اقتباسات د. مصطفى النحاس

لو ما عندكش حاجة تقولها للمتألم تخفف عنه كفاية تدي له مساحته، مش لازم ترمي عليه حِمل النصائح والتوجيهات.

ألم التعافي أرحم بكتير من ألم الانتظار. من حقك تقلب الصفحة وتداوي وجعك.

ما تخليش موقف عدّى في حياتك يحوّلك لشخص غاضب وناقم طول الوقت، اِدي نفسك فرصة للتخطّي والتخلُّص من الغضب المتراكم جوّاك.

أهم من لومي لنفسي هو اعترافي بالغلط، ضميري الصاحي هو حماية ليَّا من إهانة نفسي بالأخطاء، مش جلاد عايش معايا يحاكمني ويصعَّب عليَّا دنيتي! أنا بعترف بأخطائي عشان أتولى المسؤولية مش عشان أجلد نفسي عليها كل يوم!

‫ مهما كانت أخطائك خليك رحيم بنفسك عشان تقدر تغيرها، وافتكر إن أي خطأ بتبالغ في لوم نفسك عليه بيزيد ويتفاقم، ومش بيقل غير لما تتعلم تقبل وتواجه نفسك برحمة وود.

الضرر الأكبر اللي ممكن يقع علينا هو الفجوة اللي بتكبر جوانا كل يوم، كلنا جوانا حتة ناقصة بنكملها يوميًا باحتياجات نفسية، من أكل وشرب وعلاقات وحب وتقدير وهكذا، الكذب بيزوِّد الفجوة دي ويخلي احتياجاتنا تتضاعف، بيخليني جعان أكتر للحب ومتشوق طول الوقت للتقدير، ونفسي الناس تشوفني وتسقف لي على كل حاجة، والنهم بيزيد وعمري ما بشبع وادخل في دواير كذب أكتر لحد ما أصدق نفسي وأعيش مع القناع الوهمي اللي رسمته لنفسي، وأصعب لحظة بتعدي عليَّا هي لحظة الحقيقة، لما بكون لوحدي مع أفكاري وصوت ضميري، بحس قد إيه القناع دا كان تمنه غالي وسرق مني ومن طاقتي كتير لدرجة

مهما كانت أخطائك خليك رحيم بنفسك عشان تقدر تغيرها، وافتكر إن أي خطأ بتبالغ في لوم نفسك عليه بيزيد ويتفاقم، ومش بيقل غير لما تتعلم تقبل وتواجه نفسك برحمة وود.

كل اختيار في حياتك له تمن، ما تختارش حاجة تمنها راحة بالك.

ساعدوا بعض إن الحياة تبقى أسهل وأوضح، بلاش نصعبها على نفسنا ونخلي الغلط هو أسهل وأقرب الحلول.

ما حدش ممكن يركب على ضهرك غير لو انحنيت وسمحت له بده. 👏

‫ مشاعر الحقد والغل والحسد هي جزء من مشاعرنا الطبيعية، ومنتهى القوة إنك تعترف لنفسك بيها، إنت مش بتحقد عشان إنت شخص سيء، إنت بتحقد عشان بتقارن، مش عيب إنك تغير، العيب الحقيقي إنك تتحرك ورا المشاعر دي

الناس بتشوف فينا اللي احنا شايفينه في نفسنا، وبتقبلنا على قدر تقبلنا لنفسنا، الناس مش بتحبك عشان إنت الأفضل، الناس بتحبك عشان إنت الأقرب لنفسك وليهم، عشان إنت الأصدق، الدنيا فيها نسخ كتير، بس الأشخاص المتفردة الأصلية قليلة، صحيح

ساعات المواقف المؤلمة بتورينا الثقوب والشروخ في علاقتنا اللي بنفضل سنين نداري فيها ونفضل نعافر عشان تمشي.

افتكر إن حياتك ملكك وانت بطل القصة، ما تستغناش عن دور البطولة وتعيش عمرك كله في شكوى ولوم مستمر.

بنسخر

أكبر عائق لتخطي شخص إنك تفضل عايش بتلف في دوايره، بتدوَّر وراه في كل لحظة بيكلم مين وبيعمل إيه، تتابع نشاطه اليومي وأخباره، وتبدأ تتخيل وتعيش مع دماغك وتلاقي نفسك موجوع أكتر ومتعلق أكتر، وبعد ما يعدي وقت تكتشف إنك لسه واقف في مكانك! التخطي محتاج قرار شجاع وخطوات ثابتة تنهي بيها الصراع، تمنع كل أشكال التواصل لفترة تداوي جرك فيها وتلملم شتات نفسك.

في كل لحظه في حياتك عندك حرية الاختيار، وحتى لو من وجهة نظرك كان اختيار واحد فعندك الحق تعمله أو ترفضه، حتى في أبسط الأمور، وكل اختيار له تمن ومسؤولية، محتاج تفتكر إنك هتحاسب على فواتيرك ولو بعد سنين.

اللي خايف تخسره لو أكدت حقك معاه هو شخص بيمثل حمل وضغط عليك، مش أكيد هتخسره لو أكدت حقك معاه، بس أكيد لو فضل يضغطك هتخسره وتخسر نفسك.

محتاجين توكيد حقوق في العلاقات المستمرة عشان نجدد علاقتنا ببعض، وعشان نحافظ على التواصل.

توكيد الحقوق هو من أهم عوامل رسم الحدود، وتوكيد الحقوق مش معناه أخذ الحق، ولكن مجرد الإعلان عنه بوضوح، لما بتعرَّف اللي قدامك من بداية علاقتك بيه إنت بتحب إيه وبتكره إيه، إيه المقبول وإيه المرفوض بالنسبة لك، علاقتكم شكلها إيه ومنتظر منه إيه، بتسهل عليه علاقته بيك وبتحمي نفسك من إحباطات وخلافات كتير.

البديل الصحي للأحكام هو الاستنتاج، أتعامل مع الشخص زي ما هو، أسيب له مساحة يكون نفسه، وأسيب لنفسي مساحة تحميني من الأذى ومن الإحباط، واتحرك ناحيته على قد خطواته ناحيتي..