اقتباسات من كتاب خانة اليك - حكايات من العيادة النفسية

أهم من لومي لنفسي هو اعترافي بالغلط، ضميري الصاحي هو حماية ليَّا من إهانة نفسي بالأخطاء، مش جلاد عايش معايا يحاكمني ويصعَّب عليَّا دنيتي! أنا بعترف بأخطائي عشان أتولى المسؤولية مش عشان أجلد نفسي عليها كل يوم!

‫ مهما كانت أخطائك خليك رحيم بنفسك عشان تقدر تغيرها، وافتكر إن أي خطأ بتبالغ في لوم نفسك عليه بيزيد ويتفاقم، ومش بيقل غير لما تتعلم تقبل وتواجه نفسك برحمة وود.

أهم من لومي لنفسي هو اعترافي بالغلط، ضميري الصاحي هو حماية ليَّا من إهانة نفسي بالأخطاء، مش جلاد عايش معايا يحاكمني ويصعَّب عليَّا دنيتي! أنا بعترف بأخطائي عشان أتولى المسؤولية مش عشان أجلد نفسي عليها كل يوم!

‫ مهما كانت أخطائك خليك رحيم بنفسك عشان تقدر تغيرها، وافتكر إن أي خطأ بتبالغ في لوم نفسك عليه بيزيد ويتفاقم، ومش بيقل غير لما تتعلم تقبل وتواجه نفسك برحمة وود.

الشريك المناسب هو اللي بحس معاه إني شبعان، ممتلئ ومكتفي، قادر أشوف نفسي في ضعفي معاه، قادر أبان قدامه بكل تفاصيلي من غير خجل ولا إحساس بالذنب أو الخزي والعار.. الشريك المناسب هو اللي تحس معاه بالأمان وإنك متطمن لغيابه زي حضوره، واللي مش بيخليك تسأل نفسك كتير هو أنا في المكان الصح ولَّا أنا محتاج أهرب وأخرج من العلاقة دي فورًا.. والشريك المناسب مش بنقابله كل يوم، بس وجوده بيفرق وبيسيب علامة جواك بتخليك تحس إنه الأنسب لمجرد إن بالك مرتاح ومتطمن.

الضرر الأكبر اللي ممكن يقع علينا هو الفجوة اللي بتكبر جوانا كل يوم، كلنا جوانا حتة ناقصة بنكملها يوميًا باحتياجات نفسية، من أكل وشرب وعلاقات وحب وتقدير وهكذا، الكذب بيزوِّد الفجوة دي ويخلي احتياجاتنا تتضاعف، بيخليني جعان أكتر للحب ومتشوق طول الوقت للتقدير، ونفسي الناس تشوفني وتسقف لي على كل حاجة، والنهم بيزيد وعمري ما بشبع وادخل في دواير كذب أكتر لحد ما أصدق نفسي وأعيش مع القناع الوهمي اللي رسمته لنفسي، وأصعب لحظة بتعدي عليَّا هي لحظة الحقيقة، لما بكون لوحدي مع أفكاري وصوت ضميري، بحس قد إيه القناع دا كان تمنه غالي وسرق مني ومن طاقتي كتير لدرجة

الحقيقة إن وجودك وقيمتك مالهومش علاقة بحجم العطاء اللي بتقدمه، إنت موجود وقيم قبل عطائك وقبل ما تعمل أو تقدم أي حاجة، والأنانية مش هي حب الذات، الأنانية هي الحب المشوَّه للذات

محتاج تفتح عينيك وتبص برة الشاشة، تسمع وتحس بالطبيعة وتبص للسما، تشغل حواسك عشان تتعلم تستمتع وتعيش في تناغم مع الطبيعة، تاخد فرصة تتواصل مع اللي حواليك تحكوا القصص البسيطة وتتشاركوا الأحداث المهمة.

ما تاخدش معاك الشغل وتروَّح بيه، إنت بتشتغل عشان تعيش مش عايش عشان تشتغل.

اوعى تعيش في حرب وهمية ويكون التمن فيها خسارة نفسك، أي حد بتضحي عشانه النهاردة بكرامتك وبنفسك وبروحك بكرة مش هيكون موجود، هيبعد ويختار نفسه.

الحدود الواضحة هي الحماية الوحيدة لكل أشكال العلاقات، وهي الوسيلة الوحيدة للتخفيف من عبء الضغط المجتمعي من كل المحيطين.

مهما كانت أخطائك خليك رحيم بنفسك عشان تقدر تغيرها، وافتكر إن أي خطأ بتبالغ في لوم نفسك عليه بيزيد ويتفاقم، ومش بيقل غير لما تتعلم تقبل وتواجه نفسك برحمة وود.

إنت مش محتاج تتلون، إنت محتاج تقبل ألوانك الطبيعية الأول، وتعرفها وتقدر قيمتها، وعدل فيها اللي إنت عايزه لو شايفها محتاجة تطوير، بس خليك فاكر إنه تطوير وتغيير له تمن ومجهود هتبذله، مش مجرد قناع أو صورة وهمية هتعيش فيها.

كل حاجة صعبة عشتها ومريت بيها كوِّنت جزء منك، وكل جزء من نفسك وروحك ليهم قيمة ومعنى لو إنت قررت تشوفهم وتقدر قيمتهم.

وقت الغضب نفسه مش محتاج أكتر من تلاتين ثانية تفصل فيهم دماغك وتفكر في ٣ أسئلة، أنا حاسس بإيه دلوقتي؟ عشان تعرف مشاعرك، وحاسس بكدا ليه؟ عشان تفهم المحرك ورا غضبك دا اللي غالبًا هتلاقيه فكرة بسيطة من إحساسك بعدم التقدير أو إنك عايز حاجة اللي قدامك مش فاهمها أو إنك حاسس بالظلم، والسؤال التالت أعمل إيه عشان أحس أحسن؟ ودا القرار الأهم اللي محتاج تاخده عشان تخرج من زعلك

لو بتحلم بالنجاح اشغل نفسك بطريق النجاح وخطواته وبلاش تركز كتير على جوانب الطريق، ولو حاسس إن فيه ناس كتير بتدخل دايرتك تؤذيك يبقى عليك تراجع حدودك وتحميها وتعتزل ما يؤذيك.

اوعى تدي لنفسك مبررات تعيِّشك مسجون أو تعيش سنين من غير روح.. اكسر القيود وما تستناش المركب تغرق عشان تهرب منها عشان جايز ما تلحقاش.

إن الحاجة اللي مصدق فيها عن نفسي اللي قدامي بيشوفها زي ما أنا شايفها، واهتزاز الثقة في نفسي بيتشاف وبيتقرأ وبيكون أول مدخل للضغط عليَّا من اللي حواليا.

ساعدوا بعض إن الحياة تبقى أسهل وأوضح، بلاش نصعبها على نفسنا ونخلي الغلط هو أسهل وأقرب الحلول.

ما حدش ممكن يركب على ضهرك غير لو انحنيت وسمحت له بده. 👏

مفيش ضحية مُغيَّبة بس فيه ضحية بتختار تغمِّي عينيها وتتغافل عن الأذى، وفيه ضحية بتتعلق بالأذى وبتستعذب دور الضحية وتستمر فيه لسنوات

‫ مشاعر الحقد والغل والحسد هي جزء من مشاعرنا الطبيعية، ومنتهى القوة إنك تعترف لنفسك بيها، إنت مش بتحقد عشان إنت شخص سيء، إنت بتحقد عشان بتقارن، مش عيب إنك تغير، العيب الحقيقي إنك تتحرك ورا المشاعر دي