عمر طاهر يتصل بك

فكرة جميلة جدا جدا جدا و الونس مع عمر طاهر و صوته ميتشبعش منه الحقيقة .. و الأفكار اللى كانت فى كل فصل عايزة فصول للكلام عنها .. و تظل اجمل حاجة فى الفكرة ونس الصوت القريب لقلوبنا و أفكاره اللى تخليك تسرح معاه فى مليون حاجة و حاجة اتنست فى دوامة الدنيا ❤️❤️

صوت استاذ عمر مريح للأعصاب وطريقة حاكيه ترجعك لزمن وددت لو طال قليلاً 🫰🏻🥹

تحفة وفكرة جميلة جدا جدا بجد عايزينها تتكرر كتير لأن نص ساعه قليل اوي ❤️❤️

هيه فعلا نص ساعة؟ كل الجمال ده في نص ساعة بس؟؟ في تقييم اكتر من 5 نجوم؟؛ آن الأوان نحط التقييم المفتوح

انا خلصتها كلها في نص ساعة .. وبجد ايه الجمال والحلاوة دي !! والله انا ما عارف اخرج من الحالة العظيمة اللي دخلت فيها خااالص عايزين اجزاء كتير من المكالمة وبصوت أ. عمر طاهر برده ♥️♥️♥️

فكرة حلوة اوي وحكايات عمر طاهر ميتشبعش منها حقيقي خلصته بسرعه ويمكن دي اسوأ حاجة كنت بتمنى افضل متونسة بيه اكتر من كده ♥️

الفكرة: أبجدية بامتياز + بساطة و جمال و صدق عمر طاهر، شكرا علي التجربة الجديدة المختلفة الملهمة.

حاجة جميلة بصراحة وفكرة جديدة ، يارب تتكرر كتير ، نصف ساعة من المتعة الذهنية الخالصة👍

عجباني جدا اسلوب الالقاء و الكوميديا وفي نفس الوقت النصائح بشكل مبسط

كتاب ظريف وخفيف فيه من نصائح في أسلوب حياة البسيط وليس المعقد

المكالمات فوق من الرائعة من واقع حياتنا وبصوت مصري أصلي

تحفة تحفة تحفة تحفة تحفة

ملهم كالعادة.

جمال بيور

⚡ ❞ وبقول لنفسي دايماً ما ينفعش تاخد كل حاجة على صدرك إلا لو كنت لعيب كورة جامد، لأن البديل إنك إنت اللي هتتلعب بيك الكورة، وبقول لنفسي دايماً حاول ما تحطش في بالك إن في حد بيستقصدك، شخص أي حد فينا أقل من إن الدنيا تستقصده، هو بس ساعات الواحد بيكبر المواضيع.❝ ⚡

#شكراً Abjjad | أبجد 🥲

. لكن كان المفروض تُكتب فوق هذا العمل عبارة:

✨ "إهداء لجيل الثمانينات".✨

💫 عمر طاهر أبدع بصراحة؛ أينعم داس على الجرح بشدة، ولكنه في نفس الوقت عبّر عن كل شيء ببلاغة مدهشة رغم اعتماده على العامية.

والبلاغة هنا ليست بلاغة الكلمة الفصحى فحسب، بل هي بلاغة المعنى، والفكرة، والتعبير.

📌 عمر طاهر في 'عمر طاهر يتصل بك' داس على الجرح بجد، بس خلانا نبتسم في الآخر ابتسامة دافية، ابتسامة فيها تجاعيد الزمن اللي بنحبها وبنفتخر بيها، لأنها شايلة ذكريات جيل كامل .

🍂 أكتر حاجة أثرت فيا إزاي قدر يحول 'خضة' الشعر الأبيض لحكاية حلوة عن النضج، وإزاي فكرنا إن 'العيل' اللي جوانا لسه زي ما هو، لسه بيحب نفس الأكل ونفس الناس، بس الفرق الوحيد إننا بقا عندنا خبرة وتجاعيد حلوة بنحبها.

شكراً عمر طاهر على النوستالجيا الصادقة، وايه احلى من شكل الردايو اللي اتقدم بيه الكتاب عشان توصل فكرتك وكبسولاتك اللي كانت مغلفة بطريقة حلوة جدا ما بين الفكرة والحل بشكل موجز بعيد عن فزلكة التنمية البشرية اللي غزت العالم بين ليلة وضحاها ☺️

وشكراً أبجد على التجربة دي اللي سابت على وشوشنا أثر ابتسامة مش هننساها."🥰

#عمر_طاهر_يتصل_بك

#عمر_طاهر

#أبجد

#كأس_العالم_للكتاب_مع_أبجد

#احلم

#خليك_قدها💪

#صوت_يروي 🎙️

#voiceactor #voiceover #audiobook #noveltrailers #bookreviewer #annAudio

كتاب "عمر طاهر يتصل بك" من الكتب اللطيفة التي استمتعت بها جدا خاصة أنني سمعته صوتيًا فشعرت فعلًا وكأن عمر طاهر بيتكلم معايا في مكالمة طويلة يحكي فيها عن الحياة والذكريات والناس أكثر ما أعجبني في الكتاب هو بساطته لا يعتمد على الأفكار المعقدة أو اللغة الثقيلة بل على التفاصيل الصغيرة التي نمر بها جميعًا دون أن ننتبه لها يمتلك عمر طاهر قدرة مميزة على تحويل المواقف العادية إلى حكايات ممتعة تحمل قدرا من الحنين والدفء

أثناء الاستماع تنقلت بين الابتسام والضحك أحيانًا وبين التأمل واسترجاع ذكريات قديمة أحيانًا أخرى وهذا ما يميز أسلوبه بالنسبة ليا فهو يكتب بطريقة قريبة من القلب وتشعرك أن ما يقوله يشبه جزءًا من حياتك

النسخة الصوتية أضافت الكثير للتجربة لأن طبيعة الكتاب قائمة على الحكي والمشاركة أكثر من السرد التقليدي لذلك شعرت أن الاستماع كان الخيار المثالي له

"عمر طاهر يتصل بك" ليس كتابًا تبحث فيه عن أحداث أو معلومات بقدر ما هو جلسة لطيفة مع كاتب يعرف كيف يلتقط جمال التفاصيل الصغيرة ويحولها إلى لحظات ممتعة لا تُنسى

#اسمع_مع_أبجد

#اسمع_في_الفنجان

#فنجان_قهوة_وكتاب

✨ مسابقة #اسمع_في_الفنجان بالتعاون مع أبجد ✨

اسم الكتاب/ عمر طاهر يتصل بك

اسم الكاتب/ عمر طاهر

مدة الاستماع/٣٤ دقيقة

دار نشر / عمر طاهر نشر ذاتي

أول مرة اسمع أو اقرأ للاستاذ عمر طاهر و من حسن الحظ أن الكتاب بصوته الشخصي فأكيد هيكون أصدق من يعبر عنه.

كتاب خفيف و الصوت مناسب جدا و يدخلك المود لنصائح و أخطاء قد تقع فيها اما عن طريق التجربة أو فى تفكيرنا مثل الزرافة و أعجبت بابتسامة المهزوم و بفكرة الرأس الكبيرة رغم انى مش متاكدة من المعلومة و هل فعلا راسنا بتكبر كل كام سنة .

#اسمع_مع_أبجد

#اسمع_في_الفنجان

#فنجان_قهوة_وكتاب

العمل: عمر طاهر يتصل بك

المؤلف: عمر طاهر

أداء صوتى: عمر طاهر

المدة الزمنية: ٣٤ دقيقة

التقييم: ٣.٥/٥

فى تجربة خفيفة لذيذة فى صورة مكالمات من عمر طاهر ليُدلى برأيه المنطقى/غير منطقى فى الآن ذاته فى ثوابت فكرية نشأنا عليها لكن طبع عليها المرح وخفة الظل مع قصر المدة فكانت فاصل سريع لطيف بين أعمال ثقيلة✨️

الأداء الصوتى أضفى روح مميزة ولطيفة للعمل مع تكرار تيمة جرس الرن فى أول كل فصل وإغلاق المكالمة فى آخرها... الإهتمام بالتفاصيل جميل ونال إعجابى.

#اسمع_مع_أبجد

#اسمع_في_الفنجان

#فنجان_قهوة_وكتاب

مفيش أحلى من إنك تسمع كتاب لكاتبك المفضل...بصوته

اخترت تكون نهاية السنة مع صنايعي الونس

ونصف ساعة من الروقان الخالص

يمكن قعدة صحاب أو أخ كبير بينصح أخوه

فيه حاجات خلاص دخلت حيز التنفيذ

وصوت الجرس ف الخلفية خلى التجربة أكثر متعة

تجربة رائعة من Abjjad | أبجد

تعيش وتونسنا Omer Taher

#رفقاء٢٠٢٥

#قراءات_ديسمبر

#قراءات_حرة

#كتب_صوتية

١/٤٧

الفكرة حلوة جدا لانها بتدي احساس ونس مختلف بين قرب صوت عمر طاهر من القلب وقرب كتابته من الروح ، الكتابات بتخبط بحنيه في ذكرياتك وتنعش تفكيرك بحنين ظريف لتفاصيل هتتوه في زحمة سرعة الايام لو محدش شاور عليها ..وهنا عمر طاهر بيعمل كده

بساطة وحكمة وعمق في نفس الجملة... ماشاءالله حقيقي دي خلطة الكاتب الكبير عمر طاهر اللي مبسوطة اوي اني استمتعت بيها✨✨

خفيف وكالعادة تشعر وكأنك تجلس إلى عمر طاهر ويحكي معك كصديق

تجربة خفيفة على القلب، تحسسّك كده إنك قاعد مع صاحبك بيحكيلك حكاياته وانت مبتسم. عمر طاهر بأسلوبه السلس والساخر قدر يخليك تضحك شوية، وتسرح شوية، وتفكر في حاجات بسيطة بنعدي عليها كل يوم من غير ما ناخد بالنا. الرواية مش معتمدة على حبكة تقيلة قد ما هي معتمدة على الإحساس والذكريات واللمسات الإنسانية اللي بتوصل من غير مجهود. حلوة جدًا لأي حد عايز قراءة مريحة، دافية، وتحسسك إن حد فاهمك وبيكلمك بلغتك. كتاب تقفله وانت راضي ومبسوط 👌📖

طريقة لطيفة سهلة مش مملة صوتة مريح ومنهج عجبني لانه خفيف بس مش تافة خلص كمان بسرعة

الحلقة: عمر طاهر يتصل بك.

إنتاج: أبجد.

مدة الحلقة: 34 دقيقة.

التقييم: ⭐⭐⭐/⭐⭐⭐⭐⭐

في قراءة أولى أو سماع لأول مرة للكاتب عمر طاهر، يأخذنا الكاتب بصوته الهادىء مع إنتاج متميز ومؤثرات صوتية مبهرة، بين جنبات وعبر الحياة، عن أسلوب الحياة وكشف ما خفي من أمور اعتدنا التعامل معها بالظاهر، مع النصح بالتعامل هكذا دون قلق أو غيره.

الحلقة على الرغم من قصرها كانت معبرة فاصلة من ضجة الحياة، وبصوته الهادئ كانت ممتعة، وأنهيتها في جلسة واحدة، وأحببتها حقيقة.

#عمر_طاهر_يتصل_بك #عمر_طاهر #أبجد #book

#booklisten

هو أجمل ما فيه صوت عمر طاهر اللى رجعنا لأجمل فترات الإستماع إلى الراديو و إذاعة البرنامج العام و خصوصًا لو سمعته الصبح بدري و انت بتحضر الشاي بحليب و قاعد تشرب و تسمع لكن المحتوى عايز يتوسع لأنها كانت مجرد حديث عابر لن يبقى أثره كما عهدنا من كتابات عمر طاهر و نهاية كل حلقة بالرد الآلى " من فضلك ضع السماعة ..." تشعرك ان اتصاله بك كان وهم أتمنى استبدالها برد يوحي سوف يعود عمر طاهر مرة أخرى و يعاود الاتصال حاملا معه موضوعات تهمك من هنا و هناك و سيقضي معك وقت أطول و يستمع لك

الفكرة كتير حلوة. ..و المواضيع ممتازة

تحفة فكرة جميلة وونس شكراً عمر طاهر

عزيزي القارئ، احضر سماعتك ومشروبك المفضل لمدة نصف ساعة فأمامك مكالمة من طرف واحد؛ لن تضطر أن تجيب أو أن تقول ما لا تريد.

أما عني فقد كانت تجربة لذيذة، مختلفة؛ كنت أمارس نشاط ما معتاد وشغلت هاتفي على "عمر طاهر يتصل بك"، كانت كمكالمة مع صديق لك تتطرقان بها لعدة مواضيع بشكل عشوائي بصوت كاتبها "عمر طاهر" بنفسه، بعض المواضيع أحببتها والبعض كنت أنتظر مضيه حتى يأتي الموضوع الذي يليه والذي من الممكن أن يتوافق معي.

مما أحببت:

بطن الحوت

الانتظار

أعجبتني تلك المؤثرات لتضيف بعض الواقعية على المواضيع، لكن لم أحب الموسيقى في النهاية "ذوق شخصي" ، كان من الممكن إضافة شيء مثل "الرقم الذي طلبته غير متاح حاليًا"

وفي النهاية لا يمكنك الحكم على أسلوب الكاتب من هذا العمل.

#اسمع_مع_أبجد

#اسمع_في_الفنجان

#فنجان_قهوة_وكتاب