اقتباسات د. مصطفى النحاس

ومن أهم الدروس اللي اتعلِّمتها على مدار السنين هو مدى تشابه معاناتنا النفسية، مهما اختلفت ظروفنا وأعمارنا وتجربتنا في الحياة بتظل بينَّا أمور مُشتركة بتأثر فينا. ومع اختلاف تعاملنا مع التحديات النفسية إمَّا بتكون مصدر إلهام ونقطة تحوُّل في حياتنا، وإما بنختار نستسلم لها ونعيش نلف في دواير مغلقة.

أي مشاعر حزن مستمرة تتخطى الشهور فهي مرضية محتاجة العلاج.

⁠‫حبيبك اللي فقدته ما انتهاش من جواك، حافظ على وجوده جواك بالتقبل والتخطي.

ببساطة كلنا بنقابل نواقص في حياتنا اليومية، والحياة مش دايمًا بتعاملنا زي ما بنحب ولا بتدينا كل ما نتمنى في الوقت اللي بنتمناه، ولا دايمًا النتائج بتيجي زي المعطيات والخطط بالملي، وإلا كنا هنعيش حياة بائسة من غير روح، وسَعينا كان هيبقى محدود جدًّا، الحقيقة إن الحياة بتمشي بشروطها هي مش بشروطنا إحنا، ومن أهم مهارات الحياة إننا نتعلم نقبل ويكون عندنا المرونة الكافية لفهم البدائل والاختيار منها.



⁠‫خليك فاكر إن كل أشكال السيطرة مؤذية، سواء السيطرة بالعنف والتخويف أو بإحساس الذنب، وأسوأ الأشكال هي محاولة فرض السيطرة بالحب

الشريك الحقيقي هو اللي بتقدر تشاركه تحقيق ذاتك، مش بتبذل مجهود مستمر عشان تثبت نفسك قدامه أملًا إنه يشوفك كافي ويقدّرك.

⁠‫اوعى تدي لنفسك مبررات تعيِّشك مسجون أو تعيش سنين من غير روح.. اكسر القيود وما تستناش المركب تغرق عشان تهرب منها عشان جايز ما تلحقاش.

⁠‫أرجوك لما تلاقي طرف بيسامح كتير وبيوافق كتير وبيعدي عشان المركب تمشي بلاش تستحلى دا وتزود في الوجع عشان هيجي يوم رصيدك هينفد ومش هتلاقي أي طريقة تجدده بيها، وتفقد مصدر كبير للأمان والدفء مش هيرجع تاني، ويمكن تفقده وانت في أشد لحظات احتياجك ليه أو في وقت ضعفك.

وتتعرف

واجب عليا أساعد اللي في دايرتي واللي أنا مسؤول عنهم، بس مش دوري أغير تفكيرهم أو نظرتهم عن الدنيا أو أخليهم نسخة أفضل من نفسهم

وأي جاني تمادى في الأذى فيه ضحية سمحت له يتمادى ويؤذي أكتر

الحدود الواضحة هي الحماية الوحيدة لكل أشكال العلاقات، وهي الوسيلة الوحيدة للتخفيف من عبء الضغط المجتمعي من كل المحيطين.

الناس مش بتحبك عشان إنت الأفضل، الناس بتحبك عشان إنت الأقرب لنفسك وليهم، عشان إنت الأصدق

الناس بتشوف فينا اللي احنا شايفينه في نفسنا، وبتقبلنا على قدر تقبلنا لنفسنا، الناس مش بتحبك عشان إنت الأفضل، الناس بتحبك عشان إنت الأقرب لنفسك وليهم، عشان إنت الأصدق، الدنيا فيها نسخ كتير، بس الأشخاص المتفردة الأصلية قليلة، صحيح الناس بتقرب للي بيلمع، بس المشاعر الحقيقية بتكون للأصدق والأحب.

كل البشر بتغلط على اختلاف معتقداتنا، الفرق الوحيد اللي بيميزنا عن بعض هو الوعي، درجة وعيك بالخطأ وتبعاته وعندك قرار للخروج منه ولا لأ..

واوعى تقنع نفسك إنك لو بدأت طريق التنازلات هتعرف تفرمل أو ترجع وقت ما تحب، اللي حركك من جواك وخلاك تعمل حاجة إنت مش عايزها ومش راضي عنها سهل جدًّا يكمل معاك وينزل بيك أكتر وأكتر، وتفوق تلاقي نفسك في مكان عمرك ما تخيَّلت تكون فيه.

واوعى تقنع نفسك إنك لو بدأت طريق التنازلات هتعرف تفرمل أو ترجع وقت ما تحب، اللي حركك من جواك وخلاك تعمل حاجة إنت مش عايزها ومش راضي عنها سهل جدًّا يكمل معاك وينزل بيك أكتر وأكتر، وتفوق تلاقي نفسك في مكان عمرك ما تخيَّلت تكون فيه.

تقديرك للشيء هو اللي بيخليك تعرف تستمتع بيه مرات ومرات، وهو اللي بيخليك تحافظ عليه وتسعى لزيادته وتشتغل عليه أكتر.

وفكرة العطاء والإيثار اللي بنتربى عليها بتشتتنا لأنهم فهمونا غلط إنه فرض علينا ندِّي عشان نتبسط، وإني لما أستمتع لوحدي أبقى أناني، ولو أكلت لوحدي أزور.

‫ لحد ما كبرنا واحنا فاهمين الأنانية غلط، فاهمين إن أي حب للذات أو عطاء لينا هو صورة مشوهة للحب، وإنه حب مرضي، وبقيت مستكتر على نفسي إني أفرح أو أتبسط أو حتى أختار حاجة تسعدها

وفكرة العطاء والإيثار اللي بنتربى عليها بتشتتنا لأنهم فهمونا غلط إنه فرض علينا ندِّي عشان نتبسط، وإني لما أستمتع لوحدي أبقى أناني، ولو أكلت لوحدي أزور.

‫ لحد ما كبرنا واحنا فاهمين الأنانية غلط، فاهمين إن أي حب للذات أو عطاء لينا هو صورة مشوهة للحب، وإنه حب مرضي، وبقيت مستكتر على نفسي إني أفرح أو أتبسط أو حتى أختار حاجة تسعدها

التغيير والتعديل أمور صحية، بس ما ينفعش يكون تمنها أذى، والعلاقة الصحية بتتبني على تلبية الاحتياجات مش تكملة النواقص.