علاقات سامة

العلاقة الحقيقية هى العلاقة ال الشخص فيها بيتقبلك زى ما أنت كده ويعطيك المساحة لأنك تكون نفسك.

العلاقة الحقيقية هى العلاقة ال تشفيك وتطبطب على جروحك وتكمل احتياجاتك بدون ما تطلب منك أى شئ فى المقابل.

العلاقة ال تنور وشك وتخليك تعيش أطول من عمرك ، وميبانش عليك عمر لأنك شايف ال قدامك بيحبك بنفس الطريقة من سنين ، وشايفك وبينظر لك نفس نظرة الحب الأولى بتاع زمان

بنفس الشغف ..

نفس الانبهار

نفس الاندفاع

نفس العاطفة

نفس المشاعر

نفس السعادة بيك.

العلاقة الحقيقية هى ال بتحافظ على صحتك من الامراض لأنك بتكون فى اعلى مستويات صحتك النفسية والعقلية السليمة .

العلاقة ال بتقاوم بها حزنك لمجرد انك مكتفى ومطمن بالأخر

العلاقة ال بتحسن صحتك النفسية والعقلية والجسدية وبتخرج أفضل نسخة من نفسك فيها .

العلاقة ال فيها رحمة قبل الحب وفيها تفاهم وفيها صداقة.

العلاقة المطمئنة ال تخليك مطمئن أن شريكك موجود ومعاك ومش هيروح فى أى مكان

العلاقة ال تشعر فيها بأبسط وأهم حق ليك فى الدنيا وهو أنك تشعر فى العلاقة. أنك بنى آدم وبنى آدم حر.

العلاقة ال بتحيا فيها من اول وجديد وبتقويك ضد تحديات الزمان وتقلباته.

العلاقة ال تنام فيها وأنت مطمئن وتقدر تعطى ظهرك فيها للآخر وانت مش خايف من أى شئ .

العلاقة ال الشريك فيها بيكون حاضر وموجود ومهتم فى كل وقت

العلاقة ال بتشعر فيها بالاطمئنان لمجرد أن شريكك معاك حتى لو هو مش موجود معاك بشكل كامل لكنه موجود وبيدعمك ويحميك فى أى وقت .

العلاقة ال تكون فيها حر تشعر بالحرية وأن شريكك مش بيقيدك بوجوده بأى شكل

العلاقة ال شريكك كله آذان صاغية ليك وفى أى وقت ... وفاهمك ومهتم طول الوقت.

العلاقة ال بتحصل فيها على التقبل التام لوجودك كبنى آدم أول شئ .

وتقبل لعقلك ولشكلك ، ولمشاكلك النفسية ، ولعيوبك ولأخطاءك ولنقاط ضغفك ، ولعجزك ولفشلك ، وفوق كل ده هو مستعد استعداد كامل ومن غير مقابل أنه يساعدك علشان تتغير وتصبح أفضل نسخة من نفسك ،

وحتى لو انت مقدرتش تتغير هو برضو هيفضل متقبلك .

العلاقة الجميلة ال بدون أحكام....

شخص مش بيحكم علبك لا حكم مظهري ولا ديني ولا عرقي ولا اجتماعي .هو بيتعامل معاك كبنى آدم

ومش بينصب نفسه حكم ولا قاضى لوضعك ولأخطاءك هو هياخد بايدك بالراحة لبر الامان ومن غير ما أنت تشعر .

العلاقة ال فيها طرفين بيحاولوا علشان ينجحوا العلاقة...

علاقة فيها أخذ وعطاء متبادل وبمنتهى الرضا.

علاقة فيها تسامح ورحمة.

علاقة انتوا الاتنين تقدروا تكونوا حقيقيين مع بعض، كل شخص يقدر يكون نفسه بكل المميزات والعيوب

علاقة تقدر تكون فيها الصديق والحبيب.

علاقة حقيقية تكميلية تهون عليك أى عبء وأى ضغط وأى شىء فى الحياه .

علاقة تشعر فيها أنك بتمارس الحياه مش مجرد بنى ادم بيزق فى الأيام.

علاقة بتشعرك بالامتنان للماضى والشغف للحاضر واستعداد للمستقبل .

علاقة حقيقية بدون تغيير ..،بدون تحميل...، بدون خوف

بدون حسابات.... علاقة جميلة بتشفيك وتداويك وتعطيك قوة رائعة أنك تستشف حلاوة الدنيا وعظمة خلق الله الكون وليك.

#أية_سمير

#علاقات_سامة

عاش والله مشاء الله ♥