اقتباسات د. محمد طه

«عدو المرأة الحُرة ليس الذَّكَر المُتعالي فقط، بل عدوّتها أيضًا المرأة الراضية بالعبودية»..

«أصعب حاجة في الدنيا إنك تتغير.. إنك تغيّر حاجة اتولَدت عليها.. واتربيت عليها.. وعِيشت بيها سنين طويلة من عُمرك.. التغيير معناه إنك هتبطل تسجن نفسك في عيون الناس.. وهتبطل تخاف من كلام الناس.. وهتبطّل تعمل اعتبار لأحكام الناس.

اللحظة اللي هاقبل فبها الموت الي جوايا ، هي نفس اللحظة اللي هاقبل فيها خطأي و فشلي و ضعفي و تقصيري و ماقفش عندهم ولا أخليهم يعطلوني...

العلاقات الطيبة هي إكسير الحياة.. وهي الترياق الوحيد ضد الذبول الروحي.. والموت النفسي..

لحظة ما تدوق طعم حلو.. وتغرق فيه.. وتنسى نفسك..

‫ لحظة ما تشم ريحة حلوة.. وتطير معاها.. فوق.. فوق..

ماتطّمنش له إنه يقرّب. من حقك تسمح لحد إنه يقرب أكتر، وتفتحله الباب. ويدخل البيت. ومن حقك تُحط سور فاصل وسِياج منيع يفصل بينك وبين حد تاني. ‫ حتى جوّه بيتك النفسي. فيه ناس بتقعدهم في الصّالة أو الأنتريه. وفيه ناس بتعزمهم على الأكل وتدخلهم أُوضة السُّفرة. وفيه ناس بتسمحلهم يتحركوا في البيت براحتهم، وكأنّهم أصحاب مكان. ‫ ليه بقى ده كله؟؟ ‫ علشان فيه ناس هوايتها الاقتحام. اقتحام الآخرين. يقرّب منك. ويقرّب أكتر. ويلاقيك فاتح حدودك. فيدخل. ويتجوّل. ويحسّ إنّ المكان مكانه، فيقعد. ويبدأ في استهلاك مشاعرك، فيخليك تحزن مكانه، وتتألم بداله، وتشيل همومه بالنيابة عنه. وبعدين يبدأ في

‫ الأمل في غير موضعه وَهْم..‏

‫ الأمل في غير توقيته حماقة..‏

‫ الأمل في غير جرعته.. قد يكون سامًّا.‏

تبدأ لحظة التغيير الحقيقية بإنك ترى الجانب الآخر من نفسك. الجانب المظلم. اللي ما كنتش بتسمح لنفسك قبل كده إنك تشوفه. وحتى لو شوفته. كنت بتلتمس لنفسك الأعذار والمبررات والحيل الدفاعية النفسية. هتكتشف وقتها إنك زي ما اتظلمت زمان، بتظلم

طول مشوار حياتنا، بناخد قرارات مصيرية.. بعضها غلط.. وبعضها صحيح.. ‏بعضها مفيد.. وبعضها مؤذي.. بس دي مش نهاية المطاف.. ولا آخر الدنيا.. دايمًا فيه فرصة ‏للمراجعة.. ودايمًا فيه طريقة لإعادة النظر.. حتى لو كان ليها تمن.‏

‫نصف حياة.

‫ اسأل نفسك السؤال ده: هو أنا بعمل علاقة مع اللي قدامي كله ولَّا مع جزء منه فقط؟ يعني باعمل علاقة مع الجزء الطيب فيه بس؟ باقبله. وبحبه. وباقي أجزاء نفسه وتفاصيل شخصيته مش قابلها؟ أو باعمل علاقةمع الجزء السيئ بس؟ ❝

❞ لما تكون شايف اللي بتحبها على إنها ملاك نازل من السما. وما فيهاش غلطة. وإنها أميرة الأميرات، وساحرة الساحرات، وأسطورة الأساطير. ومش شايف (أو مش عاوز تشوف) إنها بتغلط، وبتقصر، وإن جمالها نسبي، وإن كلامها مش كله عسل وسكر، وإنه ساعات بيبقى علقم ومر.. وحركاتها وتصرفاتها مش كلها سحر وإبهار.. وإنها ساعات تكون مُندفعة، وساعات جبانة، وساعات محتارة.. يبقى إنت كده عامل معاها علاقة جزئية.. مع الجزء ده منها بس.. وسايب الباقي.. أو ساعات.. مطنشه..

والعكس بالعكس. يعني لما تكون مش شايف من حد في دايرة علاقاتك، غير إنه أناني وطمّاع وقاسي ومهمل و. و… ومش عاوز تشوف ولا تقبل إنه ممكن يكون ضعيف ومتلخبط ومليان غُلب ووجع واحتياج. يبقى إنت برضه عامل معاه علاقة جزئية..

#الخروج_عن_النص_من_جديد

#محمد_طه

اللهم أرنا الأشياء كما هي»..

* مهم نعرف هنا إن القبول غير الموافقة. وإني (أقبل نفسي) غير إني (أوافق على اللي أنا فيه). ‏وإني أقبلك مش معناها إني موافق على اللي انت بتعمله. إحنا بنقبل الموجود كخطوة أولى في طريق ‏تغييره. لما إيدك تتجرح، أكيد مش هتقطعها

⁠‫إن أي تغيير حقيقي مش هيبدأ إلا من عند الستات..

⁠‫وأي علاج من الجذور نقطة بدايته هي الأمهات..

⁠‫والتحوُّل المجتمعي العميق والدائم مش بس هتقوده السيدات والبنات..

⁠‫لأ..

⁠‫دول هيصنّعوه صُنعًا..

⁠‫ومش هيصنّعوه بالحديد والنار..

⁠‫هيصنّعوه بالورود.. وبالأزهار..

كل واحد فينا بيتولد وجواه احتياجات نفسية بسيطة جدًّا..

‫ احتياج إنك تتقبل.. إنك تتحب.. إنك يُهتَم بيك.. إنك تُحترم.. إنك تتشاف.. إنك تتحس.. إنك تتقدّر.. إنك تقول لأ.. وغيرها..

وَتحْسبُ أنك جرمٌ صغيرٌ،

‫ وفيك انطوى العالمُ الأكبرُ.‏

ودي برضه رسالة الفصل ده..

⁠‫الفَقْد حق..

⁠‫الحزن حق..

⁠‫قبول الفَقْد.. نجاة..

⁠‫قبول الحزن.. حكمة..

⁠‫و..

⁠‫قبول الموت.. حياة..

أما اللي بيقرر إنه يقبل.. ويستحمل.. ويكمل..

⁠‫فده هو اللي قرر «يحيا»..مش بس «يعيش»..

⁠‫ودي أعلى درجة من درجات النمو النفسي.. واسمها - للمفاجأة- «الموقف الاكتئابي»..

فيه احتياج عام عند البشر جميعًا اسمه «الحاجة إلى الشوفان» (Need to be mirrored)، يعني إنك تحس من الآخرين اللي حواليك إنك متشاف. إنك موجود. إنك مُهم. إن وجودك ليه معنى وقيمة وتأثير عند الآخرين. كلنا مولودين بهذا الاحتياج.....

تصدقي كمان إن أغلى ما تملكينه في الدنيا هو نفسك.. هو انتي.. وإن مافيش أي حاجة تانية تعادلها أو تكافئها أو تُساويها..