كن سعيدا

"لن تجد إناءً مشروخًا يحتفظ بما فيه"

تلك هي نفسك إن لم تحافظ على سلامها وتعطيها ما يكفي من الحب والسلام والاحترام والتقدير فلن تمنحك شيئًا

امنح نفسك الحب تمنحك السعادة لأنك تستحق ذلك.

كيف سيحترمك الآخر إن لم تشعر أنك تستحق الاحترام ؟

كيف سيحبك إن لم تعط نفسك المحبة ؟

كيف سيؤمن بقيمتك أحدٌ إن لم تثق بنفسك ؟

أنت من تمنحه لنفسك

أنت من يحدد قيمتك.

تذكر أنك من صنع الله، أنت أفضل المخلوقات، أنت كافٍ دومًا

ده تانى تجربة ليا بعد كتاب لا تكونى دايانا الروعة كتاب كن سعيدا اقسم بالله انا طبقت طريق واحد من اللى فى الكتاب وأثر فيا جدا جدا

​فى البداية انا لما مسكت الكتاب قلت انه هيقدم افكار مكررة من اللي بنشوفها كل يوم على السوشيال ميديا زى "ابتسم للدنيا تبتسملك وكدا لكن الكتاب نفس روعة كتاب لا تكونى دايانا روعة بحق كتاب منطقى جدا وفلسفة ٱية واضحة فيه انا كان عندى حق لما قلت ان ٱية لها مدرسة خاصة بها وده واضح جدا فى الكتابين اللى قرتهم وان شاء الله أقرأ لها المؤلفات كلها قريب

​الكاتبة هنا مش بتبيع لك وهم السعادة المطلقة، ولا بتقولك إن الحياة هتكون وردية.. هي بتقدم لك 30 طريق حقيقي ومجرب عشان تلاقي السلام الداخلي وسط زحمة وجع الحياة. كل طريق في الكتاب عامل زي المفتاح اللي بيفتح قفل قديم في دماغك؛ يعلمك إزاي تفك تعلقاتك، إزاي تحط حدود تحمي بيها طاقتك، وإزاي تبطل تجري وراء حاجات مش بتاعتك.

​الجميل في الكتاب إنه راقي، هادي، وبعيد تماماً عن المبالغة كتاب بيكلم عقلك ومنطقك بلغة قريبة للقلب، ويخليك تحس إن السعادة مش مكان هنوصله في يوم وليلة بل بياخدك من ايدك بهدوء وبمنطق لحد ما بتقتنع انك هتقدر توصل للسعادة لما تفك تعلقك بكل حاجة فى الحياة وتتعلق بربنا عز وجل فقط لا غير الكتاب فوق توقعاتى ومازالت أية سمير كاتبتى المفضلة

الكتاب عبارة عن وحدة الوجود قاعدة لنا كمسلمين الله سبحانة على عرشة بائن من خلقة يدبر الأمر .