هي مِن هو

قبل ما نخوض أي رحلة إحنا محتاجين نفهم نفسنا الأول ونتصالح مع كل نسخنا القديمة ...

في كتاب هي من هو للكاتبة شيماء سليم بتاخدنا معاها رحلة نتعرف فيها على نفسنا وعلى الآخر ، بحسب خبرتها في مجال العلاج النفسي، وهذه الخلفية النفسية للكاتبة تدعم مصداقية الطرح، وبلغة بسيطة وسلسة يتناول الكتاب العلاقة بين الرجل والمرأة من منظور نفسي وتنموي، ويعتبر رحلة وعي تبدأ بفهم الذات، مرورًا بالتأقلم مع عقد الطفولة وكل الخبرات الي مر بيها، وانتهاءً ببناء معايير سليمة لاختيار الشريك المناسب، بتفكرنا بأهمية الصدق مع النفس وفهم الاحتياجات الداخلية، وبتساعدك في التخلص من اضطرابات الطفولة التي تؤثر في اختيارات الحياة، مع التركيز على وضع معايير واقعية لاختيار شريك يتوافق معك على المستويات الاجتماعية، الدينية، الأخلاقية، والثقافية.

الكتاب ممتع وسلس، "هي مِن هو" كتاب يُقدم توازنًا بين علم النفس العملي والتنمية الذاتية، مدعوماً بتجارب الأفراد لفهم العلاقات وبنائها بشكل واعٍ وسليم. أسلوب الكتاب شخصي ومباشر، ما يجعله ذو جاذبية خاصة للشباب والمقبلين على مرحلة التعارّف أو الزواج.

رحلة للتصالح مع الذات وفهم طبيعة الرحلة التي تناسب كل شخص، وغالبًا ما تبدأ من هذا الفهم العميق، خاصة فيما يتعلق بالعلاقات الإنسانية .

🌷أساس وجودنا في الحياة: "العبادة"، "الجنة والنار"، "الثواب والعقاب" .. أساسيات وبديهيات معروفة، لكن ممكن صراعات الحياة وتحدياتها الكتير تلهيك عن أساس وجودك وهو ده - أصلا - اختبارك هنا في الدنيا !

🌷تقبلك لأهلك.. هيساعدك تتحرّر من أي تشوه لحق بيك من تربيتهم أو معاملتهم معاك خلال سنين حياتك اللي فاتت أو دلوقتي؛ فتقدر توصل إنك ترحم ضعفهم، وتعرف إن ده مستوى وعيهم ، وإنك في يوم من الأيام كنت بدون وعي وهما نزلوا المستوى وعيك وتفكيرك وحاولوا يعلموك ! فإنت كمان دورك بعد ما كبرت إنك تكون مسؤول عن مشاكلك وتحلها، وتبطل تحاسبهم عليها .. ومن ثَمَّ تقدر تنزل المستوى تفكيرهم، يمكن يستجيبوا ليك ويوصلوا لك، ويمكن يرفضوا .. ويبقى الباب المفتوح بينكم هو "باب الرحمة "، "الرحمة" اللي هتلين قلوبهم وتبعد أذاهم عنك، وهتنور لك طريقك، وتخفف حمولتك وإنت طالع تواجه العالم بره.

🌷 وبدون مبالغة .. فيه ناس حياتها اتدمرت في عز شبابها ووقفت بسبب "عُقدة المثالية" ودمرت رؤيتهم لنفسهم، وصعبت عليهم التعامل مع العالم اللي بره؛ لأنهم بقوا أكثر وعيا وتركيزا مع ذاتهم بالسلب مش بالإيجاب، وبانتقاء السلبيات في روحهم، وجلدهم على السلبيات دي بدون رحمة ووهمهم إنهم علشان يقدروا يواجهوا العالم اللي بره.. فلازم يتخلصوا الأول من السلبيات دي تماما علشان يكونوا مستعدين للتعامل؛ علشان إيمانهم إنهم مش كفء كفاية .. ودي ثمرة " المثالية " أو بمعنى أصح : حصادها الفاسد..

🌷الوعي الحقيقي:

- هو فك سلاسل الماضي، وتهدئة مخاوفك ناحية المستقبل و التعامل مع روحك بشويش لحد ما تفهمها كويس وتختبر اللي يناسبها بالتجربة الحرة؛ تجربتك المبنية على الرغبة في السعادة والراحة، والقدرة على العطاء، والتفهم، والمحاولة، والتقبل التام لنفسك، وإنك تحترم تجربتك الإنسانية كبشر - قد يصيب في الاختيار وقد يخطئ .....

#هي_من_هو

#شيماء_سليم

#دار_ليان_للنشروالتوزيع

#كتب_أحببتها

كتاب هى من هو من الكُتب الى بتتكلم عن الفطرة السليمة للعلاقات السوية بين الراجل والست ، ومن لطافة الأسلوب هتحس باستمتاع فى التعرف على صفحات الكتاب اول ب اول فعلاً