سر الخادمة | THE HOUSEMAID’S SECRET

اهو ده عيبها

تشوف أى حد واقع في أزمة

تهووووب من مكانها … جري للمساعدة

مش مهم توقع نفسها في مليون كارثة

المهم ما تشوفش حد فى زنقة…

وتخيل مساعدتها تبقى وصمة عار فى حياتها..

وبسببها … تبقى من غير وظيفة تكفيها فى حياتها..

ولا عارفة حتى تدفع ايجار بيتها ولا تكمل دراستها…

ما هو صعب حد يشغلها

بالسابقة اللى منورة سجلها الجنائي …

لحد ما جالها مكالمة 📲

مطلوبة للعمل كمساعدة فى منزل 🏡 " آل غريك"

بنتهاوس فخيم وشيك وصاحب البيت راجل أربعينى وسيم وشيك

بس فيه حاجة فى بيته مريب

المهم يا ميلى ركزى فى التنظيف واللى قالك عليه السيد غريك وبلاش فضول وبلاش دخول غرفة السيدة ويندى زوجته لانها مريضة ومحتاجة للهدوء.

تفتكروا "ميلي" هتلتزم بالتعليمات… ولا هياخدها الفضول لمقابلة السيدة ويندى وتكتشف المستور..

ياترى لو عرفت أنها فى أزمة هتهب للمساعدة

ولا اتعلمت الدرس وهتقول ماليش دعوة…

الجزء ده من رواية #سر_الخادمة لـ #فريدا_ماكفادن كان رائع … مشوق وسريع وحبكة مظبوطة مفهاش لا ملل ولا تطويل ولا حشو واستعراض على الفاضى وفرهدة علشان يتقال اووووه جامدين… والترجمة وسلاستها كان ليها عامل كبير فى اندماجي مع الرواية 💙

بجد فريدا ماكفادن تشوقك باسلوب سلس وبسيط وفى نفس الوقت مثير 👌

حبيت الرواية وعجبتنى النهاية ما هى مكانش ينفع تنتهى غير كده يا ميلي 😉

#مكتبة_دنيا

#قراءات_٢٠٢٦

روعة😍💘

كان هذا الجزء مذهل ورائع كنا أقرب لشخصية ميلي وشفنا تطورات حياتها،ولم أتوقع ميلي وإنزو😅

وياه دخلت ميلي الكلية وتبغى تصير أخصائية اجتماعية 🥺 تستحق أن تعيش حياتها، علاقة البداية مع النهاية واو تستاهل صفقة👏👏👏👏

السرد رائع لم أشعر انه مترجم

التشويق🔥🔥،والجريمة هنا أتت ذكية ومخططة لها جيدا، ومع ذلك ظهرت الحقيقة في النهاية.

أعجبني في هذا الجزء لم يكن هناك شيء غير لائق ومشاهد، أيضا أشعر أن في أغلب السلاسل يكون الجزء الثاني هو الأحلى مثل ما أعجبني هذا الجزء أكثر من الأول 😊💕

رائعة مثيرة تشويقية جديرة بالقراءة دون تأخير

كل كتب فريدا ماكفادن مميزه

ممتازة .

رائعه

تحفه

سر الخادمة و لقاء جديد مع فريدا

و رحلة جديدة مع ميلي و مغامرة جديدة في بيت جديد يمكن اكتر حاجة كانت مميزة في سر الخادمة هو اني رحلة القراءة كانت سريعة كنت حاسس اني بجري بسرعة في القراءة و حبيت فكرة اني الفصل صغيرة و كمان ترجمة دار العربية للعلوم ناشرون كانت ممتازة ولكن في ملاحظة نذكرها في اخر الريفيو .

مش بس الرحلة معانا فيها ميلي لكن أنزو حاضر كمان

لكن الغريب أني مفيش اي ذكر و لو مرة واحدة للاحداث في الجزء الاول و انهم عرفه بعض هناك!

في سر الخادمة ميلي بعد اقالة من عمل لموقف يعتبر طريف بتلاقي شغل في بيت دوغلاس /ويندي ، لكن ميلي دايما وراها متاعب و مشاكل و جرائم هنعيش رحلة و هنعرف ميلي هتعرف تخرج من البيت ده ولا هتتورط في جريمة جديدة

الملاحظة علي الترجمة بقي هو ل امته هتفضل دار النشر تقوم بدور الواصي علي القارئ و يتم حذف اجزاء من الاعمال عشان في بوسه او في ذكر لقطعة ملابس داخلية اه مفيش تاثير علي الاحداث بس القارئ مش اهبل و انا قدرت اتاكد من الحذف من النسخة الانجليزية ، كفاية وصاية علينا بحناا بنقرأ أدب مترجم عشان نتعرف علي مجتمعات مختلفة عن مجتمعنا

⚠️⚠️جزء حرق للأحداث ⚠️⚠️

انا مش قادر اتصور اني الكاتبة عدي عليها مشاكل الحبكة في الجزء ده قارء الرواية عارف اني ويندي كانت عاوزه تورط ميلي في جريمة قتل دوغلاس وعملت تحضيرات لده لحد لحظة القتل المزيفة لحد هنا يعتبر تمام لكن مع بداية اتهام ويندي ل ميلي و التحقيق معاها بنلاقي سير الاحداث فيه نوع من انواع الخلل في الحبكة

المحقق بيروح ياخد ميلي بشكل عادي من غير ما يتم القبض عليها رغم اني ويندي كانت اتهمتها و بصامتها كانت علي المسدس طب ازاي ده

ثم بتروح و بيتم التحقيق معاها و مواجهتها باتهام و يندي ليها و اني بيتها بيتفتش بعد اصدار مذكرة و بيتم العثور علي اثر لضرب النار علي الملابس ده غير الهدايا زي العقد و الفستان

يعني كده بصمات سلاح و الهدايا و اثر البارود علي الملابس مع سوابق ميلي و المحقق بيقرر يصرفها من القسم عادي رغم الادلة دي كلها

و كمان فات علي الكاتبة هنا اني ميلي كان تقدر تثبت انها رجعت في نفس الوقت بعد ما حولت توصل ويندي و تهربها من كاميرات وكالة تأجير السيارات لانها رجعت العربية في نفس الليلة و اكتشفت اني انزو هو اللي كان وراها و كان ممكن يبقي شاهد هو كمان .

بالنسبة لقتل ويندي بدواء القلب مقبولة لكن كمان و لانها كانت بتشرب مع راسل فهو وارد يبقي شرب منه هو كمان و ممكن لو تم تحليل دمه يبقي في اثر للدواء الا لو كاتبة هتعتمد هنا اني سبب قتله ظاهر و كمان مع رسالة الانتحار فالطب الشرعي هيهمل الجزء ده .

القصه حلوه لكن السرد نوعاً ما ممل فيها وايد شرح المحشو بـ الكلام الزايد لـ درجة الملل يعني مشيت 39 فصل بـ الغصب لكن عند فصل الـ 40 بدت توضح الأحداث و تمشي بسرعه .. الجزء الأول الخادمة كان أحلى ..!

كالعادة فريدة لا تخيب الظن