حاوي

رواية جميلة جدا جدا بس النهاية كانت محتاجة تتضح شوية عن كدة في اعتقادي انها محتاجة جزء تاني .. بس عموما جااامدة ⁦♥️⁩⁦♥️⁩

📖 ريفيو رواية حاوي – عبد الرحمن حجاج

✨ تجربتي مع الرواية

حاوي للكاتب عبد الرحمن حجاج واحدة من أجمل التجارب البوليسية النفسية اللي ممكن يعيشها القارئ. من أول صفحة قدرت تشدني، وأثبت الكاتب إنه يملك حبكة متقنة وشخصيات مركّبة ومعقدة نفسيًا. أكثر ما لفتني هو قدرتها على جعلي أتعاطف قليلا مع القاتل رغم كل التوقعات المسبقة.

الرواية طرحت سؤالًا مؤرقًا:

هل الإنسان مذنب لأنه سمح للجانب المظلم داخله أن يسيطر عليه؟ أم أن الظروف والبيئة هي المتهمة الحقيقية؟

🧠 فكرة الحاوي

أكثر ما أبهرني هو "قدرة الحاوي" على التلاعب بالعقول. أظهر الكاتب كيف أن هذا التلاعب قد يكون فنًا راقيًا إذا استُخدم بشكل صحيح، لكنه قد يتحول إلى قوة مدمرة إن وُظف في الشر.

🖋️ أسلوب الكتابة

الرواية كُتبت بلغة عربية فصحى رشيقة، والحوار جاء بالعامية المصرية. أنا عادة أميل لاستخدام العامية في الروايات، والعامية هنا خدمت السياق بشكل ممتاز وكانت بسيطة ومفهومة.

👥 بناء الشخصيات

شخصية "الحاوي" وتأثيره على "تامر" كانت محور الرواية. الكاتب نجح في تقديم شخصية رمادية، رغم سوداوية أفعالها إلا أننا وجدنا أنفسنا نتعاطف معها أحيانًا.

⚖️ التوازن والسرد

الرواية قصيرة (حوالي 200 صفحة) لكن تسلسل الأحداث كان متوازن جدًا. لا يوجد إطالة مملة ولا تقصير مربك، والنهاية جاءت مفاجئة وغير متوقعة، وهو ما أعطى الرواية قوة إضافية.

🌌 الرسائل العميقة

الرواية لم تكن مجرد قصة، بل مرآة تعكس تعقيدات النفس البشرية وصراعاتها الداخلية. كل إنسان بداخله جانب مظلم يحاول كبته، لكن الضغط قد يخرجه في أي لحظة.

⭐ التقييم

أسلوب: مشوّق وسلس.

شخصيات: معقدة وواقعية.

حبكة: متقنة وغامرة بالتشويق.

النهاية: صادمة ومرضية.

التقييم النهائي: 5 / 5 ⭐

> أنصح بها بشدة لمحبي الروايات البوليسية القصيرة التي تتناول النفس البشرية بجرأة وعمق.

 تجربتي مع رواية “حاوي” للكاتب عبد الرحمن حجاج كانت من أجمل التجارب البوليسية اللي عشتها. هذا أول عمل أقرأه للكاتب، لكنه أبهرني من أول صفحة، وأقدر أقول بثقة إنه ما راح يكون الأخير. الرواية أبدعت في تقديم حبكة متقنة، وشخصيات معقدة نفسياً. أكثر شي صدمني هو تعاطفي مع القاتل! ما توقعت أبدًا أوصل لهالشعور، وخلاني أتساءل: هل “حاوي” مذنب؟ أو ضحية؟

هل هو ضحية لفقد أمه، وبرود أبوه، وتربيته الصارمة؟ أو مذنب لأنه سمح للجانب المظلم من نفسه يسيطر عليه؟ من المفترض نلوم مين؟ البيئة؟ الظروف؟ أو هو نفسه؟

كل إنسان بداخله جانب مظلم يحاول يكبحه، لكن لو تراكمت الضغوط، هل ممكن هذا الجانب يخرج؟ شخصية “تامر” مثال حي لهالسؤال.

أكثر ما أبهرني هو قدرة “حاوي” على التلاعب بالعقول. شفت التلاعب هنا كسلاح ذو حدين: ممكن يكون فن راقٍ لو استُخدم بشكل صحيح، لكن ممكن يكون مدمر.

كنت أشوف القصة من وجهة نظر “حاوي”، لكن هل كانت حقيقية؟ أو مجرد تصور خاص فيه؟ في النهاية، النتيجة واحدة، لكن هل مهم نعرف الكيفية؟ هذا سؤال ما زلت أطرحه على نفسي.

الرواية كتبت بلغة عربية فصحى، لكن الحوارات كانت بالعامية المصرية. رغم إني عادة ما أحب العامية في الروايات، إلا إن العامية هنا كانت بسيطة ومفهومة لغير المصريين، وما أضعفت التجربة.

بناء شخصية “حاوي” وتأثيره على “تامر” كان مميز جدًا. الكاتب أبدع في تقديم شخصية رمادية رغم سوداوية أفعالها، لكننا تعاطفنا معها.

الرواية قصيرة، بحدود ٢٠٠ صفحة، لكن تسلسل الأحداث كان متوازن، وما حسّيت بأي إطالة أو تقصير. النهاية كانت مفاجئة، حتى مع توقعي لبعض الأحداث.

أنصح جدًا بقراءتها، خصوصًا لمحبي الروايات البوليسية القصيرة اللي تصور تعقيدات النفس البشرية وتبريراتها المريضة.

فالإنسان دايمًا يحب يبرر أفعاله، أيا كانت، وهذا بالضبط ما جسدته حاوي .

⭐ 5 من 5

الرواية ممتعة ومليانه غموض وحبكاه ذكية، اسلوب الكتابه سلس وممتع وبيعرف يشد انتباهك للنهاية والشخصيات مكتوبة بعمق يخليك تتعلق بيها أو تشك فيها.

النهاية مفاجئة جدا عموما وكنت بصوت😭

باختصار: تجربة جامده جدا وفيها غموض واثارة النفسية تستحق القراءة وبشده😭☝🏻

اول قرائاتى للكاتب و بجد استمتعت جدااا جداااا

السرد كان مشوق ولا لحظة ملل و الشخصيات حلوة جدا و البلوت تويست رهيييبة . بجد تقيمى ٥/٥ و برشحه جدااااا

و نفسى اقرأ للاستاذ عبد الرحمن السكان الاصلين للقلب 🤍

افكار متضاربه مني بسبب الصدمة حاوي تستحق وبكل جداره في نظري تتربع على افضل ما قرأت للأن في سنة ٢٠٢٥عبد الرحمن حجاج قدم لنا رواية من افضل ما قرأت اخر سنتين

الروايه حلوه كتير اعجبتني خصوصا النهايه ابدا ماتوقعت هيك تكون شدتني كتير ☺️♥️

الرواية جميلة جدا و مشوقة جدا

لم افهم النهاية

النهاية والأحداث والحبكة 10/10

روايه جميلة جدا

كاتب مبدع بجد

رواية حاوي

كتابة عبدالرحمن حجاج

الصادرة عن دار الرسم بالكلمات

الرواية تبدو للوهلة الأولى إنها رواية جريمة و لكنها في الحقيقة بالنسبة إلى كانت رواية بتحكي عن الصراع النفس البشرية الآمرة بالسوء ،هل فعلا كلنا جوانا حاوي و لو مرينا بظروف رحيم ممكن نوصل لنفس النتيجة الإجابة إنه لا لأن حاوي كان مستمتع باللي بيحصل في حياة لاشين عشان يلاقي مبرر إنه يخرج لنور و يمارس هوايته المفضلة و هي القتل بحجة القضاء على الظلم و تحقيق العدالة ..

حاوي حاب يمشي على هواه و ينصب لنفسه عالم و يكون له آله عشان كده إياك تصدق رحيم لاشين

السرد حلو جدا و الرواية أستمتعت بيها جدا

لكن كان في شوية تفاصيل لو اتظبطت كانت ممكن تاخدالرواية في حتة تاني زي المعلومات عن الثعابين كانت سطحية جدا على الرغم إنه مهوس بالثعابين و الزواحف ، و زي إنه عندة فوبيا من الدم مع أنه قاتل مسلسل و فوبيا الدم أصلا قادرة تخليه يغمى عليه و يتمسك من أول جريمة مش يدفن جثة في سنه ال١١ من عمره بس كده شويه التفاصيل دي كانت ممكن تاخد الرواية و الحبكة في حته عظمة اكتر ..

تقييمي لرواية 4/5

رواية جميلة شدتني لحد النهاية بس حسيت محتاجه جزء تاني توضيح للي اتقال في نهايتها

الرواية : حاوي

الكاتب: عبد الرحمن حجاج

دار النشر: الرسم بالكلمات

الرواية الأولى من سلسلة روايات الرعب التي بدأتُ فيها، لكنها في الواقع مزيج من أدب الجريمة وقليل من الرعب.

ورغم ذلك فإن هذا القليل كان كافيًا للتلاعب النفسي وإحداث حالة من الرعب مؤثرة بشكل كبير، و قد يشكّل خطرًا نفسيًا على القارئ، ربما لأنها التجربة الأولى لي مع هذا النوع من الأدب.

كان من الممكن أن تصبح الرواية خطيرة وتحصل على العلامة الكاملة، لولا بعض المواقف التي لم تعجبني؛ مثل مقابلة بطل العمل رحيم وسينين ابنة أبيه الروحي، إذ بدت فيه الحبكة والأحداث ضعيفة وغير منطقية و قد تجاوزت عنها

لكن مع قرب انتهاء العمل تحوّلت الأحداث إلى أكشن مثير على الطريقة الهندية، بعدم منطقيته واستحالة حدوثه.

أي قارئ يصل إلى تلك النهاية سوف يتساءل عن مصير الأبطال المرافقين لرحيم لماذا اختار رحيم تلك النهاية لهم : سينين، فلك، وداوود و تامر.

في المجمل، الرواية جيدة ومثيرة حتى قرب النهاية، بفضل التأثير النفسي وبعض التأملات الفلسفية التي ظهرت مع بدء مقابلات الصحفي تامر برحيم "حاوي" القاتل المتسلسل.

● دعوة للقتل :

" ‏هو الإنسان ممكن يتأثر بشخص أوي كده ؟

‫ ‏ لما تبقى إنسان بلا هوية، بتتشعلق في أي هوية عشان تحس بس إنك موجود. "

أخطر ما في العمل هو إظهار كيف يمكن لقاتل ذكي أن ينجح بالأساليب النفسية في التأثير على شخص عادي، ليُخرج من داخله الشر المكنون ليطفو على الشخصية الرئيسية و يصبح قاتل كأنه سلب منه إرادته ولا أنكر أنني تأثرت أيضًا.

أرى أن الإنسان حين يقبل على جريمة بشعة كالقتل لا يمكن أن هو نفس الشخص السوي الذي نتعامل معه بل يتحول إلى شيطانه الكامن داخله عندما تسنح الفرصة لذلك "

‏

● حادثة الإسماعيلية إحدى جرائم رحيم الطفل

، وتذكرت حادثة طفل الإسماعيلية هذه الأيام، الذي ارتكب جريمة بشعة بإنهاء حياة زميله لمجرد أنه لا يحبه، وتخلّص منه بطرق خيالية.

تتشابه إحدى جرائم الرواية مع تلك الحادثة في تفاصيل كثيرة.

ربما هذا النوع من الروايات والمداومة على قراءتها لا يكتفي فقط برفع معدل الإدرنالين ومنح بعض الإثارة، لكنه يُحدث تأثيرًا بالغ الخطورة، يُسهِّل على بعضهم تقبّل فكرة الجريمة أو تنفيذها، تمامًا كما تفعل الألعاب الإلكترونية المرعبة.

● الأسلوب والسرد

الكاتب أجاد في السرد وإدارة الحوار بين بطلي العمل ببراعة.

ولا توجد أي فترات في الرواية قد تصيب القارئ بالملل، بل يمكن إنهاؤها في جلسة واحدة، لكنها ستترك أثرًا نفسيًا سيئًا (رعب نفسي).

وهذا يُحسب نجاحًا للكاتب.

لا شك أن كثير منا قد واجه يومًا ما مشكلة مع شخص، وفكر في الانتقام أو في تخليص عزيز عليه من شخص مؤذٍ، فيصبح القتل حينها هو أسهل الطرق فاحذر...

وللأسف، زادت جرائم القتل وأعمال العنف في الآونة الأخيرة رغم انتشار كاميرات المراقبة، وارتفاع وعي الناس بعقوبة الجرائم، وسرعة المحاكمات، ويقظة الشرطة...

لكن تأثير السوشيال ميديا أقوى، وانتقال عدوى الجريمة عبرها أسرع.

● استدراج نفسي كفيل أن يفقد الإنسان إيمانه بالحياة ليتحول إلى ناقم على كل شيء :

" بعض الأشياء تحدث فقط لأنها يجب أن تحدث، ليس كل ما يحدث من أفعال ومواقف يحمل بين طياته مؤامرة كونية ضدك، أنت لا شيء، صدقني، أنت مجرد كيان غير مرئي في عالم بغيض لا يرى سوى نفسه في المرآة كل صباحٍ ومساء، أنت بقعة بيضاء متناهية الصغر فوق حلة بيضاء يرتديها العالم في يومٍ هام، فلا يراك ولا يكترث حتى لوجودك إن لمحك، مسكين من يظن أنه صاحب أهمية، الكل يتحرك، الكل يدور في فلك روتينه وماهيته. ‏"

● الصحافة دائمًا في قفص الاتهام :

هنا رحيم يتعجب مما تقدمه الصحف من أخبار الجريمة و الدم و العنف و تسعى وراء فاعليها في حين أنها تعزف عن السعي وراء قصص النجاح للعلماء و المثقفين و هي إحدى دروس رحيم :

" غريبة الدنيا دي، سايبين قصص نجاح حقيقية لمبدعين ودكاترة وعلماء وجاي تعرف حكاية واحد زيي! قد إيه إحنا عالم سادي! بيستمتع بالدم أكتر من أي شيء تاني، لما كنت أهم كاتب في الوطن العربي ماشوفتش في عيون الناس لهفة معرفة أخباري زي اللهفة اللي بحس بيها دلوقتي بعد ما بقيت رحيم الحاوي مش رحيم لاشين.‏ "

● ملاحظات خفيفة :

• لا يعقل أن يحدث إغماء لسينين إبنة حافظ من مجرد سماع إسم والدها

• الصراع بين بديع مالك البيت و تامر المستأجر عنده مبني على أساس ضعيف جدًا لأن بديع تحمله وقت ضيقته فكيف يسعى لطرده و إذلاله بعد أن بدأ يسدد الإيجار و اسمه كصحفي بدأ يلمع ؟

• في افتتاحية الرواية جريمة قتل داخل السيارة و تم اكتشاف أن الضحية أحد رجال الشرطة في محاولة إيقاعهم بالقاتل رحيم فكيف تغفل الشرطة عن حماية راجلها؟

• حافظ يعرف رحيم جيدًا و الشر الكامن داخله و ليس لديه عزيز فكيف يأتمنه على إبنته بعد أن كبرت و أصبحت أمرأة بالإضافة لتجاهل والدها لها كل هذا العمر .

● ‏اقتباسات أعجبتني :

" ‫ ‏لماذا لا ندرك أن بعض النصائح قد تغير حياتنا بالفعل؟ لماذا لا نفهم الفرق بين من ينصحنا حبًا ومن ينصحنا مكرً"

" الإنسان كائن مخيف، جواه شر كامن بيستنى للي قدامه أي لحظة ضعف عشان تظهر، وزي ما قولت لك من شوية، كل واحد جواه قاتل مستني لحظة الإقلاع! "

#ريفيو_على_أدى

#ماجد_شعير

حاوى

عبد الرحمن عجاج

أولى قراءاتى للكاتب

بإهداء ومقدمة مختلفى الشكل تماما عما عهدت من مقدمات وإهداءات فى مقتطفات مختلفة مشهد من داخل الرواية ، مشهد من الذاكرة ، أغنية معلقه فى عقل البطل الباطن دفعانى لفكرة يبدو أننى أمام حاوى فعلا فها هو يتعامل مع الأفكار وكأنها ثعابين.

غلاف الرواية جذاب ومعبر عن شخصية حاوى شكله ودوره كقاتل ولاعب بالأفاعى .

حكاية إنسان بقناعين الأول هادئ مسالم يحمل اسمه نصيبا من طباعه رحيم ، كاتب ناجح فى أدب الجريمة وله روايات تعد الأكثر مبيعا .

وقناعه الأخر شخصيته المستترة قاتل متسلسل له فلسفة ورؤية يتعامل مع جرائمه بنظرية أنه كحاوى يقتل الثعابين عليه أن يقتل اعدائه ويقطع رؤوسهم .

هل تعرف وصفة عمل قاتل متسلسل يخطف الأرواح بلا أدنى تعذيب للضمير ؟ أحضر طفلا صغيرا إحرمه من حنان أمه وإجعلها ترحل ثم حمله مسؤولية هذا الرحيل أضف إليه الحرمان من عطف الأب ثم عامله بلا صبر وبغلظة، إسلبه من كل حقوق الطفولة وعلم جسده الضعيف معنى الألم والظلم ستتولد طاقات من الغضب ، الحقد ، الشر إتركها تنضج على مهل حتى يأتى ميعاد خروجها بأى موقف يفجرها حتى لو كنت أنا وانت نراه لايستحق وستجد أمامك أول جثة ، مبارك لقد نجحت وصفتك وصنعت سفاحا بإمتياز.

أوجعتنى فكرة أن أبا رحيم قاضى يحقق العدل بين الناس ولكنه لا يعدل مع طفله الصغير ، ماأهمية كل عمل لك فى الدنيا أو أى إنجاز تفخر به فى الحياة إن كنت لم تستخدمه لبناءعالم طفلك ، ماهى جدوى صنعتك إن أعطيتها للجميع وحرمت منها فلذة كبدك هى صنعة مزيفة إذا وأنت لا تستحق نعمة أن تكون أبا .

"الكل يكتب والكل ينقل من صفحات بدون تفكير إن كانت الحقيقة أو لا" كم كان الكاتب محقا فى هذا التعبير، ثم نقطة حديثه عن اللهاث وراء التريندات ، شرح فيهما مأساة هذا العصر فى سرعة نقل الأخبار صحيحة كانت أم لا وفتنة التكنولوجيا وجانب فى منتهى السوء منها حيث اختلط الصدق والكذب وأصبح الفوز لسرعة النقل والحصول على عدد الإعجابات مهما كانت التفاصيل.

أعجبنى جدا رسم شخصية رحيم ( الحاوى ) كلامه وفلسفته فى رؤية ومعالجة الأمور تفاصيل تشير لحسن تخطيط الكاتب للشخصية بدءا من ملامحها ، كلامها ، إنفعالتها ، تصرفاتها ، فلسفتها فى رؤية العلاقات بين البشر وفى الحياة .

القاتل المتسلسل شخص مرعب غير أنه يربى الذعر فى القلوب والهلع فى كل لحظة أن تكون ضحيته القادمة ، أنه يسير بجوارك يتعامل معك يرتدى قناعا لشخص وديع لطيف محب لا خوف منه قد يكون جارك ، زميلك فى العمل أو قريبا منك ولعائلتك ، هل تشعر معى بما أشعر به من رعب؟!

أما الأكثر رعبا من كل هذا وذاك هو قراره أن يصنع نسخة منه ، أن يستخدم ذاكاؤه والذى بالمناسبة أو للأسف يكون متقدا ، ويستخدم معرفته بسيكولوجية البشر يختار ضحية مناسبة وهذه المرة بدلا من قتلها يحولها لأداة قتل ، هل تسأل عن الطريقة ؟ هذه الوصفة متعددة الطرق يلزمها شخصية ضعيفة سلبية تتعرض دوما لسوء الناس وشرهم بلا قدرة على الدفاع عن النفس أو شخصية متعددة التعرض للفقد والخيانة أو شخصية جبانه مهزوزة وحيدة وإهمس فى أذنها أن هذا هو بطلك الحقيقى وأنه الوحيد الذى يؤمن بعبقريتك وقدراتك اللامحدودة ورضاؤه أن تقلده وتجعل لك منه إلها يأمر فتستجيب والنتيجة سفاح جديد بقدرات مختلفة وإرباكا لامتناهيا وفوضى والأهم حصد اكبر عدد من الأرواح .

السرد لغة عربية فصحى وحوار عامية لم يخل من جمال السرد والأحداث سريعه متلاحقة ، بلا ملل أنهيتها فى جلسة واحدة .

تعرفت من الرواية مصطلحات جديدة مثل تجربة إيقاع صفر ، تأثير ليدى ماكبث ، الهيموفوبيا ،

هناك للأسف نقاط عديدة توقفت عندها وكان ليها أثر فى تقليل تقييمى الرواية وتحتوى على حرق للأحداث

١ . مشهد قتيل معرض الكتاب غير منطقى أنه كان معاه قماشة وتعابين باربادوس وراح بيهم المعرض ، وبعدين ايه هدف أنه حط قماشة مكان الجرح أصلا لو على فرض أنها كانت موجودة فى العربية وبعدين نكتشف أنه بياخد بصماته هو البوليس لوشاكك فيه و عاوز يطلب بصماته هيتنكر ويروحله معرض الكتاب ؟؟؟؟

٢. مشهد السجن غير منطقى أن صينية الوجبات بحافة حادة لدرجة مزقت شفاه صفوان لنصفين

ثم دلق عليه حلة شوربة على افتراض أنه بيتقدم شوربة فعلا فالوعاء ده بيبقى حلة كبيرة جدا محتاجة شخصين يرفعوها مش حلة زى بتاعتنا ، احترقت ملامحه فى الحال من شوربة اعتقد ده تعبير يتقال على مية النار مش مية شوربة

بمنتهى البساطة كده فى السجن يعمل ده كله ويروح أوضته عادى ينام نوم عميق ازاى مفيش حرس وظباط ده سجن .

٣ . مراقبة تامر لجاراته غريب شوية يعنى معندوش منظار وبيتابع من ورا الستائر بعينه المجردة بس كاشف كل الجيران ومشاكلهم وكمان هل حمامات الناس بشبابيك مفتوحة على الشارع عشان يشوف الناس وهى بتستحم

٤ . مشهد مقتل إياد الممثل إزاى يعنى المقنع دخل من الشباك بتاع حمام قاعة العرض أنهو شباك حمام ده اللى يكفى بنى آدم يدخل منه وفين فى مكان مأهول بالناس وكمان قطعه بالساطور بالرغم أن الحارس كان واقف على الباب وكمان طالما قاعة عرض يعنى حمام للجميع صعب يكون دخل الحمام وحده تماما

٥ . غرفة حاوى فى السجن فيها برطمانات تحتوى تعابين مش مقتنعة خالص أن سجن قاتل متسلسل ويسيبوا معاه تعابين عادى وغرفة لوحده بمكتبة ؟؟؟ وبعدين يطلق سراح التعابين من فتحات التهوية فى السجن ؟؟؟؟

٦. هل منفاخ كرة قادر على أنه يكون أداة قتل توقفت عند منطقية الحدث ده برضه وأصلا ايه اللى جاب منفاخ وشنطة سفر كبيرة جوا الحمام المشهد أنه فى الحمام .

٧. تامر شغال صحفى فى صحيفة مشهورة يعنى فى مرتب شهرى وعدم تهاون لو مفيش إنتاج ، إزاى يبقى معدم .

٨. مشرط تشريح ومستخدم فى معمل هل حاد كفاية لإحداث طعنات وهل مناسب كفاية لإمساكه بهدف قطع رقبه .

٩. عم مطاوع عامل ٧٠ سنة وحاصل ع الإعدادية ويفهم فى ثعبان الكالابار وسيكولوجية الإنسان وأنواع السكاكين ده نوع من المعرفة محتاج عقل ومستوى ذكاء كبير شوية وبعدين لما صاحب النادى عينه مش طيب فى بطاقة والبطاقة يعنى بوليس بيدور على سفاح أو بلاش بطاقة سفاح ده حاجة تقيلة كده وفى صحف بتنشر أخبار وفى ملامح وصور للسفاح من عند أهله تتنشر فى الجرايد والجميع بيسمع عنه مش بالسهولة دى حد يعينه فى مكان عام من غير فيش وتشبيه كمان .

١٠. مش عارفه أتقبل فكرة أن أنوبيس بيلعب بداوود الظابط بسهولة كده سواء فى نصبه الفخ او تهديده بزوجته ويلجأ لتامر الصحفى عشان يوصله برحيم فقرة ضعيفه وحبكه ضعيفه جدا

١١. إعلام الوراثة مش بيتم من غير جثة .

١٢ . مشهد أكتشاف القبو وقتله لباباه وتحنيطه ووضعه مع مامته كان محتاج يتحبك شوية .

١٣ جريمة ابو فلك بدافع السرقة طيب كتبت ليه حرف ح طيب مش فى تحقيقات وطب شرعى بيقول أن ده نفس السلاح المستخدم قبل كده فى جريمة كذا وكذا ونفس أسلوب القاتل المتسلسل وكمان طلب فلك المباشر ممكن تقتلى حد مع أنه ماقالش ليها أنه قاتل وبعد الجنازة تجيبله ملف بالسرعة دى وتفضح نفسها طب ماكانت قتلت هى الراجل وحطيتله دوا ف الاكل

وبعدين ايه كل المرضى اللى ماتوا على ايديها دى الناس ماحستش ،أهاليهم ، البوليس اللى بيحقق فى حالات الوفاة غير الطبيعية

وفجأة يفضلوا يدبحوا فى الناس ويقطعوا فيها بالسهولة دى وحتى لو طلعت قصة فلك من تأليفه وبيضحك بيها على تامر أنا كقارئ محتاجه اقتنع وبيودى المرضى بيته ؟؟ وكمان سم ثعبان بينيم؟؟؟؟

١٤. عم بديع مع تامر مفتعل جدا وبعدين جثته اللى خرجت من الشقه ماحدش شك أن فى حد غريب داخل شقة تامر طيب الناس مادورتش عليه مع العلم أن تامر ساكن فى منطقة شعبية

١٥ . سليم اللى قتله ده مجابش دم ، طب سينين مااحتاجتش الحمام ، طب ماحستش بحاجه غريبة ولا صوت ، عادى كده اهلا انا من طرف ابوكى لمى هدومك وتعالى تروح معاه وعاشت معاه سنين فى بيته كأخته ؟؟ طب والجثة اللى فى شقتها مش فى ريحه وبوليس وبحث وسينين بتطلع معاه كأنها مديرة أعماله قدام الناس .

١٦ . ليان عايشة معاه فى الفيلا عادى وكمان متقبلة وجود سينين معاها وبتتنافس معاها على رضاه ، مشهد قتل ليان فى الجنينة ودفنها ، مفيش جيران ؟؟

١٧ . سفاح قاتل متسلسل فى مصر اخر طلب ليه يشرب قهوة على البحر فى ممشى نادى اليخت؟؟؟؟ وبعدين أنوبيس جاى يسلم عليه مع داوود ازاى يعنى انوبيس ده سافح ٥ أو ٦ والبوليس المفروض على علم بأى تحركات فى النادى على افتراض أن داوود ماقالش عليه

وفجأة فى مسدس مع حاوى وكان فى ثيوبنتال صوديوم فى الزنزانة وهرب فى منتهى البساطة والشرطة كلها مقدرتش على سعيد ومسدسه وبعدين يطلع كان معاه أخ وقتله واللى جاى يكلمه دكتور مش محقق فى الحقيقة الفصل الأخير محبط فى حبكته اعتقد أن ال ١٧ نقطة دول مشتركة فى ٣ أفكار

١. الكاتب متأثر بأفلام ومسلسلات أجنبية

٢ الكاتب ماخططش كويس ل دور الشرطة فى الأحداث

٣ . ربما الكاتب أعطى لنفسه العذر قلة منطقية الأحداث اللى اكتشفنا بعد كده أنها حكايات غير حقيقية هدفها خداع تامر

أول تجاربي مع الكاتب، كنت متحمسة جدًا أقرأله الصراحة وقولت أبدأ بآخر عمل ليه، خاصة إنه الاسم والغلاف شدوني، الرواية كانت حلوة جدّا الصراحة، تفاصيلها حلوة ومرسومة كويس، وصف المشاعر كان حلو وكان واصلني، الشخصيات معقدة جدًا لأبعد حد، كان في صوت داخلي جوايا طول ما أنا بقرأ اللي هو " إنتو مجانييييين ".. انتوا بتعملوا ايه 😂

عامة رواية شخصياتها كلها تتكره ماعدا ليان عمومًا 😂.. في الآخر شوية حسيت إنه النهاية اتكروتت وحسيت بشوية عبث وبعدين الموضوع ضبط وبعدين جات النهاية مفتوحة فاتعصبت تاني ولكن في المجمل الرواية حلوة يعني .

عندي تساؤل أخير هو اسم « سينين» دا بيتنطق ازاي 😂

النهايه كانت مبهمه لكن بشكل عام الروايه كانت تستحق القراءة

❞ ما دام ماتعرفش يبقى ماتعتذرش، كونك جاهل بشيء يبرئك من ذنبه لحد ما تعرفه، ساعتها بس بتتحول لمذنب ❝

قاتل متسلسل محبوس في انتظار المشنقة، وصحفي فاشل يحاول ان يقوم بخبط صحفي ويكتب سيرة القاتل.

هو يظن أنه يسخر القاتل لمصلحته ومكسبه الشخصي، ولكن...

قصة بوليسية ظريفة وسريعة، لكن حبكة النهاية ذهبت بعيدا بعض الشيئ. توقفت كثيرا عند السطور الأخيرة ولم أفهم ما المقصود.

محمد متولي

رواية حاوي من الأعمال اللي بتخليك تعيش جو غامض ومظلم من أول صفحة. الكاتب عبدالرحمن حجاج اعتمد على فكرة القاتل مش كـ"مجرم تقليدي"، لكن كشخص عنده مبدأ، شايف نفسه بيدافع عن فكرة أو بينفذ عدالة خاصة بيه. وده اللي بيخلي القارئ محتار: يتعاطف معاه؟ ولا يرفضه تمامًا؟

اللغة اللي استخدمها الكاتب فيها مزيج بين الفصحى والعامية، وده بيخلي الحوار واقعي قريب من الشخصيات. كمان

الروايه حلوه جدا جدا بس هوا في جزء ثاني و لا لا💕😍