اقتباسات نورهان قنديل

الضغط النفسي هيسبب تخمة في النفس، كفاية إنك تحس طول الوقت بخنقة وضيقة وارتفاع في ضغط الدم! باالإضافة لدا كمان هرمون الكورتيزول هيرتفع، سكر الدم هيرتفع، الإنسولين هيرتفع، هنحس

لبن اللوز. أنتِ تعرفين طبعًا أن اللبن النباتي هو أقل في السعرات الحرارية بكثير، كما أن مزج اللبن النباتي يساعدك تمامًا في التخلص من الدهون، خصوصًا مع الانتفاخات.

البنجر، أو الشمندر؛ دا نوع من أنواع الخضار مش متخيلة مليان معادن وفيتامينات أد إيه، لازم تتعودي وتعودي أولادك من بعدك أنهم يواظبوا عليه، ويا سلام لو عصير كمان وعلي فكرة ممكن يتسلق أو يتعمل مخلل، يتحط عليه ملح وفلفل ويتساب لتاني يوم في التلاجة، هيبقي طعمه حلو أوي، ولو هتعمليه عصير فاعمليه عصير في عصارة الجزر، العصير حلو جدًّا، لو بتعاني من حب الشباب أو عندك مشاكل شعر، وكمان بيقاوم الزهايمر؛ لأنه بيساعد علي تدفق الدم للمخ فبيحارب الخلايا السرطانية، وبيحسن جدًّا من نشاط الدورة الدموية بالنسبة لمرضي الضغط، ومليان حديد، فمناسب للي عنده أنيميا، و بيساعد الكبد

إحنا اكتسبنا وزننا دا في فترة أد إيه؟ تقريبًا فترة تعادل ٥٠٪ من عمرنا، وجايز أكتر، وبالتالي اللي قعدنا نبنيه في سنين ليه منتظرين نخسره في لحظة؟ إحنا بنتكلم عن خسارة وزن بشكل منطقي وعملي، الموضوع أشبه بترميم وظبط هيكل وشكل عمارة عريقة وجميلة حابين نحافظ عليها، سهل جدًّا نهدها كلها في يوم، بس دا هيكون نهاية لها، لكن صعب نعيد ترميمها وتشكيلها في يوم، الموضوع هياخد وقت. ن

أسطورة الوزن المثالي دي مجرد مؤشر، وإن العامل الأول والأخير مش وزننا، لكن شكل جسمنا ونسبة الكتلة العضلية إلي الدهون

مين كان يصدق إن حاجة بسيطة زي الكمون الموجودة في بيوتنا كلنا ممكن يبقى لها التأثير الكبير جدًّا على صحة جهازنا الهضمي والقولون، وكمان عامل مساعد في تحسين وحفظ البشرة والشعر ومضاد للأكسدة؛ يعني على المدى البعيد بيساعد على عدم الإصابة بأمراض سرطانية لا قدر ال

جسمنا محتاج بروتين كتير، محتاج كربوهيدرات قليل جدًّا، ومحتاج دهون صحية غير مصنعة بنسبة قليلة. ودا يخلينا نقدر ناكل ونشبع طول اليوم من غير ما نضر جسمنا، وفي الوقت نفسه يبدأ الجسم يحرق الدهون الزيادة اللي جواه.

الكيمياء لها أعراض جانبية بعكس المواد الطبيعية اللي ربنا خلقها في الطبيعة، دايمًا وهي في صورتها العادية بتكون تقريبًا خالية من الأعراض الجانبية ومن أي تأثير سلبي.

لو هنستخدم جبن في السندوتشات نحاول نبعد تمامًا عن الجبن الملون؛ الأقرب للأصفر الغامق والبرتقالي، يفضل نستخدم الجبن الفاتح ”الأبيض“؛ لأنه أقل نوع جبن يحتوي على دهون/ زيوت، وياريت نلجأ للجبن الطبيعي ”الفلاحي أو القريش“ ولو هنستهلك جبن أبيض مصنع، ندور على النوع اللي بيستخدم أقل نسبة مواد حافظة وأقل نسبة صوديوم، ودا ممكن نعرفه من المكونات اللي على العلبة.

العيش البلدي أفضل من العيش الفينو؛ مبدأيًا كده العيش الفينو شكله ابن ناس وجميل وشيك، لكن مش كل حاجة شكلها حلو بالضرورة تكون صحية ومفيدة، العيش الفينو معمول كله من الدقيق الأبيض، وبالتالي كمية الكربوهيدرات اللي فيه زيادة عن الطبيعي والمنطقي، وهتستفذ الجسم أنه يحولها بالكامل لسكر جلوكوز، ودا هيستفز هرمون الإنسولين في الجسم، وهتتخزن أغلب الكربوهيدرات دي في الجسم بدل ما تتحرق والجسم يستفيد بيها، العيش البلدي فيه ردة مع الدقيق ودا بيخليه أقل من حيث الكربوهيدرات، والردة بتملى المعدة وتسبب إحساس بالشبع.

بروتين أكتر + دهون صحية أقل + نسبة صغيرة جدًّا من الكربوهيدرات = أكل متوازن

ربنا خلق كل شيء متوازن في قرية زمان كان عدد الصقور زاد فيها بشكل كبير جدًّا، والناس بدأت تخاف إن الصقور دي تأذيهم أو تأذي أطفالهم، كمان كان سعر الصقور مرتفعًا، فخرج أهل القرية واصطادوا كل الصقور اللي في القرية، وكانت فرحة كبيرة لما قضوا على آخر صقر لكن النتيجة كانت إن بعد أسبوعين كل محصول الأراضي انتهى تمامًا بسبب الفئران والقوارض اللي أكلت كل المحصول، واللي انتشرت جدًّا بعد الصقور ما اختفت ودا كان درس بنتعلم منه التوازن البيئي، أو إزاي ربنا خلق كل حاجة وكل كائن في الحياة دي بشكل يحافظ على توازن الحياة، وأن تدخل الإنسان في

الطريقة ساعات كتير بتبقى أهم من الشيء اللي هنحصل عليه؛ لأن الطريقة نفسها هي عنصر النجاح اللي هيخلينا نقدر ننجح كل مرة

الطريقة ساعات كتير بتبقى أهم من الشيء اللي هنحصل عليه؛ لأن الطريقة نفسها هي عنصر النجاح اللي هيخلينا نقدر ننجح كل مرة

أظن أننا البلد الوحيد الذي جرَّب خلط تسعة مكونات في أكلة واحدة، طماطم، أرز، مكرونة، عدس، بصل، حمص، شعرية، صوص لمون وثوم، صوص حار، وعندما انتهوا منها وجدوها لذيذة ولم يجدوا اسمًا مناسبًا لها فأطلقوا عليها ذلك الاسم العجيب ”كشري“ الذي يترك في الوجدان معنى يفيد بأن ذلك الطبق هو تشكيلة من كل شيء؛ لذلك فإن تلك الثقافة ربما التغلب عليها لم يكن أبدًا سهلاً.

❞ ما دمتِ مؤهلة نفسيًّا، فما يصيبك سوف ينتهي بالفعل، ❝

❞ مشكلة الأكل العاطفي هي أنني أسمح لمشاعري بالسيطرة عليَّ بشكل كامل، ❝

❞ فأنت حاصد لما تزرعه دون شك في ذلك ❝

❞ جهاز المناعة في الجسم عبارة عن جهاز متكامل، ليس خلية واحدة أو عضوًا واحدًا، والذي يتكون من خلايا الدم البيضاء، والأجسام المضادة الـantibodies ، والغدد الليمفاوية، والطحال وعندما يتسلل أي جسم غريب من الخارج، فإنه يشرع في الاستيقاظ والانتباه لوجود ❝

في مصطلح الـnegative body image، ومن ثمَّ صار ذلك من الممكن أن يؤثر في علاقتهن بأجسادهن، كما سيؤثر في نفسيتهم وصحتهم أيضًا.