاقل ابدأ فيه
الكتاب لطيف مرح كأنه قعدة ستات مع بعض او
قعدة عائلية بندردش فيها ، الكلام اللى اتقال جواه معروف مش جديد لانه يقع تحت باب الفضفضة
ممكن الكتاب تقراه و انت مستني حد هيتاخر عليك وانت لوحدك او اوردر اكل هيتاخر. انا مش بألس بس هو كتاب بسيط مش محتوي تطوير ذات محتاج تشغيل دماغ.
هي بتقول فيه مقتطفات من احداث و مواقف هي مرت بيها كبنوتة و كمراهقة وزوجة و ام و انه ممكن يعني تحصل لاي واحدة زيها وشوية نصايح
الكتابة طبعا بال عامية و بصراحة شكرتها على كده لاني مكنتش هستحمل الاقي فزلكة في اللغة
عجبني صراحتها وانها قالت (والان اقدم لكم اول كتاب لي، ومش بدعي اني كاتبة انا بس حبيت احط جزء من افكاري على ورق)
معملتش زي بلوجر مخلصين ثانوية عامة بالزق و عاملين نفسهم طه حسين
انتقادي بس ان في الفاظ (شتايم) مينفعش تتقال وتبقي في كتاب.
وانا عن نفسي حبيته
⭐⭐⭐/5
وبس كده 🤷🏻♀️
#هيدي_كرم
#هيدي_واخواتها
-
Shimo Kassab
هيدي وأخواتها
كتاب ينتمي للتنمية البشرية يعرض محتواه بحوالي 73 صفحة ابجدية
اللغة العامية كانت السمة السائدة علي الكتاب
قرأت قبل كده كتب تنمية بشرية بلغة عامية وأشهرها كتب دكتور محمد طه ولكن عامية دكتور محمد طه هي عامية دكتور بالفعل ومنسقة بشكل منمق لتكون بين طيات الكتب
نيجي بقي لهيدي وأخواتها ونتعرف علي أخوات هيدي هنا وهم وجوهها الأخري كطفلة ومراهقة وأبنة وزوجة وأم بتعرض بعض من مقتطفات من حياتها بكل مرحلة كإنعكاس مرآة لحياة الفتيات التي تتشابهه كتيرا وبعض النصائح اللي كان ممكن تعملها او تتعملها وتغير مجري الحياة للافضل
معظم الكلام هو بالفعل معروف ومتداول جدا كمان ولكن ممكن البعض يعتبره كنوع من أنواع التذكرة فقط لفعل ممكن يكون نسيه ومحتاج حد يفكره بيه مش اكتر
طبعا الكلام مكتوب ببعض المرح الذي يحمل السخرية ببعض المواقف
اكتر شيء ضايقني حقيقي باللغة العامية دي ان حسيت كأني قاعدة وسط مجموعة من النساء اصحاب جدا وبيتكلموا كده بدون تزويق كلام واي تعبير جاي بفكرهم بيقولوه زي مثلا( بيخر دم- قفا الجزمة- وسخ*ين)
وطبعا حتي لو اللغة عامية دي مصطلحات مينفعش تتحط علي ورق بوسط كتاب تنمية ذاتية!
غير ان حسيت كأنها فضفضت بكلام بعتته للنشر بدون اي تنسيق حتي كلمه( بس) مكتوبة نصها بسطر ونص بسطر تاني
طبعا وارد جدا غلطات بالتنسيق وده بنلاقيه بأي كتاب عموما..
عجبني اوي انها كتبت بأخر الكتاب
❞ والآن أقدّم لكم أول كتاب، ومش بدعي إني كاتبة، أنا بس حبيت أحط جزء من أفكاري وآرائي على ورق ونشارك فيها بعض. ❝
وده ذكاء منها عشان تحاول تتجنب دوشة القراء لحد ما ولكن مش لازم كل الافكار تتحط علي ورق عادي يعني 🤷♀️
الكتاب لطيف ويخلص بقعدة بسيطة ولكن اذا حبت تفضفض علي ورق مرة اخري ياريت تبقي فضفضة تليق بعقل قاريء🤷♀️
قيمت الكتاب بـ⭐⭐ عشان انا بحب هيدي كرم الفنانة وصورها اللي علي الغلاف عجبتني💖
-
Hesham Wahdan
كان عندي فضول اقرا الكتاب ده ولما لقيته نزل على ابجد ومفيش حاجة اخسرها خاصة ان عدد صفحاته ٩٤ صفحة فقط فقررت اشوف كده هي كاتبه ايه.
طبعا انا حقولكم في شكل نقط الكتاب ده عبارة عن ايه ومين اللى ممكن يلاقي فيه حاجة تكون مفيده له وده مش ريڤيو اكيد ، مجرد دردشه وانطباعات كده.
- الكتاب ده عبارة عن ايه بالضبط ؟
ده باختصار تجارب حياتية مرت بيها هيدي من طفولتها لغاية ما بقت ام وعندها ابن. هي مش بتديك حكم او مواعظ ولا دروس تنمية بشرية ، هي بس بتحكيلك ازاي هي واجهت المواقف دي وخرجت منها بايه.
- مين المستهدف من الكتاب ده ؟
الكتاب ده ممكن يستفيد منه اي ام او اب عندهم اولاد او بنات في مراحل سنية مختلفة زي المراهقة والدراسة والاختيارات الغير مدروسة والاندفاع غير المحسوب والحب والجواز والتربية الخ ووارد جداً يكون اولادهم وبناتهم بيتعرضوا لنفس المواقف دي او شوية منها.
- لغة الكتاب ؟
عامية جداً كأنها دردشة امهات مع بعض.
بس يا سيدي دي خلاصة الكتاب.
اقتباسات من كتاب هيدي وأخواتها
Rehab saleh
الصح في الوقت الصح. مش لازم كل أولادنا يبقوا أبطال، بس لازم وحتمًا ولا بد كل أولادنا يبقوا سعداء.
Happy Have
وهنا يجي السؤال الصح: لما أبدأ أدور على شريك الحياة، السؤال هو: "إيه العيوب اللي أتقبلها وأقدر أعيش معاها؟" و"إيه العيوب اللي مش ممكن أعيش معاها؟".
Rehab saleh
اللي عايزة أقوله إن الإنسان مش ممكن ياخد كل حاجة، ساعات لازم نقف وقفة ونقول "لا كده كتير، نخف شوية على ولادنا".
Rehab saleh
طيب بذمتكم، وأنا راضية بذمتكم، فيه حد منكم فاكر حاجة من اللي أخدناها في المدرسة؟
غير بس علشان أكون حقانية يعني، إن مينا هو موحد القطرين!!
كل كتاب تحلم به، في جيبك
حمل التطبيق الآن واقرأ أو استمع من مكتبة تضم آلاف العناوين، وشارك آراءك مع أكثر من مليون ونصف قارئ عربي على أبجد.
قرّاء «هيدي وأخواتها» قرأوا أيضاً
-
فن اللامبالاة : لعيش حياة تخالف المألوف | The Subtle Art of Not Giving a F*ck
إلكترونيحمّل الكتاب -
إلكترونيحمّل الكتاب
-
إلكترونيحمّل الكتاب
-
إلكترونيحمّل الكتاب
-
إلكترونيحمّل الكتاب
-
العادات الذرية | Atomic Habits
إلكترونيحمّل الكتاب -
إلكترونيحمّل الكتاب
-
52 قاعدة عمليَّة للنَّجاح في عملك دونَ أن تخسرَ نفسَك | Rules of Thumb
إلكترونيحمّل الكتاب -
إلكتروني صوتيحمّل الكتاب
-
ممتلئ بالفراغ: تأملات حول التعافي من الإدمانات والسلوكيات القهرية
إلكترونيحمّل الكتاب -
إلكترونيحمّل الكتاب
-
إلكترونيحمّل الكتاب
-
هكذا تتعافى عندما تكون مستعداً
إلكترونيحمّل الكتاب -
استيقظ وعش: كتاب ينهض بثقة الإنسان في نفسه وقدراته
إلكترونيحمّل الكتاب -
إلكترونيحمّل الكتاب
-
إلكترونيحمّل الكتاب
-
إلكترونيحمّل الكتاب
-
إلكترونيحمّل الكتاب
-
أنت قوة مذهلة | You Are a Badass
إلكترونيحمّل الكتاب -
إلكتروني صوتيحمّل الكتاب
الأسئلة الأكثر شيوعاً عن كتاب هيدي وأخواتها
مؤلف كتاب هيدي وأخواتها هو هيدي كرم.
نُشر كتاب هيدي وأخواتها عام 2025.
يبلغ عدد صفحات كتاب هيدي وأخواتها 94 صفحة.
دار النشر لكتاب هيدي وأخواتها هي دار الرسم بالكلمات للنشر والتوزيع.



