العين بالعين والسن بالسن والبادي اظلم!
بجد بعشق اسلوب حسن الجندي
بيمزج الاحداث بطريقة حلوة اوى
كل ما تبئا متوقع حاجة يحصل حاجة تانية خاالص
الرواية سابت اثر في نفسي
بتتعمق في النفس البشرية بطريقة جميله
الظلم بيولد الحقد والكرة جوة الانسان
في كل واحد فينا ممكن يتكون جزار لو اتعرضنا لظلم كبير
اوحش احساس ممكن يحسة الانسان هو "الظلم"
الظلم ممكن يعمل من الانسان وحش قاتل زي ما حصل مع ادم
اثر فيا اوى مشهد تعذيب ادم واغتصاب بتول :(
من شدة تفاعلي مع الرواية بكيت من مشهد موت بتول
احساس انك شايف اعز انسان علي قلبك بيتعذب وبيموت قدامك وانت مش قادر تعمله حاجة وحش اووى بجد بيوجع
رغم احساسي بالقرف والاشمئزاز في بعض المواقف الا انى استمتعت بيها جداا
رغم انها بدأت بداية درامية مملة شوية لكن مع تسلسل الاحداث اتقلبت اكشن وغموض ورعب في نفس الوقت
تستاهل ال 5 نجوم بجدارة
دة كفاية الغلاف لوحدة حكاية اصلا :)
كل الرواية تتلخص في الغلاف
صورة معبرة فعلا واللي عملها عبقري
اول مرة اخلص رواية بالسرعة دى
حسن الجندي.. ابداع بلا حدود ^_^
