غموض علمي ١-نسيج الزمن

عزيزي القارئ...

أرجو أن تكمل العدد الثاني بعد هذا العدد ولا تحكم على السلسلة من العدد الأول، فمعالم السلسة لن تظهر إلا بعد الإنتهاء من العدد الثاني.

العدد الثاني بعنوان شيطان لابلاس.

قراءة ممتعة للجميع.

سمعت جميع أعمال الكاتب على أوديوهات وكتير رائعة كتاباته

قرأت العدد دا وهي قصتين واحدة طويلة ما انتهت ووحدة انتهت ويبدو انه نظام السلسلة راح يكون القصة الطويلة اللي ما انتهت هيه بتربط الاحداث مع وجود قصة الها علاقة مختلفة في المنتصف لذكريات الاشخاص

برأيي بداية لسلسلة ضخمة وفريدة وحبيت المعلومات اللي بتم توضيحها في النهاية

"سلسلة غموض علمي"

"نسيج الزمن /شيطان لابلاس / لدغة الموت / شعاع تسلا"

عندي عادتين كده في القراءة دايمًا ملتزمة بيهم..

العادة الأولى: مبحبش أقرأ لكاتب قلمه مميز عملين ورا بعض، خصوصًا لو أعماله قليلة، عشان لما أحتاج أقرأ حاجة مختلفة ومميزة أرجع أقرأله تاني، لكن أنا فجأة بعد ما خلصت رحلات من عوالم خفية لقيت مغناطيس بيشدني أشوف باقي أعمال الكاتب، وبدون إرادة بدأت في سلسلة غموض علمي، واتفاجئت إني خلصت الأعداد اللي صدرت منها بسرعة غريبة محستش بيها!

العادة الثانية: مش بقرأ ولا عمل قيد الكتابة أو ليه أجزاء لسة متنشرتش، حتى إني بمتلك في مكتبتي سلسلة مملكة البلاغة الخمس أجزاء ورقي ومبدأتش فيها عشان مستنية تكتمل!

لكن اللي حصل هنا إني من الحماس بعد قراءة رحلات من عوالم خفية دخلت أقرأ سلسلة غموض علمي بدون ما أركز أشوف الأول هي مكتملة ولا لأ، وبعد سهرة طويلة لذيذة عالأربع أعداد اللي تم صدورهم، اكتشفت إنها لسة مكتملتش، وفي أعداد لسة لم يتم الإعلان عن صدورها، ودي كانت صدمة بالنسبالي لأني مبحبش أرتبط بالعمل ومكملهوش للنهاية، وحقيقي أنا متنرفزة من ساعة ما فوجئت بعدم اكتمالها، اللي هو "أنتي ليه مش كاملة أنا عايزة أعرف إيه اللي هيحصل"!

****************************

نسيج الزمن.. ﺍﻟﺒﻌﺪ ﺍﻷﻭﻝ ﻫﻮ ﺧﻂ، ﺍﻟﺒﻌﺪ ﺍﻟﺜﺎﻧﻲ ﻫﻮ ﺍﻟﻌﺎﻟﻢ ﺍﻟﻤﺴﻄّﺢ، ﺍﻟﺒﻌﺪ ﺍﻟﺜﺎﻟﺚ ﻫﻮ ﺍﻟﻌﺎﻟﻢ ﺛﻠﺎﺛﻲ ﺍﻷﺑﻌﺎﺩ، ﺍﻟﺒﻌﺪ ﺍﻟﺮﺍﺑﻊ ﻫﻮ ﺍﻟﺰﻣﻦ، ﺍﻟﺒﻌﺪ ﺍﻟﺨﺎﻣﺲ ﻫﻲ ﺟﻤﻴﻊ ﺍﺣﺘﻤﺎﻻﺕ ﺧﻂ ﺍﻟﺰﻣﻦ، ﺍﻟﺒﻌﺪ ﺍﻟﺴﺎﺩﺱ ﻫﻮ ﺧﻄﻮﻁ ﺍﻟﻌﻮﺍﻟﻢ ﺍﻟﻤﻮﺍﺯﻳﺔ.

ملخص الأبعاد المستخلص من نظرية آينشتاين وفكرة السفر عبر الزمن والحاجات الخيالية اللي كتير كتبوا فيها عمري ما شفتها بالإتقان الناتج عن الدراسة العلمية المكثفة دي، آه كتير كتب عن الموضوع ده بس محدش وثقه بمعلومات علمية مدروسة كده!

شيطان لابلاس.. نفس الفكرة؛ كتير كتبوا عن وجود أبليكيشن بيتنبأ بحاجات بتحصل وهكذا بس عمر ما حد خدها لمنطلق ديني وحاول يثبت اليقين في قلوب الناس بأنه لا يعلم الغيب إلا الله غير هنا، وده لوحده كان كفيل يخليني أحب العمل فوق حبي ليه أضعاف!

لدغة الموت.. بدايةً من العدد ده بدأت أخاف لأني من النوع اللي خياله واسع أوي وبيشوف قدامه أي فكرة بيقرأ عنها كأنها حقيقة مهما كانت مستحيلة، والعدد ده كانت تفاصيله مخيفة خصوصًا وأنا بتخيلها بتحصل قدام عيني لأنها مكتوبة بطريقة مبهرة والوصف بتاعها قادر يقحم القارئ غصب عنه جواها!

شعاع تسلا.. يمكن من العدد التاني كنت معجبة بطريقة التفكير في صنع الجريمة بدون ما الجاني يتكشف، بس في العدد الرابع أنا كنت مبهورة!

الخوف في العدد ده زاد لأن الأحداث بدأت تدخل شوية في إطار الرعب بس مع ذلك الحماس والإثارة مقلوش بالمرة، بل زادوا!

الإبداع في السرد وعدم الثرثرة في الحوار والتميز في صياغة الفكرة وإتقان الحبكة وسلاسة الأسلوب؛ حاجات صعب يجمع بينهم الكاتب، وغصب عنه لازم حاجة بتقع، خصوصًا لو كان كمان محتاج مراجع علمية دراستها مش سهلة عشان يبقى عمله متقن، بس ده محصلش هنا، وحقيقي أنا متشوقة جدًا لقراءة باقي الأعداد من السلسلة، ولقراءة أعمال جديدة بنفس الروعة دي♥!

#ريڤيو_بس_مش_ريڤيو.

#زينب_إسماعيل.

لذيذة و خفيفة و اعتقد اني الأعداد القادمة هتكون أفضل و أقوي

الجزء الاول من سلسلة خيال علمي تحت اسم غموض علمي.. تبتدأ الاحداث بالبطل مازن الي بيصحي بيلاقي تفسه في مكان غريب يشبه القلعة، مش فاكر جه هنا ازاي و امتي، بعد كدا بيقابل اتنين كمان .. شاب و بنت

نفس الكلام محدش عارف هما فين يل و كمان عندهم زي فقدان ذاكرة

وفجاة بيقابلوا (إكزافير) رجل غريب الشكل و مثير للريبة

وبعد كدا بيكشتفه ان الموضوع كبير، و مش هعرف اقول اكتر من كدا عشان الحرق هو العمل كله ٧٠ ص علي ابجد

السرد كان جيد جدا، يتميز بسهولته و سلاسته و دا يخلي العمل و يمكن جميع السلسلة تصلح لليافعين من هم فوق ١٣ سنة مثلا ⚠️⚠️

وصف العمل كافي ووافي لأنك تشوف العالم و المشهد الي قدامك، و طبعا لازم اقول ان احنا هنا قدام عمل خيال علمي يعني يحتوي علي عوالم و اشكال ممكن تكون جديدة فمحتاحين وصف كوبس.. و هنا كان زي ما قلت.. كافي

العمل يعتبر زي مقدمة او بدء شرار لسلسلة خيال علمي اظن انها هتكون ممتعة♥️

ان شاء الله انزل مراجعة كل جزء اقراه

من سلبيات العمل هو عدم الاهتمام بتصرفات و انفعالات الشخصيات بشكل كافي، وبالذات اثناء الحوار.. مش بحب الموضوع دا خالص لأنها بتقلب كأنك بتقرأ مسرحية او حوار فنكتة

الي هو

قال: ....

قلت: ...

كدا بدون وصف انفعلات

الخلاصة جزء اول سلس و ممتع و محمس لما هو قادم من السلسلة .. الي لحد دلوقتي مش عارف الكاتب ناوي ينزل منها تاني ولا لا خمس اجزاء فقط

الكتاب طفولي جدا ولا يرقى ان يكون غموض علمي ولم يات بفكرة جديدة ولا حتى صياغة مبتكرة للأحداث احبطني قراءته جدا

رواية علمية خفيفة تستحق القراءة، وعجبني التفاصيل الأخيرة الخاصة بالحقائق والعلماء 👌🏻

مستوى طفولي