شعلَّة داوود

صورة 📸 فى زفاف 👰‍♀️ 🤵🏻‍♂️ شقلبت الحال

فى الخمسينيات وبعد ما الفرحة كانت مشعللة فى الأجواء اتحول الفرح لعزاء وأنقاض

وخد المفاجأة العريس طار

ياترى هرب قبل كتب الكتاب حس أنه اتسرع ولبس قوام قوام

ولا ديه الأقدار ولا تكون واحدة من الحيزبونات

عاملة عمل للعرسان 🤔

الغريب أن الموضوع كمل للألفينيات

وبقى الإختفاء على أشده كمان

بس مش فى أى مكان

لازم تدخل القصر 🏡اللى هناك 👈🏻

في ايه القصر بيجذب له الرجالة بس

وبس يا سيدى تيجى " عايدة " الفضولية ما هى أصلها صحافية تجيب قرار الموضوع

تقلب فى القديم و تربط بالجديد

ويساعدها فيه مهندس 👷🏻 التطوير المسئول عن القصر الغريب

ايه حكاية الاختفاءات مقصودة ولا يكون هروب جماعى للرجال ولبسوها للعنة من زمان 😄

رواية تشدك فى أحداثها مكتوبة بشكل مشوق وخفيف بس مشكلتى معاها أنى ما اقتنعتش بالأسباب

يعنى الـنهاية مكانتش قد الأحداث وما دخلتش الدماغ ( لسان حالى بيقول مكان ضحايا الإختفاء … الله وأنا مالى يا لمبى 😄 )

يمكن سرعة النهايات بتفقد الفهم فى شوية حاجات مع أنى عدت قراءة 📖 آخر صفحات 📑 كذا مرة ( يمكن ما فهمتش أو جايز ماقتنعتش) ومش هينفع أوضح علشان كده هحرق الأحداث 😁

بس ده ما يمنعش أن الكاتبة أسلوبها جميل ويشدك له ومش أول عمل اقراها ليها ومش هيكون الأخير 😌

📌اقتباس عجبنى

✨ لا تطرق الصدمات يوماً بابك سائلة بإحترام عن مشاعرك، وما إذا كنت مستعداً لاستقبالها، حتى وإن حدثت معجزة لذلك لا أظن أن أحداً منا سيكون بها مرحباً ، فليتنا نعش تلك الحياة بلا ألم بلا فقد بلا خيبة وبلا صدمة..

#مكتبة_دنيا

#قراءات_٢٠٢٤