‎⁨ماذا تخبئ شجرة البرتقال⁩

📌 مادلين تحب الحياة ولكن هل الحياة أحبتها؟ هل الحياة أعطتها الفرصة اللازمة؟‏

وحيدة مالكيش أصحاب

بتحبِ القعدة مع نفسك

والبعد عن الناس

ده حال أغلبنا يا مادلين يا أختى خاصة بعد الأربعينيات 😄

عن نفسى مش شايفاكِ غريبة بالتأكيد بس يمكن علشان عمرك صغير حبتين مفهوش حيوية الشباب ولهفة البدايات فالكل مستغربين

ليه منطوية ومابتشاركيش

واخدة موقف من الحياة ليه

علشان شكلك مختلف حبتين

ده تمييز ربنا رزقك به ما تبقيش شبه التانيين

مش معنى أنك مصابة بالمهق " ألبينو" تحسى أن الأمر غريب

وتنعزلى عن المحيطين 🤷‍♀️

مش لاقية حد شبهى فى التفكير

فالأفضل أبقى مع نفسى هى أحسن ونيس ( مش هعارضك بصراحة فى الحتة ديه 😁)

لكن تعملي ايه لو لقتيه 🤔

صحيح مش من نفس الجيل

لكن شخصيتها تشبهك كتير

بينكم تقارب رهيب .. وكل اللى برضه نفسها فيه

تلاقى صديق/ة تشاركه يومها الطويل الخالى من المتعة بسبب مرضها اللعين 🥺

هتعرفى يا مادلين تبقى صديقة للشخصية ديه 🤔

وبين "مادلين جوردان" و "مادلين بارك" سنوات لكن جمعتهم صداقة تحت شجرة 🌳 البرتقال 🍊

ايه سرها وازاى اتقابلوا والأهم ازاى اتفقوا وغيروا حياة بعض 🤷‍♀️

رواية بأسلوب كلاسيكي وبُعد خيالي ميكس حبيته وبشوفه بس فى الأعمال المترجمة لكن أقراه فى عمل مصري ومكتوب بإتقان بالشكل ده وكأن الكاتبة طالعة من ريف أوروبى كانت جديدة عليا 😊… حبيت أجواء الرواية وقصتها وطريقة كتابتها 💙💙

#مكتبة_دنيا

#قراءات_٢٠٢٥

آية