مراجعات رواية الفصل الأول من الجريمة

تخيل كدا يقع في طريقك ٥ جرايم ق*ت*ل وتكون انت الشاهد الاول ومكتشفهم لمجرد انك اشتريت خط جديد كان بتاع حد تاني قبلك! .

بتبدا معانا الحكاية ب "لينا مسعود" هي قارءة جيدة وصاحبة مكتبة لبيع واستعارة الكتب ولكن في نفس الوقت هي كاتبة ممتازة في ادب الجريمة ولكنها بتكتب تحت اسم مستعار " مريم الصاوي" ومحدش يعرف الحقيقة دي غير طليقها يوسف ، بعد مابتشتري لينا الخط الجديد بتبدأ تستقبل عليه مكالمات كتير جداً بتسأل عن صاحب الشريحة الاصلي ولكن في مرة بتستقبل رسالة من واحدة بتستنجد بصاحب الخط الاصلي "فراس" وان في حد ماشي وراها وعايز يقتلها

وبالفعل بتكون دي اول جريمة ق*ت*ل تحصل وتشهد عليها وتكتشفها لينا .. وبتتوالي الاحداث وجرايم كتير بتحصل بعدها وكلهم ليهم عامل مشترك واحد ف ياتري ايه العامل دا ؟!

ومين المُجرم الحقيقي ورا كل اللي بيحصل دا ؟

رأي الشخصي: الرواية جميلة جداً الفكرة جيدة والحبكة ممتازة وترابط الاحداث والحالة اللي كنت عيشاها مع الرواية كانت خطيرة ، كنت عايشة مع الاحداث لدرجة اني عمالة افكر معاهم واستنتج مين القاتل مش مجرد رواية بقرأها ؛ الاسلوب جميل جداً وسلس ومش ممل اطلاقاً مع العلم ان الشخصيات في البداية كانت كثيرة ولكنها متلغبطش ومتوهش .. فعلا تستحق القراءة ♥️✨

أنا لا ارغب بكتابة مراجعة و مازلت ٦٠٪؜ في قراءة الرواية.. فالقارئ عادة ينتظر تكملة القصة برمتها قبل البوح بتفاصيلها و ما أججت من انطباعات و مشاعر مستخلصة من فحواها انما و لانني لحين كتابة هذه السطور اتمتع بلذة الأسلوب المستخدم في حكاية هذه القصة قررت تكوين افكاري الشخصية و ارسالها للقراء الأعزاء و خاصة الذين يشاركونني محبة ذاتها في التهام كلمات المدونة و تقلب الصفحات لا هوادة فيها في كتاب أثار إعجابي و جذبني لحد عجزي في استمراري في روتيني اليومي و بدل عن ذلك تكريس وقتي الثمين في متابعة القراءة مثيرة الاغراء.. ليس من الممكن وصف كتب يارا رضوان إلا بالإغواء و كأنه شيء يناشد القارىء ليس من خلال الجرائم المتسلسلة بل هندسة العبارات و انتقاء الكلمات مفادها شد و جذب القارىء و اهتياج انفعال اصحاب العيون المطلعة و العقول المستحوذة للغة و جمالها المستهلك عبر السطور. الجدير بالذكر أنا شخصيات قصص الروائية دائماً محاوطة بالعواطف و منتزعة من تجريبة غرامية سابقة و هذا يمنح يارا النجاح الكامل في دمج قصص البوليسية بالرومنسية… أتطلع للمزيد من قراءة عملك يا يارا ابتداء من تتمة هذه الرواية

"عن رواية الفصل الأول من الجر.يمة ليارا رضوان"

❞المرَّة الأولى من كلّ شيء تصلح لأن تكون حُجَّة قوية للجزع والخوف❝

"أول مرة" هي الحجة المناسبة للإجابة على سؤال "أنت خايف ليه"، لكنها بعد كده بتبقى تلكيكة بلا معنى، لأن السؤال بيبقى ليه تكملة وبيتحول لـ "أنت خايف ليه.. هي يعني أول مرة!".

❞كان لديها الرغبة القوية في الانتـ.قام، تعرف أنَّ حرو.بًا يمكن أن تقام على تلك الدعامة وحدها!‏ ❝

عندي قناعة رهيبة بالجملة دي، خصوصًا الانتـ.قام الأنثوي، ومش عارفة ده يعد تحيز عنصـ.ري ولا لأ، بس ولا مرة قابلت اللي يزعزع القناعة دي.

‏❞نحنُ لا ننتظر دائمًا تبريرات ممن نحبّهم❝

من أقوى الدلائل على إن حد ما بيحبك إنك متبقاش مضطر تبررله طول الوقت، السبب ده تحديدًا يخليك تثق إنه فعلًا بيحبك بدون مصلحة، كفاية إنه مش بيجبرك على شعور سيء زي البحث عن حجة للتبرير.

‏❞حزنك يضع على عيون عقلك غشاوة تعيقه عن التفكير المرتب❝

الحزن وآه من الحزن واللي بيخلفه وراه من مشاعر قادرة تتحكم في العقل زي القلب تمام.

‏❞- كنتِ تفكرين؟‏

‫ ‏- أسوأ، كنتُ فارغة.. لأوَّل مرَّة منذ سنين أجرّب شعور الألم حدَّ الفراغ، حدّ عزوفي عن التفكير حتَّى❝

أول مرة أقابل حد قادر يوصف أقوى درجات الشعور بالألم ببساطة كده رغم صعوبته، وده بقى اللي بيسموه السهل الممتنع.

‏

❞نحنُ لا نحكم على مشاعر الأشخاص من وظيفتهم بل من تكوينهم الشخصي نفسه يا لينا❝

مش كل اللي بيتعاملوا مع جثـ.ث قلبهم ميت، ولا كل اللي بيتعاملوا مع الأدوات الموسيقية مرهفين الحس، ودي ثقافة محتاجين نخليها تنتشر.

**********************

‏الاقتباسات اللي فاتت علمت معايا جامد وكانت بالنسبالي هي الرسائل المستخلصة من الرواية وعشان كده ناقشتها،

الرواية التانية اللي أقرأها ليارا بعد ثنائية "هاتف وثلاث جثـث"، واللي لا تقل عنها في الإبداع في الفكرة والإتقان في الحبكة، لازم أعترف إن يارا تلاعبت بيا وخلتني زي ما أشك في الجاني أسحب شكي بعد لحظات، ودي حاجة مش سهلة بالنسبة لقارئة طالعت العديد من الأعمال البوليسية، يارا غير إتقانها للحبكة كانت لغتها سلسلة بشكل مش معقول، الأسلوب نفسه كان مخليني ألتهم الصفحات وأنا منبهرة بكل صفحة أكتر من اللي قبلها، ورغم إن كان عندي بلوك رهيب بقاله كام شهر إلا إني خلصت الرواية في يوم وليلة وأنا مسيطر عليا شعور "الرواية دي هتخلص امتى عايزة أعرف مين القا.تل، لأ يارب الرواية دي متخلصش عشان حلوة أوي ومش هلاقي زيها!"..

الحقيقة.. أنا كلي امتنان ليارا على إنها قدرت تمتعني بعمل زي ده رغم فقداني لمتعة القراءة نفسها الكام شهر اللي فاتوا، وبجد أنا كلي انتظار لعملها الجديد، كل الدعم♥️!

#خلاصتها_في_اقتباساتها.

#زينب_إسماعيل.

رواية «الفصل الأول من الجريمة» للكاتبة يارا رضوان

حصلتُ على هذه الرواية من معرض القاهرة الدولي للكتاب في دورته الماضية، حيث لفتت انتباهي بين رفوف الكتب، خاصة أنني أحب تجربة كل ما هو جديد.

فكرتها مختلفة وجديدة؛ وقعتُ في حبها منذ الصفحات الأولى. تمتاز الرواية بلغة عربية فصحى ناضجة وخالية من الأخطاء اللغوية، وهو ما زاد من جمالها وتميّزها.

تبدأ الأحداث برسائل غامضة تظهر مع وقوع جريمة قتل تربط بين فراس ولينا، لتأخذنا الكاتبة في رحلة مليئة بالتفاصيل الدقيقة التي تتكامل ببراعة عند وصف المشاهد. وقد أدهشني أسلوب يارا رضوان وذكاؤها في السرد، حيث نجحت في رسم صورة حية للأحداث.

تدور الرواية حول قاتل متسلسل يستهدف الكاتبة لينا بدافع الغضب، بينما تظهر لينا – أو مريم الصاوي – كشخصية باحثة عن أسرار جرائم غامضة، تحاول كشف أسبابها من خلال عملها السري إلى جانب إدارتها لمكتبتها.

تأكدتُ من موهبة الكاتبة وثراء أسلوبها، خاصة بتأثرها الواضح بالروايات الأجنبية، وهو ما انعكس إيجابًا على حبكة الرواية وتماسكها. ولا أنكر مدى إعجابي ودهشتي بجمال اللغة وخلوها من أي مشاهد مبتذلة.

قرأت الرواية على فترات متقطعة، ربما خوفًا من الوصول إلى نهايتها سريعًا. ولم أجد فيها أي عيوب تُذكر، بل على العكس، أصفّق لموهبتها المتميزة في الأدب البوليسي.

للمرة الأولى، شعرت بالندم لتأجيلي قراءة هذه الرواية منذ العام الماضي حتى الآن، فهي تستحق التجربة والدعم والتقدير لما بذلته الكاتبة من جهد في بناء هذا العمل الروائي.

تكشف الرواية عن شبكة معقدة من العلاقات بين الضحايا، تتقاطع جميعها في نقطة واحدة، مما يزيد من عنصر التشويق. وقد أصبحت هذه الرواية ضمن قائمتي المفضلة، رغم عشقي لأدب الغموض والتشويق.

النهاية كانت صادمة بحق، ولم أكن لأتوقعها أبدًا، بل شعرت أنها تفوقت على توقعاتي وذكائي.

أنصح بشدة بقراءة هذه الرواية المميزة، فهي عمل خطير في فكرته، عميق في لغته، واسع في خياله، ومليء بالغموض الذي يجذب القارئ من البداية حتى النهاية.

وأخيرًا، بعد هذا التأجيل الطويل، أنهيت قراءة رواية «الفصل الأول من الجريمة»، التي أرى أنها تستحق كل هذا الاهتمام. أشكر الكاتبة يارا رضوان على موهبتها الثرية، فقد تعلمت منها الكثير، خاصة أن موضوع الانتقام طُرح بطريقة مختلفة تُبرز أهمية العدالة في حياتنا.

هناك حقيقة ما تُدركها عقب انتهائك من الرواية، وهي انك تعرف انك لا تعرف.

ولا اظن فيما بعد انني سأحاول شراء اي شريحة اتصال حتى اتأكد من انها لم تكن لأي مالك قبلي فربما تقلب حياتي رأسا على عقب عندما تصلني رسائل الاستغاثات التي تُلقي بالجثث في طريقي كالسيده ليندا الكاتبة المتخفية....

كلما ظننتُ أنني اتتبع الخيوط بذكاء، اقرأ ما بين السطور و اتنقل بِخفة بين الصفحات و اعود للعلامات التي دونتها لأربط بين دلائل الجرائم المبعثرة. وجدت امامي الأمر يزداد تعقيدا، ف المعلومات تضح لكن بشكل يجعلها أعقد.

الرواية تنتمي لأدب الجريمة البوليسي

ف منذ الصفحات الأولى تجد نفسك غارقا في بحر من دماء الجثث وتطالع جميع الأحداث والتفاصيل بترقُب شديد، على الرغم من ان حجم الرواية كبير نوعا ما، إلا وانني ونادرا ما أجد كاتب بارع في جذب انتباه القارئ حتى الصفحة الاخيرة، فالحفاظ على إيقاع التشويق مُتقن بِحرفة من كاتبه ذكيه نجحت في سرد التفاصيل ببراعة.

كما ان اكثر ما يثير دهشتي الحقيقية هو الربط المتماسك بين خيوط جميع الجرائم لتؤدي إلى نهاية عبقرية لجريمة مكتملة الأركان كتلك.

جائت لغة الحوار فصحى بسيطة مع سرد لا يتخلله اي ذرات من الملل، فربما كان هذا ما جعلني انهيها في يوما كامل متفرغه معهم داخل القصة لِإيجاد القاتل الحقيقي؟

الشخصيات مرسومه بعمق و دوافع نفسية منطقية لم اجد بها خلل.

سعيدة ومندهشة بعد انتهائي من الفصل الأول من الجريمة.. فربما هناك جرائم أخرى من الكاتبة مازالت تنتظرني🤫😉

لينا كاتبة جريمة 🔪

صحيح مش ده اسمها اللى مشهورة به

بس مش مشكلة المهم تكتب ✍️ اللى نفسها فيه

وتسمع اراء الناس من بعيد لبعيد 👀

شاطرة فى كتابتها ومتميزة بتحرياتها

لكن اللى ما توقعتهوش أنها تبقى جزء من سلسلة جرائم لبست فيها لمجرد شريحة تليفون 📱 اتدبست فيها.

رسائل استغاثة بإسم المالك القديم

تسكت 🤫

لأ طبعا لازم تمارس الدور اللى هى شاطرة فيه

قولنا نسيب العيش لخبازه

لكن الغريب أن دماغها عجبت المحققين

وبدل ما تبقى شاهدة على الجرائم

بقيت assistant للظابط 😀 أو بالمعنى الأصح لعبت هى الدور أحسن منه بمراحل

ده طلع كُتاب الجريمة مش ساهلين صحيح

جريمة ورا التانية بدأت تحللها لينا شوية بشوية وتفك تعقيداتها… بس الغريب أن الجرائم بتحصل لناس قريبين ليها.. ايه اللى رابطهم بها 🤷‍♀️

اقراوا واعرفوا بنفسكم بقى اللى فيها 😉

حبيتها وحبيت درجة التشويق اللى تخليك مش عارف تسيبها من ايديك واللى كنت بفكر فيه ازاى الكاتبة وصلت للدماغ ديه 😀 والله يكون فى عونها من الفرهدة ديه 🤲🏻😄 النهاية كانت مفاجأة كبيرة وفكرتنى بفيلم معين مش هقول عليه طبعا علشان محرقش أحداثها وأسيبكم متشوقين 😉

📌لا يزال العالم أعمى عن تلك الندوب العميقة التي نتركها داخل صدور بعضنا بمواقفنا السيئة تجاههم، ولا يزال العالم يضحك عند سؤالك عن كيفية استكمال حياتك بصورةٍ تبدو طبيعية وهناك -داخل صدرك وخلف ضلوعك- قلبٌ مذبوح.‏

#مكتبة_دنيا

#قراءات_٢٠٢٥