التصنيف: نفسية إجتماعية (وشوية رومانسي)
لغة الرواية: السرد والحوار فصحى
نبذة: الرواية تتحدث عن أنس الذي ينتقل للعيش في مكان آخر منذ كان طفلاً مع أسرته، هو نشأ في ظروف مختلفة قليلاً وأسرة تأبى إلا أن تهبه ختماً تعيساً سيءًا يلاحقه طوال حياته، فهل سينجو؟
رأيي الشخصي:
الرواية كفكرة وأسلوب حلوة اوي اوي ماشاء الله♥️♥️
اسلوب الكاتبة حلو اوي ماشاء الله راقى هادي سلس كان مخليني مستمتعة طول الكتاب وكتير كان بيجبرني اتأمل في سطوره
رواية نفسية اجتماعية جدااا، حلوة اللهم بارك، بتناقش آثار التربية والظروف اللي بننشأ فيها على الأبناء، بتتكلم عن الختم اللي أهالينا بيختمونا بيه وبنورثه منهم شئنا أم أبينا، بس لو الختم ده مرفوض بالنسبالنا ومش قابلين نبقا شبههم، هل فيه طريقة نعرف نواجهه بيها؟ هل ممكن نتخلص منه أصلاً ولا هنفضل مختومين بيه طول عمرنا!؟
بتتكلم برضه عن الصداقة مع صاحبه رامي، رومانسية برضه وفي الجزئية دي الرومانسية في حتة تانية ماشاءالله🥰🥰🥰
هي مش بتتكلم عن محاولات لفت انتباه البنت، ولا مواقف اوفر تقربهم من بعض، لا هي بتتكلم عن ازاي تتعامل مع مشاعر الطرف اللي انت قررت تشاركه حياتك، شكل البيوت بالخناقات والاتفاقات وازاي ممكن يعدوا ده، ازاي الحب ممكن يخلينا أقوى وممكن يخلينا أضعف!
وبرضه بداية كل فصل له عنوان مميز، وجملة كده تتاخد اقتباس ماشاءالله♥️♥️
