راية جماعة البك

رواية راية جماعة البك من الروايات اللي مش بتقراها كأنك بتقرا تاريخ بالعكس بتحس إنك عايش جوّه الأحداث وكأنك موجود في الزمن ده فعلا الكاتب ما بيعتمدش على سرد تاريخي تقيل أو معلومات مباشرة لكن بيخليك تشوف وتسمع وتحس باللي الشخصيات بتمر بيه

السرد في الرواية قوي وسلس يخليك تكمل من غير ما تحس بملل والمشاهد متكتبة بطريقة تصويرية تخليك تتخيل المكان والناس والانفعالات بسهولة كل حدث جاي طبيعي ومترابط وده مخلي الرواية مش مجرد حكاية لكن تجربة

الجميل كمان إن الرواية بتركز على الإنسان أكتر من الحدث نفسه، على المشاعر والخوف والوجع والاختيارات الصعبة، فبتخرج منها حاسس إنك فهمت الفترة دي إحساسًا مش تاريخًا.

ببساطة راية جماعة البك رواية حلوة في السرد، قوية في الأجواء، وبتاخدك لزمن غير زمنك من غير ما تحس إنك بتقرا كتاب تاريخ

رواية رائعة بكل المقاييس 👌

اخيرًا خلصت أمتع رحله عيشتها من فترة طويله، بقالي 25 يوم بقرأها وحقيقي مفيش مره واحده زهقت منها، يمكن طولت فيها، بس ده حقيقي علشان اديها حقها، رواية رائعة من كل الزوايا و فعلًا الكاتب ابدع فيها وقدر يدخلني في جو الرواية من اول فصل، الرواية سردها فصحى قوية، حوارها عامية لذيذة جدًا وفعلًا لايقة جدًا مع جو الرواية، الرواية بتحكي عن فترة مصر فالإحتلال الإنجليزي وإزاي ناس بسيطة بيحاولوا انهم يطردوا المحتلين.

تقييمي للرواية 4.5 من 5.

عيوب الرواية : اول فصل (90ص) كان فيه استعراض لغوي شويه من الكاتب، ولكن بعد انتهاء الفصل الأول أصبحت الرواية لغتها سلسه ولذيذه🌹

منتظر العمل القادم للكاتب بفارغ الصبر🙏🏻

اسم الرواية/ راية جماعه البك

اسم الكاتب/عمر عماد يونس

دار النشر/دارك

عدد الصفحات/٣٠٢

التصنيف/تاريخي اجتماعي

القراءة الكتروني/ابجد

التقييم/ ⭐ ⭐ ⭐ ⭐

🎀 نبذة عن الرواية

تدور أحداث رواية «راية جماعة البك» في الفترة التي سبقت ثورة يوليو 1952، حيث كانت مصر تعيش حالة ارتباك وصراع مكتوم بين الولاء والرغبة في الانتماء الحقيقي للأرض.

لا تركز الرواية على القادة التاريخيين المعروفين، بل تسلط الضوء على الضباط الصغار والجنود، أولئك الذين عاشوا الصراع الحقيقي في الظل.

يأتي البطل بهوية مركبة؛ نصفه مصري ونصفه أجنبي، وهي نقطة محورية تعكس أزمة الهوية التي تعيشها البلاد في تلك المرحلة، وتجعل صراعه الداخلي امتدادا للصراع الوطني الأكبر

🎀 الحبكة

الحبكة تعتمد على التصاعد التدريجي

تبدأ الرواية برصد حالة الغليان داخل المؤسسة العسكرية، وظهور تحركات سرية تعرف بـ«جماعة البك»، التي تحاول إيجاد موطئ قدم لها في التغيير القادم.

تتشابك المصالح الشخصية مع القضايا الوطنية، وتتصاعد الأحداث مع اقتراب لحظة الحسم، حيث تجبر الشخصيات على اتخاذ قرارات مصيرية تكشف وجوههم الحقيقية تحت الضغط.

🎀 الشخصيات

البطل: ضابط يحمل صراعا داخليا حادا بسبب هويته المزدوجة، ممزق بين الطاعة والضمير، وبين انتماء لا يكتمل وسلطة لا تشبهه.

شنوده: شخصية مؤثرة، وهو أحد أطفال الملجأ الذين ولدتهم الحياة بلا سند إجتماعي.

يجسد الوجه القاسي الهامش الاجتماعي، ويعكس كيف يمكن للحرمان أن يصنع إنسانا يبحث بشراسة عن الانتماء أو العدالة.

أفراد جماعة البك: شخصيات متعددة الدوافع، بعضهم تحركه الوطنية، وآخرون تحكمهم الطموحات الشخصية أو الرغبة في النفوذ.

🎀 اللغة والسرد

اللغة عامية وواضحة، مناسبة للزمن التاريخي دون تعقيد.

السرد هادئ ، يعتمد أحيانا على وصف شخصيات كثيرة ويمنح القارئ صورة شاملة للأحداث.

الوصف يخدم الحالة النفسية للشخصيات والزمن المناسب للرواية

🎀

نقاط القوة

العودة إلى زمان التاريخ وتحويله إلى متعة نكن جزء منها

بناء شخصيات احساسها النفسي أعمق

توظيف فكرة الهوية والانتماء

أجواء تاريخية يتقنها الغلاف واللغة

🎀وجهة نظر قارئ

هذه الرواية لا تقرأ لمعرفة ما حدث تاريخيا، بل لإحساس ما قبل الحدث.

تجعلك تعيش حيرة، والخوف الذي سبق الانفجار السياسي.

احببت كل شيء في هذه المصطلحات الزمنيه والزمن أيضا الذي بسبها اريد العودة بآلة الزمن إليه احب تلك الحقبات

#قارئة_متمردة

#ريفيوهات_علي_قد_المقام

بين دهاليز التاريخ نبحر في رحلة لفترة احتلال الإنجليز لمصر، نرى الكثير من الأحداث والوقائع من خلال " جماعة البك" نعيش مع أفرادها ونصبح عضو خفي منهم؛ لا يرونه ولا يسمعونه، لكنه يعيش معهم، يحضر اجتماعاتهم السرية في غرفة "مدين بك"، يتألم لألمهم، يتمنى قرب النهاية حتى يرتاحوا من كل ما لاقوه من عناء.

نتعرف على التاريخ بشكل مختلف على هيئة أفراد ستتعلق ببعضهم وتشفق على البعض وتشمئز من الباقيين، وعندما ترى أن النهاية ستسطر كلماتها قريبًا، تجد بداية تلوح لك من بعيد لتعلن وجودها وأنّ النهاية هنا ما إلا بداية لفصل جديد.

ويبقى السؤال هل وصلت جماعة البك لمبتغاها وهل ظلوا معًا حتى النهاية؟

----------

رواية: راية جماعة البك

للكاتب: عمر عماد يونس

دار النشر: دارك للنشر والتوزيع

نوع القراءة: إلكترونية على أبجد

نوع العمل: رواية تاريخية

عدد صفحات الطبعة الورقية: ٣١٢

----------

تعليقات:

⚪جاءت الحبكة قوية، قدمت على هيئة مشاهد منفصلة متصلة لأبطالنا وقد مرت الحبكة بفترات مختلفة وتغيرات في الزمن وصلت لسبع سنوات في بعض الأحيان.

⚪ اللغة فصحى قوية في حالة السرد أما الحوار كان بالعامية التي ناسبت تلك الفترة وتخللها بعض الكلمات بلغات أخرى حسب جنسية القائل.

⚪ برع الكاتب في السرد والوصف وكان إيقاع الأحداث شبه ثابت بدون ملل.

⚪ كان بناء الشخصيات جيد جدًا وخاصة شخصية "مدين بك"، "شنودة" و "كلارك".

⚫ كان لدي مشكلة في فهم بعض كلمات تلك الفترة.

⚫ شعرتُ ببعض التيه في بعض الأحيان عند الانتقال بين الفترات الزمنية التي تناولتها الرواية.

⚫ لا يمكن أخذ تلك الرواية كمصدر تاريخي بمفردها.

--------

اقتباسات من العمل:

❞ لأوَّل مَرَّة يراه مكسورًا، فالإنسان يبقى كالصخر جامدًا إلى حين يتذكر الماضي، فالصخر يتجرّف بفعل الزمن، فمَن نحن لكي نبقى على حالنا ❝

❞ يقولون إن الفراق قدر، وهو يقول إنه اختيار مغلّف بالأعذار. من يقبض أرواحنا أهو القدر أم ملك الموت. ❝

‏

تلوم عليا ازاى يا سيدنا وخير بلدنا ماهوش في إيدنا

قولى عن أشياء تفيدنا وبعدها بقى لوم ليا..🤷‍♀️

هو احنا من زمان قوى فى كده…

يعنى مش بنعتبر

الحكام مش بيتعظوا

مش بياخدوا بالهم

مش عايزين يحصلهم زى اللى حصل لعبد الشكور واحد صاحبهم أكيد يعرفوه 😄

كل زمن وله حكامه

اللى بتغطى السلطة والنفوذ عينهم عن شعبهم واحتياجاته..

ليييييه لأ بجد لييييييه بصوت شوبير 🤦🏼‍♀️

ليه اللى المفروض يبقى حامينا بيبقى حرامينا

ويماين مع العدو ليه بيمشى حاله على حساب الشعب ليه هو مش برضه من الشعب ولا ايه

ليه بيبقى هو والعدو علينا

اندمجت قوى وبعدت عن الرواية اللى هتكلم عنها

بس يمكن اتخنقت شوية وقولت افضفض واجيبها فى الرواية 😄

رحلة عيشتها فى مصر الملكية وأيام الاحتلال البريطاني على مصر فى صفحات رواية #راية_جماعة_البك لـ #عمر_عماد_يونس

أغلب قرأ كتير عن الفترة ديه وحاسة بالشعب وقتها كان عايش فى ايه … كل واحد فينا فاكر زمنه أسوء من اللى فات بكتير هو سىء مفيش كلام 😄 بس فيه الأسوء كمان وكمان

تخيل تعيش على مزاج الغير هتقولى مع احنا كده كده عايشين متكدرين

هقولك مجربتش الاحتلال وبلاويه واللى كان بيجرا فيه… احنا حاليا محتلين بس مننا فينا 😄

لكن لما تبقى من الغريب أنيل بكتير 🤦🏼‍♀️

ما علينا نرجع للرواية اللى هتخليكم تجيبولى عيش وحلاوة ديه 😄

ايه اللى جمع بين ضابط 👮🏻‍♂️ انجليزي مع طفل يتيم و بكباشى سابق وراقصة فى كازينو الشانزليزيه على واحد كمان منضم لجماعة البنا وفهيم مش فاكرة كان ايه 😄🤔

مفيش شىء بينهم مشترك …. صح ولا ايه ❓🤷‍♀️

جماعة بتشتغل فى الخفاء لغرض واحد وهو التخلص من الاحتلال … هيعملوها ازاى 🤔

الرواية بتتناول فترة صعبة عدت على مصر … جنسيات مختلفة قاعدين متمركزين ما تعرفش مين فيهم معاك ولا عليك…

كله بيهاجم فى كله حتى اللى عاملين فيها فدائيين تحس أن كله وراه مصلحة غير …

الكل بيهتف وينادى بالإستقلال بس غرضه مصلحة شخصية ولا فعلًا نفسه يرتاح من الإحتلال…

جماعات بتلبس في بعض والاسم ايد واحدة ووقت الجد ماعرفكش 🙄

رواية مكتوبة بأسلوب حلو ولغة قوية شطارة من الكاتب أنه استخدم مصطلحات تناسب الوقت…

وعلى الرغم من صغر سن الكاتب إلا أنى انبهرت بأسلوبه وكنت فرحانة به.

جماعة راية البك هتحبهم وهتتكرهم فى نفس الوقت هتتعاطف معاهم وتشجعهم وساعات هتلعن غباءهم…

استمتعت بقراءاتها وعندى بعض الاستفسارات هبقى بقى أسأل كاتبها عنها 😊