جسر القناديل

جسر القناديل

بصراحه انا دايما بحب أفكار كتوبيا اللي بره الصندوق و فكره كتابه جسر القناديل فعلا مميزه و جديده القصه أعجبتني جدا و لولا اني عارفه انها اتكتبت ب اربع اقلام مختلفه مكنتش هحس ابدا باختلاف في الاسلوب

بجد استمتعت بالتجربه المبتكره دي و في انتظار المزيد من الافكار اللي بتخلي القراءه اكثر تشويقا و متعه

#تجربتى_مع_جسر_القناديل

🔥 انطباعاتى عن رواية : جسر القناديل

* الكاتب : مجموعة من الكتاب / الكاتبات ( 4 )

* الصفحات : ١٧٤ ابجد

* دار النشر : دار نشر كتوبيا للنشر والتوزيع

⭐️لم اقرا من قبل رواية يشترك فى تاليفها عدد من الكتاب/الكاتبات ، ولكنى قراءت من قبل كتاب أشترك فيه اكثر من كاتب/ كاتبة مثل كتاب اربع محاولات للحياة اشترك فيه الكاتب أسامة علام ونشوى صلاح و احمد عبد المجيد والكاتبة مروة سمير وكانت تجربة اكثر من رائعة .

⭐️ الرواية من المؤكد ان الكتاب/الكاتبات الاربع قد بزلوا مجهود كبير لكى يصل عملهم الى القارئ بتلك الصورة الجيدة ، وعن نفسي فقد استمتعت بالعمل بظرف النظر عن مين اللى كاتب العمل لانى لا اعرفهم .

⭐️ الفرق بين اسلوب كاتب واخر بسيط وغير ظاهر ،الفرق ايضا كان فى استخدام اللغة الفصحى القوية او الفصحى البسيطة، كما ان هناك فرق فى التشويق والإثارة فى سرد الاحداث من فصل لآخر ولكنها فروق بسيطة .

⭐️ لم استطيع تقييم كل فصل ( كاتب/كاتبة ) عن الفصول الاخرى ، فكل فصل له ايجابياته وايضا سلبياته ، ولكن فى العموم الرواية جيدة ، فكرتها جديدة تجعل القارئ اثناء قراءته للعمل يفكر ويتخيل فى المستقبل سواء القريب او البعيد ، هل ممكن الانسان ان يحيى مرة أخرى بعد الموت ؟ وهل ممكن ان يكون له حق الاختيار ان يموت للأبد او يعيش مرة أخرى بعد الموت ؟ وهل الحياة جميلة الى هذه الدرجة لكى يتمناها المرء بعد مماته ؟ ام السبب ان المرء لايعلم ما بعد الموت ؟

⭐️ اما نهاية العمل فلم اتوقعها وجاءت جيدة جدا ، فهى إجبار الناس على عبور الجسر سواء برضاهم ام لا ، او التجارب على البشر يجب أن تتم .( بدون إحراق )

⭐️ اما اسم العمل فجاء على نوع معين من قناديل البحر التى تصل الى مرحلة البلوغ ثم يرتد الى مرحلة عدم النضوج ولا يصل الى مرحلة الشيخوخة ابدا ولا يموت ( مثل استنساخ البشر )

🔷️ ملاحظات :

🕳 ماهو سبب عدم نشر اسماء كتاب / كاتبات العمل ؟ هل بسبب انهم كتاب/كاتبات جدد ؟ ام حتى لانقيم كاتب / كاتبة عن الاخر ؟ ام ان هذا اختبار تنافس بين الكتاب ؟ ام ان هذا اختبار للقارئ لكى يعرف من كتب العمل ؟

🕳 هنا يأتى سؤال آخر، هل ممكن للقارئ شراء عمل سواء رواية او كتاب ليس على غلافة اسم المؤلف ؟ او ما الفرق بين شراء عمل لكاتب جديد لا احد يعرفه وبين كتاب ليس على غلافة اسم المؤلف .

#نادر_رضا

تجربة مختلفه وجديدة لكن بجانب مخيف فكرة أن ممكن يحصل استنساخ للإنسان مع تعديلة زي ما احنا عايزين ونتحكم في ذكرياته وحياته ومش مهم الشخص ده عايز ايه او ايه الذكريات اللي يحب يحتفظ بيها التطور العلمي مرعب شوية ووجود شخصية زي مجدي أبوالعز المهوس بالتحكم بكل اللي حواليه أو زي مابيلقبوه بالآله الذي لا يجب مراجعته في قراراته واعتدال زوجته رغم قوتها لكنها متقدرش تواجهه وخصوصا فيما يخص هشام وحياته فهو متقبلش أن هشام يموت وهو حاطط كل آماله عليه في إدارة مشاريعه حتي لوده هيجي علي ولاده التانين وان هشام وهبه صديقتها هو وهنادئي مريضه واتفق مع المؤسسة علي تنفيذ العبور ليها ومن خلال الأحداث بتبين أن في علاقة غامضه بين مجدي ووالدة هبة بس غير واضحة.وات هشام بعد العبور بقي شخصية تانيه هو وعائلته اعادوا تشكيلها زي ماهما يحبوا يكون وده اثر بالايجاب عليهم زي نوران زوجته ازي بقي تعاملة بقي احسن معاها وده خلها شخصيتها بقت احسن رغم معرفتها أن ده مش زوجها وابنه مروان اللي بقي يتقرب من اكتر وهاني اللي بقي يخليه يشتغل ويشارك في القرارت وهنادي واهتمامه بيها وبسبب حب المعرفه لهنادئ بتحاول تكشف الحادثه اللي حصلت بمساعدة برنامج الذكاء الصناعي والدكتور آريان المعالج لهشام اللي بنكتشف أن المؤسسة اللي اتعامل معاها مجدي قدرت تتلعب بحياتهم كلهم من اول مجدي مرورا بهشام وهاني وذاكرتهم وهنادي كانوا بيتسلوا باللعب معاها حتي آريان كان أول ضحاياهم وبنكتشف أن من خلال نظرية العالم الموازي أن هشام بين عالمين وحصل تواصل معاهم

والنهاية واحدة من الشخصيتين لازم تعيش ؟ نهاية مشوقة👏🏼👏🏼

التجربة مليئة بمعلومات علميه زي الأكوان الموازية

الأسقاط النجمي المصطلحات العلمية🩵

انها رواية يغلب عليها الخيال العلمي و المغالاة في قدرة الإنسان على التحكم والسيطرة على البيئة وعلى غيره من البشر وعمليات الاستنساخ البشري و خلق نسخة من إنسان بمواصفات خلفية معينة والشاكرا والاسقاط النجمى والحياة خارج الجسد وزرع شريحة فى مخ الإنسان لتوجيه سلوكه والتحكم فيه واستعمال الذكاء الاصطناعي للحصول على معلومات عن حوادث وكشف تلاعب فى عمليات مالية وأنشطة شركات ومؤسسات كبرى وابطال الرواية كلهم من فئة السوبر مان او السوبرومان لهم قدرات خارقة وتحيط بهم الدسائس والمؤمرات سواء مجدى ابو العز ابنيه هشام وهانى وابنته هنادي والشركات العملاقة التى تستهدف الاغنياء والاذكياء باى هدف اهو للتدمير او انجاز علمى او التسلية واضاعة الوقت ان القصة غير مبررة وينقصها الهدف وفيها كثير من الغموض والوصفات والمصطلحات العلمية

جسر القناديل

تأليف مجموعة من المؤلفين

151 صفحة

كتوبيا للنشر والتوزيع

التقييم ثلاث نجمات

* * * *

" العلم والتكنولوجيا مرعبة جدا "

فكرة الرواية جميلة جدا ومتماشية مع الواقع الانساني الذي يبحث عن التجديد والشباب والخلود الفكرة التي تراود اغلب البشر

اسم الرواية والغلاف متناسبين مع بعضهم البعض زائد ان فكرة الرواية مرتبطة بالاسم لطبيعة احد انواع قناديل البحر الخالدة التي يمكنه عكس دورة حياته للعودة إلى مرحلة البوليب (مرحلة مبكرة) ليجدد نفسه ويتجنب الموت.

بداية احداث الرواية مرتبكة وغير مفهومة الي حد ما ثم تتضح الأفكار تباعا,

فكرة ان تولد من جديد أو الحياة مرة اخري بعد الموت ولكنها ليست كأي حياة فأنت هنا تخلق جسد ورح جديدة متشابهه في الملامح لكنها ليست متشابهه في الطباع,

ماذا لو كانت هناك شركات لتجديد الخلايا وتغير الجسد والروح؟!

ماذا لو كانت هناك فرصةللشخص لتغيير حياته للأفضل ؟!

ماذا لو لم يكن هناك موت؟!

ارتباك البداية في الرواية وفرد الاحداث والصفحات لم يمنعنا من التحفز للاحداث والانجذاب لما سيحدث تاليا, ثم مع زروة الأحداث والتشويق تنتهي الرواية وهذا كان اسوا ما حدث لي لان كنت بدأت اندمج في الأحداث

الاحداث والحوار منطقي وواقعي جدا بالنسبة للأبطال, الرواية ناقشت الفكرة الغريبة للعبور او العودة من الموت من عدة مناظير سواء الجانب العلمي او الديني او الانساني , وانه مهما كان العلم متقدما فهناك خطأ ما لابد ان يحدث وان الانسان عدو احتياجاته

فكرة الرواية رائعة جدا لكن التناول كان غريب وقد يكون غير موفق للأسف بالرغم من ان في بعض الأحداث وخصوصا مع الغموض والتخبط, الجزء الأخير كان مشوق , لكن فجأة كل حاجة بتنتهي فجأة

لكن في المجمل كانت تجربة حلوة وجديدة بالنسبة لي

* * * *

فكرة ا ن الرواية يكتبها كذا مؤلف ليست سيئة اذا كان المؤلفين نفس الاسلوب او ان يكون اسلوبهم متقارب

فكرة ان كتوبيا تعمل استطلاع عن اسماء المؤلفين للرواية فكرة حلوة ولكنها مربكة ايضا , توقعت كذا اسم للمؤلفين ويارب توقعي يبقي صح

# اقتباسات

❞ بعض الناس لا ترتاح إلى في وجود بدائل.. لا تشعر بالأمان إلا في وجود مخرج .. إلا في وجود ملجأ .. ❝

❞ بل ضحكة طفل أفطر في نهار رمضان كسرًا لكلمة أبيه القاسية. كل لقمة يأكلها خفيةً بمنزلة لسان يخرج من بين الشفتين ليغيظ أبيه. ها أنا أفطِر وأنت لا تعلم.. بل أنت لا تعلم كل شيء كما أوهمتنا، ولن تخبرك العصفورة بما يخفى عليك، أتعرف السبب؟ لأنه ليس هناك عصفورة من الأساس!"

كتبتها لك

‫ الآن وقد وجدت ما كنت أبحث عنه‫ أستطيع أن أخبرك

‫ لا يمكنك أن تري خلال لحمي الشفاف‫ , أطفو عبر الزمان والمكان

‫ أنا عديم الوزن‫ , لست في المكان الذي تذهب إليه بعد الموت ❝

#مسابقة_مكتبة_وهبان

#تجربتي_مع_رواية_جسر_القناديل

تجربتي مع جسر القناديل

رواية مختلفة فعلًا، مكتوبة بإيد أربع كُتّاب، وكل واحد فيهم مسك جزء وكمّل الحكاية بطريقة تخليك مش بس تقرأ… لأ، تندمج وتستمتع، وتفضل تسأل نفسك:

هل التجربة هتنجح؟ ولا هتبوظ؟

الحقيقة إن الرواية متقسّمة لأربع أجزاء، وكل جزء ليه روحه وطعمه وأسلوبه الخاص.

والجميل إن أي قارئ متابع لهؤلاء الكُتّاب هيلاحظ بسهولة إن روح كل كاتب طافية على أحداث الجزء اللي كتبه.

اللي متمكن في الخيال وفتح الأبواب على أسئلة واحتمالات كتير، شخصيته كانت واضحة جدًا.

واللي بارع في البحث، والإسقاط النجمي، والغرائبيات، بصمته كانت حاضرة بقوة.

واللي بيعشق السفر، والقطع الأنتيك، والمعلومة، حسّيته واخدنا معاه في رحلة.

أما اللي متميز في الغلق والحبكة، فأتقن النهاية وقدّم خاتمة ممتعة وغير متوقعة للعمل كله.

رأى الشخصي احتاجت إلى مساحة أكثر فى الخاتمة

وكنت اتمنى جلوس الكتاب لإعادة تدقيق العمل للحصول على أعلى نتيجة مرجوة.

بعد صدور الرواية سمعت إن فيه تجربة قديمة مشابهة لأربع كُتّاب برضه، وده خلاني متحمسة أبحث عنها وأقرأها.

وبرضه أتمنى يتم الإعلان عن أسماء الكُتّاب… يمكن أكافئ نفسي لو تخميني طلع صح 😄

في المجمل، جسر القناديل تجربة لطيفة وشيقة، وأحداثها الغريبة بتخلي الأسئلة تشتغل في دماغ القارئ طول الوقت، وده في حد ذاته متعة حقيقية لأي حد بيحب الروايات المختلفة.

#تجربتي_مع_جسر_القناديل

#أبجد

#كتوبيا

#ما_وراء_الغلاف_معDoaaSaad

#مسابقات_مكتبة_وهبان

#تجربتي_مع_جسر_القناديل

#مسابقات_مكتبة_وهبان

كبداية يعني نهاية العمل فظيعة زي فكرته😂🥲🩷

أول ما سمعت عن فكرة إن ٤ كتّاب يكتبوا رواية واحدة حسيت أن هتكون تجربة مختلفة وفي نفس الوقت ممكن متنجحش أوي أو تنجح جدا، خصوصًا بعد ما قرأت بوست باشمهندس أيمن حويرة عن التجربة نفسها وإن رحلة كتابة الرواية مش أن الأربع كتّاب مثلا اتفقوا ع الفكرة والنهاية والأحداث اللي في النص أو حتى رصوها قدامهم وبدأوا ينفذوا، لا دول كل واحد استلم لقي فصل مكتوب قبله وكمل عليه بأسلوبه ورؤيته!

عن نفسي بحب أسمع في العمل لو كذا شخصية الأصوات بتاعتهم، فكان التنقل ما بين كل كاتب والتاني على الفصول الأربعة كانت محققة الحاجة دي... مش عارفة دة بسبب عدم تركيزي يمكن الفترة دي في اللي بقراه أوي بسبب الدراسة ولا، بس تسلسل الأحداث أو الرؤية نفسها أن أنتم رايحين بينا فين كانت يمكن أكتر حاجة مربكة في العمل بالنسبالي، كنت تايهة كمان في الشخصيات بسبب السرد، أوقات مكنتش بعرف هل اللي بيتكلم دة صوت شخصية ولا صوت الراوي العليم، بس الفصل الأخير في العمل وضحلي يعتبر أغلب اللي مكنتش فاهماه أوي ودي نقطة فارقة معايا في العمل الصراحة.

التجربة حقيقي شايفة أنها تطلبت إبداع ودماغ عالية لتكملة السلسلة من الخرز اللي بدأها كاتب تاني علشان يكمل شكل السلسلة المنمق الجذاب في الآخر، وأكيد هي تجربة فارقة لينا كقراء أو لكل كاتب شارك

تجربة فريدة ومميزة حتى في فكرة العمل نفسه🩷

شكرًا كتوبيا على الكريتيفتي🩷🩷

مزيج بين الخيال ، و الخيال العلمي .. فكرتي شوية بسلسلة غموض علمي .. ماذا لو تغلبنا علي الموت .. ماذا لو عرفنا سر تجدد خلايا القناديل واصبحت الحياة بفضلها أبدية .. بصراحة مش متأكدة اني عرفت المؤلفين .. لكن توقعت اتنين منهم

للاسف انا حاسة بخيبة امل

عارف لما تبقي متوقع حاجة عالية جدا و في الاخر تلاقي نفسك بتتكروت بسرعة بسرعة لان مفيش وقت للتفسير عشان تقريبا الحبر قرب يخلص!!

الفكرة والحبكة رز بلبن بس المعالجة تراب اترش عليه

عدد الصفحات ١٥١ صفحة منهم حوالي ١٤٠ صفحة تمهيدات بطيئة جدا لفك اللغز و كلام و حوارات معادة

كان ممكن بطريقة احسن كتير ان كام صفحة او كل شابتر تكشف لغز

ده غير ان طول القصة شخصية واحدة بس هي اللي بتحاول تحل اللغز و مرة واحدة هب دبل كيك

حد من الشخصيات فاق من الغيبوبة اللي هو فيها طول الرواية و فهم اللغز كله في سطر ونص ويروح يفهّم كل حاجة للبطلة اللي طالع روحها من اول سطر

طب حطيلنا عبرة؟ لا هسيب النهاية مفتوحة

طب لو هتخلي الشر ينتصر حتى فهم باقي الناس الغيبوبة اللي هما فيها ؟ لا بردو

طب قولنا نهاية الشخصية اللي انت خانقنا بيها من اول الرواية؟ لا انت و دماغك بقا انا حطيتلك اختيارات اختار منها هيحصله اية

انا كنت متفائلة جدا في اول تلت لان الحبكة حلوة جدا.

و زهقت في تاني تلت

اخر تلت كنت بجري الصفحات عشان اوصل للنهاية و خلاص

انا حاولت محرقتش اي حدث خالص عشان اللي بيقرأها او حد حابب يقرأها

بس اول مرة ازعل من كتوبيا

#جسر_القناديل

#كتوبيا

الفكرة حلوة جدا والتنفيذ سيء جدا ...

عادي جدا