الكتاب فيه تقريبًا كل حاجة بحبها في النوع ده من الروايات: جرعة علم خطيرة، خيال جامح بس مش منفصل عن المنطق، وأحداث بتتحرك طول الوقت بمنطق علمي يخليك مستمتع وإنت بتحاول تفكر مع البطل: طب هيحل دي إزاي؟ وهل الحل ده أصلًا ممكن؟ والأجمل إن العلم هو جزء أساسي من الحكاية ومن المتعة نفسها!
وبرغم كمية التفاصيل العلمية، الرواية فيها مغامرة وتشويق وإنسانية وذكاء، وكل ما كنت أفتكر إني فهمت إحنا رايحين فين، كانت بتفتح باب جديد.. والنهاية تحديدًا عجبتني جدًا، من النهايات اللي حسيتها worthy of the journey فعلًا!
وكمان لازم أحيّي الترجمة. شغل ممتاز في كتاب مش سهل أصلًا في ترجمته، خصوصًا مع المصطلحات والتفسيرات العلمية الكتير، ومع ذلك قدرت تحافظ على سلاسة الحكي ومتعة القراءة ❤️

