أكتر كدبة ممكن تصدَّقها هي الكِدبة اللي بين جُملتين صِدق..
أولها صدق وآخرها صدق..
تحميل الكتاب
واي من لوف - Why Men Love
نبذة عن الكتاب
شُفتها بعيني داخلة المكتبة وهيَّ بتتلفت شمال ويمين، ولمَّا اتأكدت إن مفيش غيرها، في ثانية كانت خاطفة الكتاب ومخبياه ورا ضهرها. أنا بصراحة في الأول – ورغم مظهرها الأنيق – توقَّعت أنها هتسرق الكتاب وتمشي، لكن فجأة لقيتها بتتحرك تاني وبمُنتهى التوتر ناحية الكاشير.. دفعتْ وجِريتْ على بره. أنا طبعًا الفضول كلني، ودخلت أسأله هيَّ ليه كانت متوترة بالشكل ده؟ – يا باشا ما انا خدت على كده.. أي واحدة بتشتري الكتاب ده بتبقى مكسوفة وخايفة حد يشوفها. – ليه إن شاء الله؟! كتاب كيف تزرع الهيروين؟! – يا ريت.. ده كتاب «Why Men Love Bitches» بتاع «شيري أرجوف». أنا طبعًا وقعت على روحي من الضحك وأنا بافتكر شكل محمود صاحبي ليلة زفافه وهو داخل الصيدلية يسأل على حبوب مُنشطة… للذاكرة.التصنيف
عن الطبعة
- نشر سنة 2018
- 260 صفحة
- ISBN 13 9789778240375
- الرواق للنشر والتوزيع
تحميل وقراءة الكتاب على تطبيق أبجد
تحميل الكتاب
190 مشاركة
اقتباسات من كتاب واي من لوف - Why Men Love
مشاركة من Hager Nasser
اقتباس جديد كل الاقتباساتمراجعات
كن أول من يراجع الكتاب
-
نسمة عبداللطيف
كتاب لطيف جدا يصنف ككتاب علاقات للأدب الساخر ضحكت كتير و أنا بقرأ فيه بسبب الأسلوب الساخر في كلام إيهاب خلال الكتاب والكتاب عبارة عن فصول جميعهم بينتهي بالرجوع للشيخ بهلول
الكتاب في رأيه بيناقش سؤال مهم فالكاتب حاول يجاوب عليه بشكل غير تقليدي
في البداية الاستاذ إيهاب محرر باب بريد الغرام اتبعت ليه رسالة فيه مشكلة والمفروض إنه لازم يحل المشكلة علشان الأستاذة رانيا رئيس تحرير المجلة مترفدهوش من شغله
والفصول كانت كالتالي
سندريلا (الغريزة)
شجرة الدر (التقدير)
سجن النساء بالقناطر
روميو وجوليت (الاستقلالية والهدف)
ميدان التحرير في 24يناير2012
زمن الأنوثة الجميل (البريق و الثقة بالنفس)
حارة اليهود بالجمالية
مجنون ليلي (التعود والاخلاص)
شهريار روض الفرج (الاخلاق والحكمة )
كريم و زينة (الرومانسية)
قصص كتير مزجهم بقصص خيالية علشان يوصلك في الاخر للنقطة الأصلية الا بيناقشها خلال الكتاب فكرة الكتاب عجبتني جدا و النهاية كانت مفاجئ ليه و استفدت جدا و للمصادفة من كام ساعة كنا بنتناقش أنا و الأستاذ كمال علي لغة الكاتب وحقيقي الكتاب ده مثال مهم لإن الكتاب كان كله بالعامية ومع ذلك أنا شايفه فكرته وطريقة تناوله ممتازة جدا و طريقة غير تقليدية وبدون ملل وكسبت معلومات من خلال قراءته
المؤلف
إيهاب معوض 1969
مهندس ديكور و كاتب صحفي ومقدم برامج حاصل علي بكالوريوس فنون
ودبلومة الارشاد الزوجي