نهاية جميلة وغريبة للثلاثية والحقيقة اني مش بعتبرها نهاية، اعتقد هي بداية لجزء أكثر تعقيداً في الجزء المتمم للثلاثية" بوابات جهنم، سيد الأوهام، العهد الأخير"
بداية الجزء الأخير بينسف كل توقعاتك السابقة
سيد الأوهام نجح إنه يخدع بطلنا "طارق الوكيل" وخدعنا احنا كمان..
انتصار مزيف استدرج بيه البطل لحد أرضه في معركة غير متكافئة بأي شكل..
لكن كعادة طارق الوكيل بيكون في خطة بديلة، خطة عمادها حذر جده مراد السردار والعهد اللي حمل ذنبه عشان يحمي طارق حفيده وهو بيجهزه للحرب دي من زمان..
العهد اللي كتب لخطة طارق أنها تنجح لكن التمن كان انتهاء صداقة عظيمة ورجوع طارق بشكل غريب وغير مفهوم !
هل ده تمن العهد ؟
هل ده طارق!
الحقيقة رغم أن دي كانت نهاية الجزء إلا إنها نهاية ذكية جداً، ظاهرها ختام الحرب القوية بين طارق الوكيل وكيانات العالم الموازي، وباطنها بداية خط جديد لأحداث ممكن تكون مرعبة اكتر من فكرة وجود عالم موازي فيه مسوخ.. رعب أن الشخص اللي انت فاكر انك طول عمرك تعرفه كويس تشوفه مختلف، متغير، غلاف خارجي شايل ملامحه صحيح لكن اللي جوة الغلاف ده ايه!
هنعرف اكيد في أعداد جاية ..
ختام جميل وسلسلة مكتوبة باحتراف ومجهود وثقافة واضحة من الكاتب
بالتوفيق يا رب وتقبل مروري البسيط 🌹
#نور
#سيد-الأوهام
#ريفيوهات-الحرب🙂
