بلاتوه

النهاية غريبة وصادمة جدا بالنسبة لي

لوهلة حسيتها مكتوبة لمجرد انها تبقى بلوت تويست مش اكتر

التمهيد طول الرواية لشخصية حسن وعلاقته بنادين وعشقه ليها وفجأة في الاخر يقرر انه ينسى كل دة لمجرد غلطة غلطتها ويتجوز واحدة تانية دة كان شيء غريب وغير مبرر بشكل كافي

نادين اللي غلطتها اتفسرت علي لسان حميدة واتقال نصا انها غلطة (أم). فهل حميدة بشخصيتها البسيطة فهمت اللي حسن مقدرش يستوعبه ويفهمه ويغفره!!

كمان نقطة انه فجأة اتجوز تاني وخلف بدل الواحد تلاتة وهو اساسا معدي الخمسين وعايش طول حياته مع واحدة بيحبها وبيعشقها ومهتمش بيها ولا بالبيت ولا بالاولاد واكتفى بأنه خلف منها مرة واحدة بس. فهل دة مقصود بيه انه بدأ يهتم ببيته اكتر من شغله اللي كان واخد كل وقته ولا المقصود ان شخصية اماني افضل كزوجة؟؟

وبرضة حبكة الخطف نفسها.. منين هي اللي مرتبة الموضوع ومنين كانت مموتة نفسها قلق وعياط وانهيار؟؟ خصوصا و الانفعالات طالعة منها بمنتهى الصدق ومكنش في اي تلميح لأنها بتتصنع او بتمثل!!

لكن بشكل عام الرواية جميلة.. اللغة بسيطة بدون تعقيد.. طريقة السرد والاحداث تشد لدرجة اني خلصتها في يوم رغم طولها بس كان الأفضل انها تنتهي بشكل ألطف وأكثر منطقية من كدة من غير تعمد المفاجأة وخلاص

كسرد وحبكة كويسين، لغة رواية بسيطة و ان كانت افضل من أعمال أخرى للكاتبة ولكن تتميز هذه عنهم بإنها جاءت خارج المألوف في نهايتها

في المجمل العمل جيد ولا بئس به ناقشت فيه الكاتبة عدة موضوعات وأزمات إجتماعية