قتل خطأ

كتاب جميل جداً يعلم

على عكس توقعاتي..توقعت في الاول انها رواية متوسطة وسطحية لكن استمتعت بها جداً وكانت شيقة ومكتوبة باسلوب ناضج وثري بالتفاصيل. لكن في رأيي كان ممكن تبقى افضل واعمق لو كان الكاتب مثلاً اتكلم عن ابن رأفت شوية أو ذكر بعض التفاصيل الاضافية اللي تدي عمق للشخصيات. وبصراحة حسيت النهاية اتكروتت جداً في جزئية الفيديو. غير كده رواية ممتعة وانصح بقراءتها.

عقيد شرطة متقاعد

اتعقد يا عينى من قضاياه

وقرر بقى شوية فصلان

اعزل نفسى فى حتة جديدة

واستمتعت بعزلتى مع قهوتى ☕️ 🚬 فى شرفتى

اغير تليفونى بنمرة محدش يعرفها

واقفل الباب على علاقاتى القديمة..

بس اللى بيهرب من شىء غالبا هيطلعله من جديد

معروفة 🤷‍♀️

والحكاية بدأت من رقمه الجديد

اللى كانت سبب فى قـ***تل شخص برىء 🥺

ذنبه الوحيد أنه ساعد العقيد 🥺

ولو تعرفوا سبب ده كله ايه

هتزعلوا جامد عليه

لما تكتشفوا أن الجريمة سببها شىء fake

هتعرفوا قد ايه احنا بقينا تافهين والتفاهة ممكن توصل لإيه .. مش هحكى كتير علشان تبقوا متشوقين 😉

رواية جريمة، أحداثها سريعة تنفع تفصل بها بين أعمال تقيلة 👌

حبيت فكرتها على الرغم أنى ماقتتعتش بجزء صغير قوى فيها بس عادى هعديها 😁 علشان التفصيلة ملهاش علاقة بالجريمة ليها علاقة بشخصية فى العمل.. كان نفسى احكيلكم عن الفكرة بس كده هحرق أحداثها

بس هقول جملة واحدة " ما تصدقش كل اللى على السوشيال ميديا وتعلق عليه بشىء

ماتعرفش الكومنت ممكن يسبب ايه 🥺"

#مكتبة_دنيا

#قراءات_٢٠٢٥

القاتل