#مراجعة كتاب كبسولات لغوية
للكاتب محمود موسي
دار دون للنشر والتوزيع
عدد صفحات الكتاب 116
كتاب لطيف جداً قراءته خلال ساعتين رغم صغر الكتاب ولكن مفيد جداً واستفدت منه وعرفت أصل وتفسير ومعاني لحاجات كتير رغم إن الكتاب مش في خطة القراءة ولكن كانت صدفة رائعة وفرحت جداً بقراءتي للكتاب و يستحق القراءة
الكتاب مقسم الي عناوين كل عنوان يندرج تحته الجزء المخصص ليه
هياخدك الكاتب بين حكايات عطيات وفيتامين ص وكاابسه وألفاظ حارتنا و قرأت لك وسيدتي الفصيحة وهنحب أسماءنا و رسائل إلي امرأة تختلف و افهم كتابك وظهر الروشته وألشية ابن موسي و تعريفات من زمان فات و من بين دفاتر أشعاري و قرأت لك حكايات
كل ده عناوين تحتها روائع من تفسير لمواضع في القرآن و ومعاني أسماء و شرح في النحو مبسط وأخطاء لغوية و حكايات لأصل بعض الأمثال وووو
هتلاقي الكتاب بيجرى بيك وحقيقي كتاب ممتع ومهم
🦋من الكتاب 🦋
🖊(الفاظ حارتنا)
آه يا خلبوصة
في المعجم الوسيط: الخلابيس: اللئام من الناس
🖊(سيدتي الفصيحة)
_أنا دونكي لا أستطيع العيش
= أنت دونكي أزاي، ما تقولش عن نفسك كدا أنت جميل
اسمها دونك يعني من غيرك
وهكذا هتلاقي الكتاب بيتناول كل شئ ببساطة وخفة و افادة كبيرة للقارئ
