نادي كتاب جين أوستن

الرواية ديه لا بأس بها، الترجمة كانت غريبة شوية في حاجات، لقيت ترجمة تانية طبعة التنوير حسيتها متماسكة عنها بس مش موجودة على أبجد، لكن اخترت أكمل قراءة على أبجد عشان أريح وأسهل من الكتب ال pdf.

الرواية في المجمل ظريفة، أظن لا تستحق التقييمات السيئة أوي اللي عليها على جودريدز، الشخصيات خفيفة والحوارات برضه كانت ظريفة (لولا الترجمة في أجزاء).

أظن سبب التعليقات السلبية اللي حوالين الرواية هي عنوانها الخادع، لان الكتاب ملوش علاقة حقيقية بجين أوستن خالص، وكان ممكن برأيي اختيار أي كاتب تاني غيرها وكان هيأدي الغرض عادي، رغم انه كان ممكن استخدام جين أوستن بطريقة أفضل من كده بكتير.

في الأول كنت متضايقة من حتة انه الكتاب بيدور حوالين الشخصيات أكتر من اللقاءات وإنه اللقاءات فعلا مش واخدة ربع الرواية حتى، لكن فعلا don’t judge a book by it’s cover.