اقتباسات من كتاب ما وراء الدايت

لازم يكون يومك مصمم ليك ويتناسب مع معدلات الجوع والشبع عندك ويكون فيه الأكل اللي يناسبك أنت

يبقى الخلاصة: أساس نزول وزنك هو سعراتك ثم سعراتك ثم سعراتك وكميات أكلك حتى لو هتأكل كل سعراتك الساعة 12 بالليل و تنام. فخلينا نقول للناس دي كفاية تعقيد و سيبوا كل واحد يأكل في المعاد اللي يناسبه

النهاردة يوم جديد، هأعامل جسمي بالطريقة اللي يستحقها. أنا عارف إن جسمي طبيعته بيزيد في الوزن، وأنا متقبل ده، وهأعالج ده بالراحة وبهدوء.

كل وجبات بانتظام كل 3 لـ 5 ساعات. إنك تحط وقت كبير بين الوجبات لو عندك شره سكر مش صح ولا ده الأنسب ليك. كل ماهتجوع هيبقي عندك شره أكتر للسكر.

❞ الحماس مطلوب آه، لكن لو هيخليك عايز أسرع نتيجة في أقل وقت، يبقى غلط. مش ده الحماس المطلوب لأنه هياخدك في طرق صعبة مش هتقدر تكمل فيها، ❝

كل الناس تعرف تخس، بس مش كل الناس بتعرف تحافظ على اللي خسته.

الأكل اللي Caloric Density بتاعه قليلة بيسمحلنا نأكل منه كميات كبيرة ومشبعة وبسعرات قليلة جدًا،

بداية يومك هي اختيارك، وأنت وشطارتك. شبع أكتر، وسكر أقل، سعرات أقل، تحكم أكبر، خسسان أسرع، فحاول تختار صح.

يبقي تنظيم الوجبات على حسب يومك أنت

كمان معظم الدراسات أثبتت إن التمرين على معدة فاضية بيعلي الشهية على مدار اليوم فهيخليك تأكل أكتر. كمان الدايت والنظام الغذائي هو الأساس فلو أنت مش منظم أكلك صح حتى لو اتمرنت على معدة فاضية مش هتعمل أي نتيجة.

خلي الفاكهة في المتناول. أول ما تحس بشره السكر كل فاكهة هتديك فايدة وألياف وكمان هتديك سكر

الأكل الواعي مش يعني دايت، الأكل الواعي اللي هو أحكم عقلي قبل بطني.. أفكر شوية: هل أنا جعان؟ هل أنا شبعت؟ هل ده أصلًا هيشبعني؟ يعني مينفعش تبقي جعان جدًا ولسه ما اتغدتش، وتروح حاطط نفسك قدام حلو ومستني تشبع!

يبقى الوزن الصحي هو الوزن اللي يخلينا أحسن وأفضل وقادرين نحافظ عليه، وعشان إحنا أكبر بكتير من رقم على الميزان وصحتنا أهم من رقم الميزان، فيها ايه الدايت باظ مرة مثلًا أنا بشر مش في سباق!

احنا هدفنا وزن صحي وعلاقة سليمة مع الأكل مش وزن مثالي خليكم فاكرين ده.

أنت عايز تعيش بجسم حلو، مش عايز تتعذب عشان توصل له وما تلحقش تفرح بيه!

هتعمل الوسط امتى؟؟ أحيانًا كتير اللون الرمادي بيكون حلو … مش لازم أبيض وأسود. ولا ايه؟

نوت اسمها انتصارات ملهاش علاقة بالميزان ‫ فاكرين كل المشاعر الإيجابية اللي كانت عندي واختفت بسبب الميزان؟؟؟ بقيت بأسجلها في المذكرة بتاعتي ‫ الأسبوع الأول: أنا مبسوطة جدًا، وحاسة إني أخف ومعدتي مرتاحة ‫ الأسبوع التاني:.... "

خطوة 2: ارمي الميزان بعيد واتحرر

‫ تطبيق 1

‫ بص على نفسك كل يوم في المرايا، وكلم جسمك، واحضن نفسك وطبطب عليها

بأراقب الجرام طالع نازل وبأعامل جسمي على أساس جرامات.