الضرر الأكبر اللي ممكن يقع علينا هو الفجوة اللي بتكبر جوانا كل يوم، كلنا جوانا حتة ناقصة بنكملها يوميًا باحتياجات نفسية، من أكل وشرب وعلاقات وحب وتقدير وهكذا، الكذب بيزوِّد الفجوة دي ويخلي احتياجاتنا تتضاعف، بيخليني جعان أكتر للحب ومتشوق طول الوقت للتقدير، ونفسي الناس تشوفني وتسقف لي على كل حاجة، والنهم بيزيد وعمري ما بشبع وادخل في دواير كذب أكتر لحد ما أصدق نفسي وأعيش مع القناع الوهمي اللي رسمته لنفسي، وأصعب لحظة بتعدي عليَّا هي لحظة الحقيقة، لما بكون لوحدي مع أفكاري وصوت ضميري، بحس قد إيه القناع دا كان تمنه غالي وسرق مني ومن طاقتي كتير لدرجة