❞ محدش فينا بيفضل ماشي على السطر علطول، لازم هنقع من عليه كل شويه بس الشطارة إننا ناخد بإيدين بعض ونطلع تاني نكمل وإلا ربنا مكنش أوجد لنا التوبة، ربك بيحب المستغفرين. ❝
تحميل الكتاب
اشترك الآن
نادر فوده 4 - عمارة الفزع (عاصفة الموت)
نبذة عن الرواية
جربت تنبش قبر جنيه من الجحيم؟ طب متجربش لأنها هتدفنك مكانها للأبد! جربت تدخل بيت كل عيلته بتترعب من أطفالهم لما بيجي عليهم الليل؟ نصيحة ما تجربش لإنهم وارد مايكونوش من أطفال الإنس! جربت تفك طلاسم وتعاويذ سُفليه؟ طيب بلاش لأنها هتلبسك أنت وهيتقلب السحر على الساحر! جربت تمشي ورا صوت ساحر في نص الليل بينادي بإسمك؟ أوعى لإن دي النداهة! جربت تواجه جن بيحاربك من خلال أطفال أبرياء؟ إتاكد الأول لأن الطفل المسيطر عليه من قوى الشر هو شيطان ملعون في ثوب ملاك! انتهت الأسئلة... مدة الإجابة على هذا الإختبار: عمرك كله! قبل ما تجاوب، إعزل نفسك عن كل العالم الملهوس، وادخل عمارة الفزع وإعرف إجابات الصحفي نادر فودة. مع تحيات واضع الأسئلة «أحمد يونس»عن الطبعة
- نشر سنة 2019
- 279 صفحة
- [ردمك 13] 9789777815444
- سما للنشر والتوزيع
203 مشاركة
اقتباسات من رواية نادر فوده 4 - عمارة الفزع (عاصفة الموت)
مشاركة من Mohamed Farid
كل الاقتباساتمراجعات
كن أول من يراجع الكتاب
-
Mohamed Farid
نادر فودة ٤ - عمارة الفزع: عاصفة الموت
الجزء الرابع من سلسلة "نادر فودة" والتي كتبت بالعامية سرداً وحواراً - وعلشان كدة هاكتب تقييمي بالعامية أنا كمان ويالله بقى :)
"نادر" صحفي وبيكتب تحقيقات عن الماورائيات - والرواية مش رواية بالمعنى المفهوم - لكن هي حكاوي عن قصص عفاريت وجان ورصد ونصابين وشيوخ وقصص وراء بعض عن أحداث متتالية لشخصيات الرواية المرافقين لينا من الجزء الأول وطبعاً شخصيات جديدة في الجزء ده!
الجزء ده فيه ثلاث قصص - أو نقدر نقول تحقيقات - أساسية مالهمش دعوة ببعض - وبصراحة آخر واحدة عن بيت الطالبات ما عجبتنيش قوي!
أنا بصراحة باقرأ المجموعة ديه لما أكون عاوز أفضي دماغي لإنها حكايات مش محتاجة تفكير ولا تركيز ومش مملة - فبتكون لطيفة بين الروايات الكبيرة!
اقتباسات
"محدش فينا بيفضل ماشي على السطر علطول، لازم هنقع من عليه كل شويه بس الشطارة إننا ناخد بإيدين بعض ونطلع تاني نكمل وإلا ربنا مكنش أوجد لنا التوبة، ربك بيحب المستغفرين."
استمعت إلى الرواية على تطبيق "ستوريتيل" - خمس ساعات و ١٠ دفايق.
#فريديات
المؤلف
أحمد يونس أحمد يونس سالم يونس هو مذيع راديو وتلفزيون مصري، من مواليد 30 يناير 1981، متزوج ولديه ثلاث أبناء، حاصل على ليسانس آداب قسم لغة إنجليزية، بدأ عمله في مجال الإعلام كمعد للبرامج. كان من أوائل المذيعين الذين انطلقوا مع بداية الإذاعة المصرية الشهيرة نجوم إف إم عام 2003، كانت فقرة «نص ساعة مع أحمد يونس» هي أول ما أذاع على نجوم إف إم،وبعدها انتقل للعمل في اذاعة (الراديو 9090) وبدأ تقديم برنامجه الشهير «كلام معلمين» في 3 نوفمبر 2015 بعد استقالته من نجوم أف أم وهو مستمر في تقديمه حتى الآن، وبالاضافة إلى كلام معلمين وصباحك ومطرحك على الراديو 9090 يقدم أحمد يونس برنامجه التلفزيوني أتوبيس السعادة على فضائية dmc.