الضحية الثامنة

الروايه عسوله آوي لذيذه 😍

رواية "الضحية الثامنة" للكاتبة كنزي مدبولي رواية مشوقة تنتمي إلى أدب الجريمة والغموض. تتناول القصة أحداثًا تتشابك فيها الجرائم والتحقيقات بطريقة تجذب القارئ وتجعل من الصعب عليه ترك الكتاب حتى النهاية.

ملخص الرواية

تدور أحداث الرواية حول سلسلة من الجرائم الغامضة التي تروع المدينة، حيث يبدو أن هناك قاتلاً متسلسلاً يستهدف ضحاياه بطريقة مروعة ومبتكرة.

الشخصية الرئيسية في الرواية هو المحقق شريف الذي يسعى جاهداً لكشف هوية القاتل والتعرف على دوافعه. تتطور الأحداث بشكل تصاعدي وتزداد التوترات مع كل صفحة، مما يجعل القارئ يعيش أجواء الترقب والتشويق.

أسلوب الكتابة

تتميز كنزي مدبولي بأسلوب كتابة سلس ومشوق. تستخدم لغة غنية بالتفاصيل والوصف، مما يجعل القارئ يشعر وكأنه يعيش داخل الأحداث. القدرة على بناء توترات وتشويقات مستمرة هي من أبرز مميزات الرواية.

الثيمات الرئيسية

تناقش الرواية عدة ثيمات مثل:

• العدالة والانتقام: تسلط الضوء على الصراع بين العدالة والانتقام وتأثير هذا الصراع على الشخصيات.

• اللغز والجريمة: تعكس الرواية بشكل كبير العناصر التقليدية لأدب الجريمة والغموض، مما يجعلها قراءة ممتعة لمحبي هذا النوع الأدبي.

• الإنسانية والشر: تطرح الرواية أسئلة حول طبيعة الشر وكيف يمكن للظروف والتجارب الحياتية أن تشكل دوافع القاتل.

رواية "الضحية الثامنة" للكاتبة كنزي مدبولي، رغم جاذبيتها وتشويقها، قد تحتوي على بعض السلبيات التي يلاحظها بعض القراء. من هذه السلبيات:

1. الشخصيات الجانبية : بعض الشخصيات الجانبية غير متطورة بشكل كافٍ، مما يجعل من الصعب على القارئ فهم دوافعها وتأثيرها على الأحداث بشكل عميق. مثلا والد الصحفية فجأة حرج علينا من العدم ثم اختفى دون مبرر لظهوره او غيابة

2. الإيقاع: قد يشعر البعض أن الإيقاع في بعض الأجزاء بطيء نوعًا ما، مما يؤثر على تشويق القصة ويجعلها تبدو ممتدة في بعض الأحيان.

3. التنبؤ: رغم أن الحبكة معقدة ومشوقة، قد يجد بعض القراء أن بعض الأحداث تكون متوقعة أو يمكن التنبؤ بها، مما يقلل من عنصر المفاجأة.

4. اللغة والأسلوب: ربما يجد بعض القراء أن الأسلوب اللغوي والرواي قد يكون متكلفًا في بعض الأحيان، مما يعيق التدفق السلس للسرد. وكذا الأخطاء اللغوية الكثيرة جدا حتى في اللهجة المحكية والتكرار وبالذات (ابتلع لعابي) تكررت كثيرا جدا والانسب مثلا يبتلع ريقة او يزدرد ريقه عند الصعوبة .

تقييم

بشكل عام، "الضحية الثامنة" تعتبر إضافة قيمة إلى مكتبة أدب الجريمة والغموض العربي. تجمع الرواية بين الحبكة المشوقة والشخصيات المعقدة والأسلوب الأدبي الرفيع، مما يجعلها تستحق القراءة.

الروايه اكتر من رائعه بجد ⭐⭐⭐⭐⭐/5

الرواية بجد حلوه اوي

الضحية الثامنة

الرواية الثانية للكاتبة كنزي مدبولي، وهذه كانت تجربتي الأولى معها.

الرواية مكتوبة بالفصحى في السرد، والعامية المصرية في الحوارات. الأسلوب سلس، الأحداث مشوقة، والإيقاع متصاعد باستمرار. رغم أن الرواية بوليسية بامتياز، إلا أن فيها جرعة واضحة من الرومانسية والكوميديا، أضفت عليها خفة لطيفة.

تبدأ القصة بالعثور على جثة داخل حقيبة سفر. ومن هنا تنطلق سلسلة جرائم متتالية تبث الذعر في المجتمع، وتدفع الشرطة إلى سباق مع الزمن لكشف القاتل قبل سقوط ضحايا جدد.

الحوارات بين البطلين زين ونازلي جاءت خفيفة الظل أحيانًا، لكنها في كثير من المواقف بدت غير طبيعية. التعارف بينهما غريب، والتصادم غير مبرر. مشاعر الحب، الغيرة، والغضب كانت تتفجر سريعًا وتخفت أسرع، ما جعل العلاقات تبدو متسرعة وتحتاج مزيدًا من التماسك والمنطقية.

لافت أيضًا تكرار الكاتبة لعبارة “إنت كويسة؟”، التي وردت أكثر من عشرين مرة، حتى بدت كأنها لازمة الرواية! 😅

اقتباسات أعجبتني:

• “أنا حقًا لا أطيق الصمت، أشعر أنه واجب عليَّ أن أملأه بأي حديث.”

• “أعلم أن (ماشي) و (براحتك) في لغة النساء تعنيان (نهارك أسود).”

• “إذا كان للشعور بالأمان رائحة لكانت رائحة والدي.”

قرأتها على أبجد.

#فريديات

الرواية لطيفة و خفيفة

رواية لطيفة وسريعة وبها الكثير من المشاعر الصادقة التي تتميز بها الإصدارات الأولى للكتاب. برافو كنزي وبالتوفيق.

فكرته حلوه رغم ان هي مسروقه شويه من افكار الأفلام زي سفاح المترو إلخ وفيه اخطاء املائيه بس حلو وانصح اي مبتدأ يقرأه لان معانيه سهله جداً ومفهومه

القصه حلوه والنهاية جميله وغير متوقعة ❤️ لكن كم البكاء اللي في القصة كثير اوي و اختيار الاسماء مكنش احسن حاجه

كتاب جميل و حبكة متقنة باللغة العامية المصرية

اولا هي ككاتبة مبتدأة حلوة واسلوبها جميل ومش تافه ولا مبتذل ومفيهوش افورة ولكن الجريمة نفسها ساذجة 😂 وكان التركيز على علاقة نازلي وزين اكتر من الجريمة

ثانيا قصة أن راجل على طول يدمع ويبقى بالتفاني والإخلاص ده انا مبلعتهاش وخصوصا في الكوارث اللي حوالينا 😂😂بس في المجمل هي رواية كويسة وجذابة وما حستش بالضيق والزهق وانا بقراها واستمتعت بيها ومنتظرة الكتاب الجديد واكيد هقراه

حقيقي استمتعت رواية بسيطة سلسة♥️

حبيت بساطتها مع الحبكة البوليسية

وقصة الحب بين زين ونازلي

ولو كانت بداية ليكي أتمنا اللى جاي يبقا افضل

شكرا للكاتبة كنزي

رواية خفيفة، هناك حبكة، بها بعض الأخطاء والضعف ربما كانت مقبولة ولكنها رواية حقًا، وليس مجرد شهره لكنزي، بالتوفيق للكاتبة

طفوليه جدا وانا بقرأها افتكرت ايام المراهقه وانا بقرأ الروايات الرومانسيه قصه لطيفه خفيفه بس عاديه

لسه الكاتبه محتاجه شوية نضج ف الكتابه سواء ف الاسلوب او الحبكه

بالتوفيق ❤️

جميله اوي ❤️🥰❤️

هي فين الضحية التامنة؟! الريفيو م السنة اللي فاتت هاااي عليكم 🙋🏻‍♀️

طبعا في جدل حاصل من كام يوم بسبب كنزي مدبولي

الأول انا لا اعرف كنزي ولا متابعاها ولا اعرف المحتوي اللي بتقدمه, بس من لما شوفت روايتها علي ابجد من قبل الضجة وانا حملتها وقلت هقراها من باب الفضول ليس إلا, وافتكرت سحبها من وسطها بتاع السنة اللي فاتت مع اني اصلا مكنتش معترضة علي سحبها من وسطها خالص  قرأت الرواية في أربع ايام :.)

المفروض الرواية يكون فيها شخصيات ووصف وأحداث وحوار

_ القصة عادية والأحداث عادية ومتوقعة والنهاية متوقعة لكن دي مش المشكلة ما في كتير روايات نفس الفكرة لكن المعالجة مختلفة مثلا فكرة الغربة والسفر اتعالجت كتير مثال البلدة الاخري ل ابراهيم عبد المجيد_ دق الطبول ل محمد البساطي _ ربيع الشتات ل سراج منير مفيش واحدة شبه التانية . لكن الرواية هنا زي حلقات التركي والهندي حاجة كدة لايت بنتسلي بيها _

_مش معترضة علي الحوار بالعامية خالص لكن ع الاقل تكون عامية مقبولة لأن العامية لها اصول برضة زي الفصحي

_المفروض يكون في وصف للشخصيات مكانش في ده, حتي وصفها للأبطال مفيش غير نازلي اللي غلطت مرة قالت شقرا ومرة قالت سمرة

_ بتنط ف الأحداث بشكل مش طبيعي يعني عندها فرط حركة وتشتت انتباه وفاشلة دراسياً فجأة بقت شاطرة وفجأة دخلت كلية اعلام وجابت امتياز مع مرتبة الشرف واشتغلت ف اكبر جريدة ف مصر ولأنها شاطرة وبتعمل لوحدها الشغل اللي بيعمله الفريق كله ف اسبوع هي بتعمله ف يوم بقت بتشتغل ف اكبر قناة ف مصر وهنا عاوزة اقول كلمة باسم يوسف بس بلاش  ما انا خريجة كلية الاعلام واتدربت في جرايد ومجلات وبقولك ان ده مبيحصلش كدة والله

_ مفيش منطق عندها ف الوقت يعني المسافة من القاهرة لمطروح ساعة ونص _ رئيس التحرير اتصل بيها تلاتة الفجر عشان يقولها علي انهم لقو ضحية تانية وبعت لها اللوكيشن وراحت له في بضع ثواني ده غير انها اعترضت انها تخرج مع المذيع ف شغل الساعة اتناشر لكن مكانش عندها مشكلة ف الساعة تلاتة الفجر _ اهل زين ف كندا بس بقوا ف لوس انجلوس اللي بتبعد عن القاهرة 19 ساعة _ طب ما نفكر شوية ونسأل جوجل ف المسافات بدل اللخبطة دي وخلينا منطقيين  اه بس هي قالت انها بتكتب رواية خيالية مش واقعية فمالناش دعوة بالمسافات يا موههي

_ بتحشر كلام انجليش كتير في الحوارفي الرواية لية مع انه ممكن يتكتب بالعربي عادي؟!

_ قالت ان اسمها نازلي وابوها اسمه احمد لكن ف فصل تاني قالت ان اختها اسمها حلا عوض احمد السيد وف فصل القاتل قالت ان اسمها نازلي مصطفي ؟؟! يعني انت مين بالظبط؟

_ طيب ازاي ف الفصل 21 ليلي اخت زين سلمت عليها وعلي سعيد وقالت له انها اخت زين وف الفصل 22 كان حاجة تانية شوفو كدة

❞ أومأت برأسها وكأنها فقدت قدرتها على الكلام لوهلة، ثم قالت في إحراج:‏

‫ ‏- أنا ليلى القاضي… أخت زين. ‏

‫ ‏قال في لباقة:‏

‫ ‏- اتشرفت بيكِ. ‏

‫ ‏ثم التفت إلى نازلي التي جلست تنظر لنا في دهشة مشابهة لدهشتي. نظر لي متسائلًا:‏

‫ ‏- انت أكيد تعرف نازلي، انتم اشتغلتوا سوا. ‏ ❝

ده الفصل 21

❞ نظرت إلى زين ثم إليَّ، ثم اتسعت عيناها كأنها أدركت شيئًا لتتنحنح متسائلة بنبرة مرحة:‏

‫ ‏- ماكنتش أعرف أن انتِ وأخويا كنتوا بتشتغلوا مع بعض. انتِ بتشتغلي في الطب الشرعي؟ ‏

‫ ‏التفت لها زين، بينما تعلقت عيناي بها.

أخوها؟ إذن هي أخته؟ يا لقلبي الأحمق، لقد قفز لتوه من السعادة بعدما أعلن عن كرهه له منذ دقيقتين. أدركت أنها لا تزال تنتظر إجابتي، لذا أجبت على الفور:‏

‫ ‏- لا، أنا صحفية. ‏ ❝ده الفصل 22

_ قالت في حوار لها انها كتبت الرواية بصيغة تعدد الرواة أو الأصوات المتعددة لكن هوتعدد الرواة كان نازلي وزين بس طول الرواية وفصل واحد بس القاتل بس ما علينا

_ قالت ان الرواية اتراجعت لغويا واملائيا ست مرات طيب والأخطاء دي كانت اية " ‫ ‏هززت رأسي بعدم رضا، تلك الفتاة تكذب، لكن متى؟‏ ❝متي ازاي يعني المفروض لماذا؟

_❞ ‫ ‏شعرت بسكين قد غرزت في قلبي، كان يفكر في مصلحتي قبل أن يموت كعادته. أومأت برأسي وامتلأت عيني بالدموع، وقلت بنبرة مهزوزة لكن بثقة: ❝

يعني اية بنبرة مهزوزة لكن بثقة ؟

_ واحدة صحفية مش عارفة لغة الجسد يعني اية لكن عارفة الـ ALS طب ازاي

" ماما فريدة اتوفت بسبب مرض اسمه التصلب الجانبي الضموري. ‏

‫ ‏- عارفاه… اسمه ALS؟ ‏ ❝

_ قالت انها مبتعترفش بورش الكتابة مستشهدة بكلام دكتور احمد خالد توفيق اللي معرفش هو صح والا غلط  لكن ورش الكتابة علي الأقل اللي انا حضرتها بتركز علي حاجات أساسية زي اجادة اللغة العربية الفصحي وعلامات الترقيم حتي لو هكتب بالعامية _ انها بتركز علي بناء الشخصيات _ بتركز علي التسلسل المنطقي للأحداث _ بتركز انها تعطي معلومات صحيحة للقارئ حتي لو الرواية خيالية يعني مش هينفع نقول ان الدم لونه أزرق مش أحمر لان ده مش منطقي

ولو مش هتقدر تعمل ده في وظيفة اسمها محرر ومصحح لغوي

_ الغلاف حلو مفيش كلام بس هما لقو الجثة الأولي في شنطة سفر كبيرة مش ف برميل 

_ معنديش مشكلة انك تكتبي ميكس جريمة ورمانسي بس يكون منطقي مش زي المسلسلات التركي اللي انت معجبة بيها

_ هي فين الضحية التامنة؟

انا احب كنزي مدبولي ودايما بتفرج على فيديوهاتها واتمنى ان هي ترد عليا دايما واتمنى ان هي هتشوف الكلام اللي انا بقوله الضحيه ثامنه احلى كتاب في حياتي بشده الكتاب تحفه يعني ما يتوصفش 💗🤭💓

نهاية الرواية فيها سذاجة لدرجة الإستخفاف بالقارئ.

بجد من احلي الكتب الي قريتها الي خليتني ادخل جوا الاجداث اوي وطريقة الثرد رائعة

كنزي تخطت الحلاوة

اجيب الكتاب ده مين ارجو الرد

رواية جميلة

تحفة♥️♥️