«احْذَر دَائِمًا مِن صَفْعَةٍ وَجّهْتَهَا لغريمِكَ وَلم يستطِع رَدَّهَا، فَقَد تَتَحَوَّلُ يومًا إلى رصاصةٍ مُستقرُّها صَدْرُك».
تصريح دفن
نبذة عن الرواية
عن عالم مظلم مليء بالجثث التي لم تُدفن بعد، على اختلاف أسماء أصحابها، وأسباب الوفاة، والدوافع التي لم تتضح حتى الآن.. وخلف عشرات علامات الاستفهام، والأدلة التي تبحث عنها العدالة، مازال هناك قبر مفتوح ينتظر أصحابه، بعد استخراج..." تصريح دفن".عن الطبعة
- نشر سنة 2024
- 242 صفحة
- [ردمك 13] 9789778990409
- دار إبهار للنشر والتوزيع
تحميل وقراءة الرواية على تطبيق أبجد
تحميل الكتاباقتباسات من رواية تصريح دفن
مشاركة من Nour Redwan
اقتباس جديد كل الاقتباساتمراجعات
كن أول من يراجع الكتاب
-
محمود فكرى
ريفيو
فيلم: تصريح دفن
للمخرج : أمير عزب
انا مش جاي اكتب ريفيو عن رواية لإنى هظلمها لو قولت إنها رواية عادية، حابب بس أوضح حاجه قبل ما ادخل فى الريفيو، أوقات كتير لما بنتفرج على فيلم حلو بنقول شابوة للمخرج مش لحدوته ولا لممثلين، وآخرهم فيلم "اوبنهايمر" كلنا خرجنا من الفيلم قولنا شابوة لكريستوفر نولان مش للممثلين.. هو ده بالضبط اللى عاملوا أمير فى الرواية، هتخرج تقول الله مش على الحدوته ولا على الشخصيات، انت هتقول الله على الإخراج بجد ..كفاية وندخل فى تفصيل الفيلم
القصة :
عبارة عن حواديت كتير داخل حدوته واحده كبيره كل حدوته داخل الغرفه ليها ابعادها وشخصياتها وفلسفتها، مش مجرد قصة جريمه، هنقتل الجثة وندور على قاتل، والمفاجاة الأكبر هى مش جثة واحده بدون حرق اكتر من كده ..
*تفاصيل فنيه وسينمائية :
١) استخدم الكاتب تقنيه الفلاش باك المتداخل لكل شخصية ومن هنا بتبان براعته انه ينقل من شخصية لشخصية ومن مشهد لمشهد مع الاحتفاظ برابط الحبكة الأساسية ودى سلاح ذو حدين إما القاريء يحس انه قاعد قدام شاشه عرض صورة صافية فى زوم على الشخصيات أو يحس انه النقل مفاجئ،
٢) استخدم المخرج😂 قصدى الكاتب ابعاد كل شخصية لطرح فكره معينه أو قضيه كل واحد فيهم هنا عايز يقولك ان الجريمه ممكن يشترك فيها كل فئات المجتمع الغني والفقير و صاحب السلطة والمجبور والمظلوم تناولها بشكل فلسفى
٣) اللغه كانت بمثابة كاميره تقدر تزوووم على الشخصية او تبعدها كل البعد عن ذهنك وبصراحه لا غبار على اللغه بل كانت زياده حبتين وبرضوا ده اللى خلى ممكن يكون فى بطء بسيط فى بداية الأحداث، وبرضوا تعتبر سلاح ذو حدين
٤)حسيت انه تعمد انى كل شخصية تدخلك فى حدوته ويطلعك منها بنص معلومه
*من الشخصيات اللى تأثرت بيها جدا، رغم صغر حجمها فى العمل "منون " إسم غريب لست خرساء، متخيل واحده خرساء فى رواية مكتوبة تعلم مع قاريء، ده غير ضابط للغة الإشارة "طاهرالجابري"
*فى النهاية احب اقولك ده مش" تصريح دفن" ده تصريح إبداع لمدرسة اسمها البساطه والتفاصيل والخبره
"جريمة إبداع متكاملة"
تقييم : ٥/٥
#رواية
#تصريح_دفن
#ريفيو
#محمود_فكري
-
Hanan Badr
الكتاب : تصريح دفن
المؤلف : أمير عزب
الصفحات : ٢٠٥
اللغة : فصحى / عامية
التصنيف : تشويق وإثارة
الناشر : إبهار
هذه المرة لن أضع صورة غلاف الرواية .. بل سأضع صورة مسابقة جوائز الرواية ..
أوجد الإختلافات بين الصورتين .. هكذا تبدوا أمام العينين .. لم تكن لعبة عبثية .. بل كانت محاولة جدية .. تمهد لمحتوى عالي التركيز .. يحتاج لكثير من التمييز .. مع ذاكرة فوتوغرافية .. تحفظ كل لقطة وكل شخصية ..
هناك رواية عن " فئة تستحق القتل " .. فالحياة خسارة فيهم بالفعل .. وهنا أيضًا فئة تستحق الدفن .. دون انتظار تصريح دفن .. فالموت أولى بهم .. والقبر مأوى لشرورهم .. قلوب ملأها العطن .. وضمائر أصابها الوهن .. فمن مات ضميره وقلبه .. لا يستحق أن يحيا جسده .. فليواري ذاك الهيكل الأجوف الثرى .. جزاءً وفاقًا على ما افترى ..
في غرفة مظلمة .. تُعقد المحاكمة .. وتجتمع الخصوم .. في مكان غير معلوم .. أشبه بمقبرة جماعية .. لكن المحاسبة فردية .. حيث يقف القضاة .. ويجلس الجناة .. وتُفتح الجلسة .. بنظرات تدور خلسة .. فمن أوتي كتابه بشماله .. فلا مفر من عقابه .. ليذوق عذاب القبر .. قبل عذاب يوم الحشر ..
حينما تُستغل المناصب .. في ارتكاب المصائب .. ويصبح القائمون على القانون .. مجرمون يتربحون .. من وراء تجارة .. غاية في الحقارة .. حينئذ يتملص الفاعل .. ولا يلقى الجزاء العادل .. فلا تطلب من الضحية .. التأني والروية .. لأن العدالة المتأخرة .. ستدفعه ليأخذ المبادرة .. ويسترد حقه بيديه .. وأمام ناظريه ..
رواية تحبس الأنفاس .. وتعزلك عن الناس .. لتعيش أجواء المحاكمة .. في الغرفة المظلمة .. كشريط سينمائي .. بشكل استثنائي .. حيث المتفرج هو النجم .. والمؤلف هو مخرج الفيلم .. فاستوعب الحكاية .. ولا تستعجل النهاية .. ولا تنسى أن بعض أفراد الرواية .. لديهم تصريح دفن من البداية ..
-
hossam helmy
الرواية من 242 صفحة
دار ابهار للنشر
و الرواية تصنيفها جريمة - اجتماعى
ابرز ما فى الرواية هو رسم الشخصيات التى جاءت متعددة و متنوعة
و قوة الوصف (الذى قد يجده البعض مملا و لكننى وجدته ممتعا الى ابعد حد و صور لى الاحداث تماما بل و اصنفه من مواطن القوة)
و اللغة الجميلة القوية السلسلة و ان كان هناك بعض الاخطاء البسيطة فى تعبيرات لم تكن موفقة مثل
بعد عصف ذهنى دام دقائق
واثق الخطى
ورأسه مسقوف بسلاح الملثم
لكنها كانت فى المجمل ممتعة و مبدعة
الحكبة من الدرجة الاول و يعتبر من المستحيل تقريبا ان تتوقع النهاية (بس انا توقعتها من الصفحة 60 و ده لان تفكيرى غير معتاد لكن باكد لكم انه مستحيل تقريبا تتوقع النهاية)
الاحداث غنية و متشعبة و متشابكة و الكاتب اظهر قدرة خرافية على اللعب بالاحداث و الشخصيات و دى بالرغم من انها ميزة لكن مش هتناسب القارئ السطحى اللى عاوز رواية خفيفة لان الرواية غنية و تقيلة
خلصتها فى 12 ساعة بس و ده لسببين الاول انها شيقة و التانى لانى لو كنت سبتها كانت الخيوط هتضيع منى
العيوب فقط بعض الالفاظ التى لا تتجاوز ثلاثة الفاظ لم تخدم السياق على الاطلاق و كان ممكن من السهولة استبدالهم بكلمات لائقة اكثر
التقييم 5 نجوم و الرواية مرشحة من وجهة نظرى للقفز بالكاتب الى الصف الاول مباشرة و اظهرت الرواية قدرة الكاتب على كتابة رواية بمستوى نادر من الاتقان
-
mahmoud nader
اسم العمل تصريح دفن
الكاتب امير عزب
سنة النشر ٢٠٢٤
دار النشر : ابهار للنشر والتوزيع
تقييم الرواية ٥/٥
السرد : فصحي
الحوار : عامية
التصنيف
اثارة و تشويق
دي تجربتي التانية مع الأستاذ أمير بعد تجربة جميلة في للقدر رسائل مشفرة و كنت من اللجنة اللي حررت الرواية و أحب أشيد بتطور الأسلوب و لغة الكاتب عن العمل السابق خاصة مع وجود خطوط درامية كتيرة و متشعبة قدر انه يضفرها مع بعضها لصياغة عمل قوي استخدم فيه تقنيات سينيمائية علي الورق و رغم انه شئ جديد بالنسبالي الا إني محستش انه مش مفهوم او مزعج و سرد قناعات و فلسفة الشخصيات علي لسانهم وسط الحوار ادي عمق اكبر للعمل و أرشح العمل و بقوة للناس اللي بتحب الجريمة المكتوبة صح من حيث الحبكة و النهاية
-
sara ahmed
عظمة علي عظمة 👏🏼👏🏼👏🏼
انتهيت من قراءة تصريح دفن وهى أول قراءات المعرض وحقيقي كنت لا ارغب ف انتهائي من قراءة هذا العمل الرائع شخصيات كثيرة متشابكة بأسلوب سردي رائع جرعة عالية جدا من الادرينالين والإثارة والغموض
رواية غرقت في تفاصيلها ومتشوقة جدا للعمل الجديد للكاتب 🥰
برشحها لكل محبي روايات الغموض والجريمة اوعدكم بمغامرة مش طبيعية وكأنك بتتفرج على فيلم جريمة سينمائي.
اللغة ممتازة الحقيقة
السرد حلو جدا جدا وكأنك بتشوف المشاهد حية قدامك
من كل قلبي شكرا بجد يا أمير على الرحلة الممتعة دى وفي انتظار المزيد
-
Khaled Abo ElKhair
أول رواية أقرأها بطريقة التصوير السينمائي وتقطيع المشاهد . الكاتب ركب كاميرة سينما في القلم . جرئ انه يغير طريقة سرد الأحداث بهذه الطريقة
من اول فصل فالرواية مش هاتبقي عاوز تسيبها من إيدك . كاتب بيهتم بالتفاصيل واللهجات حتي ال
baddy language
بلغة السينما البلوف معمول صح اوي وصادم اوي وغير متوقع
تحياتي ل أمير عزب كاتب بيهتم بالتفاصيل يعني كاتب واعي وبيحترم عقل القارئ
-
Mariam Mohamed Mowafy
الرواية نفسها جميلة ولكن اكتر حاجة ضايقتني هي استخدام الالفاظ النابية حتي وان كان المقصود اني انقل للقراء ان دي فئة بسيطة تكاد تكون معدمة وان ده شئ عادي قي بيئة زي دي بس انا شايفة الافضل اننا نستخدم عبارات زي ثم تبادلا اقذع الالفاظ مش لازم ابدا ان الكاتب يسرد الالفاظ وهذا لاينتقص ابدا من الرواية ولا من المجهود المبذول فيها
-
Heba Abdel Wahab
احب اشكر المؤلف علي القصه المحكمه دي . القصه شيقه حتي اخر جمله حيث يصطحبنا الكاتب في رحله الكشف عن القاتل و التي توءدي بنا الي شبكه معقده من الاحداث و الشخوص التي تتشعب و تتلاقي في نقاط مفاجأه .
اتمني ان اري هذا العمل علي شاشه التليفزيون او السينما قريبا و بانتظار الجديد من الكاتب امير عزب
-
Belal Adel
روايه فى غاية الروعه
اسمها صادم تعطيك ايحاء ان نهايتها لن تكون سعيده
ولكن بعد ان اتممتها وجدت حبكه دراميه للأحداث تجعل منها احلى سيناريو سعيد لروايه قاتمه الأحداث مما يجعلك سعيد بقراءتها.
وسعيد بكل الوقت الذى قضيته فى قرائتها.