أصوات الليل: آخر الليل

اسم العمل:اصوات الليل

الكاتب:كريم قنديل

التصنيف:كتاب صوتى مدته 42 دقيقة /رعب نفسي

التقييم:⭐⭐⭐⭐⭐

«بعض الأصوات لا نلق لها بالا أن سمعناها أثناء يوم مزدحم ،لكنها قد تكتسب معنى آخر إن سمعناها وحدها.. فى الليل بلا أى ضوضاء »

مش مجرد رواية رعب عادية؛ دى تجربة نفسية كاملة تعتمد على الرعب النفسي أكثر من المشاهد الصادمة، مبنية على الخوف من التفاصيل الصغيرة( صوت غامض، اختفاء مالوش تفسير) مليانة توتر وغموض، بتحكي عن الأصوات الغامضة اللي بتظهر في الليل وتأثيرها على حياتنا،مش بس قصة رعب، ده كمان استكشاف للخوف اللي جوة النفس البشرية..

" مفيش إنسان معندوش حاجة بتخوفه لوحده "

( انا لحد دلوقتي مبعرفش انام من صوت عقارب الساعة والثلاجة اللى مش اوضتى اصلا 😅 مش هخبى عليكم بقوم افصلهم اوقات 😂)

لكن بطل القصة كان سمع الاصوات بالنسبة له مرتبط باختفاء الأطفال من المنطقة اللى عايش فيها واولهم كان إبراهيم صاحبه ..

ياترى ايه السبب ؟

ايه علاقة المهرج ؟!

هل ابراهيم الوحيد اللى اختفى ؟

ياترى الأصوات أوهام وكوابيس طفل ؟

ياترى هيحصل ايه بعد ٣٠سنة؟

الأداء الصوتي جميل جدا بيخلق حالة توتر واقعية، طريقة السرد تجعل المستمع يشعر بأنه داخل رأس البطل ،يسمع ويشعر ويفكر في نفس الأسئلة التى تدور فى عقله، تعتمد على الشك، الهواجس، مع كل فصل المستمع بيشك أكثر هل ما نسمعه حقيقي؟ أم مجرد انعكاس لخوف داخلي يكبر ببطء؟

الموسيقى فى الخلفية متناغمة ومتوزانة مع ايقاع الحكى الكاتب أبدع فى المساحة بين الحقيقة والخيال فكانت تجربة ممتعة بالنسبة ليا

المشاركة الصوتية الثالثة

العمل: أصوات الليل

دار النشر: ستوريا بود

المؤلف: كريم قنديل

المدة الزمنية: ٤٦ دقيقة على أبجد

التقييم: ⭐️⭐️⭐️⭐️⭐️

رواية عن الطفولة وعن الخوف اللا منطقى الذى يحمله كل شخصٍ منا، عن أصل وسبب الخوف الذى يحمله طفل من صوت طبلة الحاوى التى كان يسابق الأيام وينتظر ظهوره مع عرض الساحر وهذا التنين الذى ينفث النيران من فمه فيبدو له كائناً أسطورياً

بدأ الخوف من ظهور المهرج برفقة الحاوى والذى يفترض به إضحاك الأطفال لكنه كان مرعبا وهو يمثل الهجوم على أحدهم مرة تلو الأخرى لتبدأ عمليات خطف الأطفال بالتوالى من أسرتهم ببويتهم الموصدة

كل ليلة يسمع فيها بطلنا صوت طبلة الحاوى يستيقظ صباحا ليعلو العويل والنحيب لفقدان أحد الأطفال بلا أثر وإذا بالصوت يقترب فى كل مرة إلى أن يصل إلى شارعه تحديدا العمارة المجاورة له ليشهد من شباكه الصغير طفلا يهبط من بنايته طوعا ويذهب ليمسك بيد المهرج ويسيرا حتى نهاية الشارع ولكن قبل أن يحيدا عنه يلتفت المهرج للطفل ويبتسم

هل سيحل الدور على صاحبنا ليختفى من منزله؟

وما الذى أتى به مع زوجته وأطفاله بعد مرور أعوام ليسكن بنفس البيت؟

إذا سمع نفس الصوت مرة أخرى لابلة الحاوى ماذا سيفعل؟

تجربة صوتية ممتعة وشيقة مع المؤثرات الصوتية المرعبة تصل بك إلى أقصى مراحل الإستمتاع لتجد نفسك أنهيتها بجلسة واحدة✨️

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب

بعض الأصوات تعدي عليك عادي

لكن جرب تسمع نفس الصوت لوحدك في الليل من غير أي دوشة

ساعتها بس هتفهم يعني إيه الخوف يعيش معاك

القصة هنا مش رعب دم ولا وحوش ده رعب نفسي هادي بيكبر مع كل تفصيلة صغيرة صوت غريب باب بيتقفل طفل بيختفي وكل ده بيرجع للبطل بعد ٣٠ سنة كأنه عمره ما خرج من اللحظة الأولى

البطل فاكر إن الأصوات كانت كوابيس طفل

لحد ما يعرف إن أول واحد اختفى كان صاحبه إبراهيم وإن الموضوع كله مربوط بالمهرج والأصوات والاختفاءات اللي محدش فهمها لحد النهاردة

الأداء الصوتي رهيب بيحطّك جوه دماغ البطل فعليًا

بتسمع زيه تفكر زيه وتخاف زيه

الموسيقى الخلفية هادية مش بتخضّ لكنها بتخلق توتر ناعم كده يخليك مركز مستني حاجة تحصل ومش عارف هي إيه

الكاتب لعب على الخط الرفيع بين الحقيقة والخيال

لحد آخر لحظة مش هتعرف

اللي حصل ده واقعي؟

ولا خوف طفل لسه عايش جواه؟

العمل تجربة نفسية أكتر من إنه مجرد قصة رعب

بيروّح معاك ويفضل شغال جوه ودنك بعد ما تخلصه

ومهما كنت قوي هتسأل نفسك

هو أنا فعلًا لوحدي في الأوضة؟

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب

الكتاب الصوتى السادس لمسابقة حصاد العام

اسم العمل: أصوات الليل

الكاتب:كريم قنديل

التصنيف:كتاب صوتى مدته 46 دقيقة

دار النشر : ستوريا بود

الانتاج الصوتى : ستوريا بود

التقييم:⭐⭐⭐⭐⭐

طفل في منطقة شعبية يحب اللعب فى الشارع ، و يحب فقرة الحاوى الذي ياتى كل اسبوع و يوم عيد ميلاده تبدأ الأحداث فى التغير بظهور المهرج أو البلياتشو غريب الأطوار إلى محدش بيشوف إلى بيحصله لما الدنيا مطرت و بعدها يحصل حاجة غريبة و مخيفة بطلنا الصغير بدأ يسمع اصوات و يخاف ينام و كل ميسمع الاصوات طفل يختفى و محدش طبعا هيصدقه لو حكى مهو محدش بيسمع غيره .و تتوالى الأحداث و يتولى الرعب. الى حسيته مع صوت المؤدى إلى عيشنى الحالة بشكل محترف.

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب

هل صادفت يوماً ان يكون ذلك الشخص غريب الأطوار الذي يرتدي ألوان مبهرجة أن يكون كابوسك الذي يؤرقك... وجهه الملون سيصبح اسوء شئ تراه.. تري ما القصة وراء ذلك!! وما سر ذلك التحول الرهيب في شخصية وجدت لتسلية الأطفال إلي خطفهم!!! هل الموضوع مدبر ام انه محض الصدفة!!! وما سر صوت الطبول الذي اسمعه الآن قادم من بعيد كأنه ضيف ثقيل يعلن عن نفسه!!!! اذا كنت تريد معرفة أجوبة كل تلك الأسئلة عليك بالإنغماس في تلك المغامرة مع ذلك المهرج الغريب.. ولكن احذر من صوت الطبول... لعلك تكون انت المقصود.

🤡 اسم العمل : اصوات الليل : آخر الليل

🤡 تأليف: كريم قنديل

🤡المنتج: ستوريا بود

🤡 كلنا بيبقى عندنا خوف من حاجة معينة خوف ممكن يكمل معانا لآخر عمرنا ومن اكتر الحاجات اللى بتخوفنا هى لما تكون قاعد لوحدك بليل وتبدأ تسمع أصوات غريبة انت مش عارف مصدرها ايه .

🤡بتحكى القصة عن طفل بينزل يلعب كل يوم فى شارع وبيستنى فقرة الحاوى الى بتتعمل كل اسبوع بس فى يوم حصل حاجة مختلفة بعد فقرة الحاوى اللى متعودين عليها

فقرة تانية فيها مهرج المفروض أن الفقرة بتاعتوا تكون مضحكة لكن الطفل ده كان بيشوفوا شئ مرعب ومش مضحك ابدا واتاكيد أن المهرج ده مرعب بجد فى يوم عيد ميلادوا اللى صادف وقتها فقرة الحاوى واللى بيكون بعدها فقرة المهرج بس المرة ديه حصل حاجة خلت الطفل ده يخاف اكتر من الاول وهى نظرات المهرج ليه ولما مد أيدوا علشان يمسك الطفل ده الدنيا بدأت تمطر بس الغريب أن المياة لما نزلت على ايد المهرج مسحت لون ايد المهرج وبأن لون أيده الحقيقي واللى كان احمر .

🤡واللى زود الخوف ده اختفاء ابراهيم صاحب الطفل ده اللى هو متأكد أن ابراهيم اختفى بسبب المهرج ومش ابراهيم بس اللى اختفى لا ده اطفال كتيرة بدأت تختفى بس الحاجة الغربية اللى كانت بتحصل أن الأطفال ده بتختفى من بيوتهم مش بيكونوا يلعبوا مثلاً فى الشارع ويختفوا.

🤡أحداث كتير وكوابيس بدأت تهاجم الطفل ده خلى باباه يقرر يسيب بيت والدة ويروح لبيت تانى بس فى الليلة ده اللى المفروض تانى يوم هيمشوا فيه حصل حاجة مرعبة الطفل شاف اختوا بتمش وهى مفتحة عينها بس مش شايفه حاجة ولا حد ورايحة تفتح باب البيت وتخرج بس هو شافها وقدر أن هو يمنعها انها تطلع بره ولما البيت صحى على صوتهم وسمع صوت برة طلع ملقاش حد وده خلى والد الطفل يقرر يمشى وميرجعوش البيت ده تانى .

🤡وبعد مرور سنوات كتيرة كبر البطل وتجوز وهيعيش فى البيت العائلة اللى حصل فيه كل الاحداث ده بس فى اليوم اللى بنت البطل تمت فيه عشر سنوات رجع يسمع صوت طبلة الحاوى مرة تانية

🤡القصة كلها عبارة عن تجربه نفسية لطفل بقى يخاف ينام بسبب صوت الطلبة بتاعت الحاوى وخوفه من المهرج اللى كان بيشوفوا غريب وان هو السبب فى اختفاء ابراهيم والطفلة التانى بس خاف أن محدش يصدق اللى هيقولوا

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب

اسم العمل : اصوات الليل

اسم الكاتب : كريم قنديل

النوع : رعب

نبذة : قصة رعب غامضة بطلها طفل في العاشرة من عمره ومهرج مرعب

اقتباس اعجبني :

"الليل بالنسبة للناس كلها الملاذ الاخير ،

لحظة الخصوصية الوحيدة اللي ممكن تبقى فيها مع نفسك ومع افكارك"

اتفق جدا مع الكاتب واحببت قدرته على تصوير الليل ووصف الاحاسيس بهذا الصدق.

الايجابيات :

_ البناء الدرامي جميل وطريقة عرض الاحداث من وجهة نظر البطل وقناعاته (سواء اثناء طفولته او بعد مرور السنوات ونضج تفكيره) نقطة جيدة

_ احببت دور المهرج ووصفه بشكل مرعب هكذا لاني بصراحة لم افهم يوماً لمَ فقرة المهرج تعتبر مضحكة من الاساس ؟ بالعكس اراه مع تعابيره ومساحيق التجميل مناسب اكثر لأفلام الرعب 😅

_ الأداء الصوتي جيد

_ الاحداث ممتعة ، تدفع القارئ لأكمال الاستماع ومعرفة النهاية

السلبيات :

تجربة خفيفة لطيفة وتقريبا كل شيء في الرواية اعجبني ، النقطة السلبية الوحيدة ان الكاتب اعتمد بشكل كلي على استخدام اللهجة العامية

التقييم ⭐⭐⭐⭐

أصوات الليل ماذا لو كنت رجل بالغ يبلغ من العمر 30عام يتذكر ذكرياته فى الطفولة التى لم تكن أبدا عادية فى منزل جدته الحاوى الذى يعمل استعراض للاطفال والأطفال التى تلعب فى الشارع. المهرج الذى كان كل ما فيه قزم ولكنه طويل واطفال تختفى من بيوتها ذكريات مخيفة وحاوى لم ينجح فى خطف طفل ذلك الطفل الذى بلغ ليتحدث عنه الآن أصوات الليل قصة مرعبة ولكنها ذات تأثير عميق فعقل الأطفال يحتفظ بأشياء ويهول اشياء اخرى ولكن لا ننكر ابدا ان ما نعيشه فى الصغر هو ما يؤثر علينا عند الكبر حابة اشيد بصوت الراوى فهو دخلنى فى عمق الاحداث بروقان صوت ممتاز بدون تهويل حبيت الحكاية جدا ومبسوطة انها فى أبجد. #حصاد_العام. #مسابقات_حصاد_العام_مع_أبجد_وجروب_فنجان_قهوة_وكتاب

كلّ إنسان يحمل في داخله خوفاً ما..

خوف يولد معه منذ الطفولة، وقد يلازمه عمراً بأكمله.

أحيانًا يكون صمت الليل، أو ظلمة كثيفة، أو صوت عقارب الساعة وهي تلتهم اللحظات.

وأحياناً يكون مهرّجاً أو حاوياً يقدم عروضاً للأطفال…

قد ترعبك ضربة طبلة واحدة، أو ضحكة كان يفترض أن تكون بريئة، لكنها بدت لك يوماً مخيفة…

فتبقى تلك اللحظة محفورة في الذاكرة، وتتحول إلى كابوس يرافقك كلّما أغمضت عينيك.

كنت صغيراً تؤمن بأن هناك من يخطف الأطفال بعد سماع صوت طبلة المهرّج وكنت ترى ما لا يراه غيرك، ترى الحقيقة التي لم يصدقها أحد.

أردت أن تخبرهم ،لكنك كنت تعلم أنهم لن يصدقوك.

فبقي الخوف حبيس صدرك، يكبر معك…

حتى صار صوت الطبلة كافياً ليوقظ كل الرعب القديم.

هذا العمل… ليس مجرد حكاية.

إنه رحلة تعود بك إلى اللحظة التي ولد فيها خوفك

لتعرف أخيراً:

هل كان الخوف وهماً؟

أم كان حقيقةً لم يجرؤ أحد على سماعها؟

#حصاد_العام

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب

#أصوات_الليل

#كريم_قنديل

#مسابقة_حصاد_العام_مع_أبجد_وجروب_فنجان_قهوة_وكتاب

#أصوات_في_الليل

✴️ كتابة وتقديم : Kareem Kandiel

✴️ كتاب صوتي من إنتاج : Storia Pod - ستوريا بود

✴️ اسم السلسلة : آخر الليل

✴️ تقييم الحلقة : ⭐⭐⭐⭐⭐

استمتعت للحلقة المتاحة عبر تطبيق Abjjad | أبجد

💥 سلسلة #آخر_الليل ، هي سلسلة حلقات صوتية ، بالأساس قبل أن يتم توفيرها ورقيا ، عبارة عن رعب من نوع خاص ،رعب يضع أمامك الكثير من التساؤلات ، رعب يصحي بداخلك مخاوف قد لاتعلم أنها موجودة من الأساس ، رعب يتغلغل بالنفس .

📌 عناصر نجاح هذه التجربة الصوتية ، وإرتباط المستمعين بها ، تمثل في عدة عناصر أهمها ، طريقة الأداء الصوتي للمبدع #كريم_قنديل ، فطريقة الحكي التي يتميز بها تجعلك تشعر كأنك تجلس في جلسة مع صديق ، تشد إنتباهك من أول كلمة لآخر كلمة ، حتى تكمل ما بدأه .

#الموسيقى ،

اختيار التراك الموسيقى والخلفية الموسيقية المميزة للسلسلة ، تدخلك رغما عنك في جو من الغموض ، والتأهب للأحداث منذ الدقيقة الأولى .

💫 إنطلاقا من الخلفية الموسيقية نبدأ مراجعة الحلقة التي نحن بصددها ، أصوات من الليل ،

كم من المرات استيقظت ليلا فزعا لسبب مجهول لا تعلمه ، لا ترى شيئا مخيفا ، لا أشباح ، لا لصوص ، لا وجود لمذؤوبين أو ذو أرجل مسلوخة ، ولكن هناك صوت يأتي من المجهول ، صوت لا تعلم مصدره ، صوت يذكرك بخوف من نوع خاص ، صوت يرتبط بجرائم تحدث على أثره . او ربما لا يكون له صلة بها .

🔸 الحلقة مبنية على مخاوف الطفولة ، الشخصيات المرعبة في حين كونها ليست مرعبة بالأساس ، فمن الذي يخاف من المهرج ؟؟؟!!

✨نجاح الحلقة في تصاعد الأحداث ، والسرد المتقن الذي يظهر جميع جوانب الشخصية ، و الروابط بين الشخصيات الأخرى ، وكذا طريقة العرض الدرامي في تجسيد رسم المشاهد بعناية ، فتسمع كأنك ترى ، بل كأنك تعايش الأحداث بنفسك .

✴️ #آخر_الليل السلسلة متاحة على اليوتيوب وتستحق التجربة 👌

#مسابقات_فنجان_قهوة_وكتاب

#حصاد_العام

كتب الصوتيه 1

رواية أصوات الليل لـ كريم قنديل

تجربة صوتيه مميزة خصوصاً مع صوت القارئ و الموسيقي بتخليك متحفز لأحداث!

العمل ملئ بالمفأجآت فأنت أمام رعب نفسي يقع فيه البطل من الطفولة حتي بعد زواجه فخوفه من الأصوات تأتي في الظلام لتؤرق عليه حياته !

ارتبطت المواقف و المخاوف في حياة البطل فلم يعد يدرك هل ما يعيشه حقيقي أم خيال صوره عقله ؟ هل تقرع طبلة الحاوي في الليل و يختفي الأطفال بسببها ؟ هل يأخذهم المهرج و لكن لأين ؟؟؟

العمل يشكل الرعب و الغموض معاً فلم تعد تدرك ما الحقيقي و المزيف مثل البطل تماماً تائه في رعب و خوف لا ينقطع من أصوات تحدث بعد منتصف الليل !

أحببت الفكرة كيف قدر الكاتب أن يخلق جو مشحون بالترقب و الخوف من موقف واحد و يضعنا في تساؤلات كثيرة حول حقيقة الأمور و تذكر أشياء تخفنا لا نقدر علي البوح بها مثل البطل فهل سيصدقنا أحد حقا؟ لماذا نخاف بينما الجميع الأمر مضحك أو مسلي ؟

أنه الرعب الذي نكتمه في صدورنا فيكبر معاً ليبتلعنا تماماً بين أحضانه بشكل خانق و مخيف.

#حصاد_العام

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب

#أصوات_الليل

#كريم_قنديل

البداية مفيش انسان معندوش حاجه بتخوفه حتي لو كانت تافه🙈

الرواية بترجعنا لطفولتنا وازاي كنا بنخاف من اتفه الاشياء البطل بيخاف من صوت الليل

البطل كان لحظه الامان ليه صوت الفجر مبعرفش أن في اطفال كان لحظه صوت الفجر ارعب لحظه ليهم🥺🤭ونرجع لطفوله البطل وايه السر المرعب اللي كان فضل معاه عمره كله ازاي فرحه طفل بحاوي🤡

تتحول لخوف مرعب لانه ارتبط وجوده بجرائم قتل للأطفال صوت الطبله كأنها ترنيمه بتجذب الأطفال وبالنسبه للبطل وجودها يعني ضحيه جديدة لحد مابيوصل لأخته اللي كانت زي المغيبه كل اللي بتعمله أنها بتحاول تفتح الباب للوصول للحاوي البطل وهو طفل11سنه بيلقي نفسه بينقذ أخته من الخطف وبيتبلغ عن الحاوي أو أعضاء السيرك وبيتقبض عليهم لكن كلامهم أن مكنش عندهم فقره حاوي😳 وبعدها بيقرر والده يسيب المنطقه ويعزل لمكان أخر

وتمر السنين والبطل عند زواجه يرجع لنفس البيت لانه عايز يحتفظ بذكرياته وبعد30سنه الصوت بيعيد نفسه ولكن مع طفل جديد المره دي ابنه 😓وبيكرر نفسه اللي عمله والده بيقرر يسيب البيت خوفا علي أولاده من نفس المصير💔