اقتباسات من كتاب أثر الفراشة

الجسم -في غياب "الإستروجين"- يبدأ يخزِّن الدهون حوالين البطن، كآلية دفاع.. الدهون دي مش مجرد شكل؛ دي "غُدة هرمونية" جديدة، بتفرز "إستروجين" ضعيف، بيبوَّظ باقي المنظومة أكتر!

تاخد كالسيوم، وتفضل تتعب، لأن المشكلة مش في الكالسيوم؛ المشكلة إن "الإستروجين اللي كان مُضاد الالتهاب الطبيعي.. اختفى".

الرجالة عندهم "دورة هرمونية" حقيقية، مش شهرية زي السيدات، لكن يومية، وبعض الدراسات بتسميها أسبوعية أو موسمية "التستوستيرون" بيبقى في أعلى مستوى له من (6) لـ(8) الصبح، ثم يبدأ في الانخفاض التدريجي لحد ما يوصل لأقل مستوى بالليل ‫ الصبح، مع أول ضوء، المخ بيبعت إشارة للغدة النخامية، فتفرز هرمون LH اللي بيقول للخصية: "ابدئي إنتاج التستوستيرون". النتيجة: طاقة، حماس، اندفاع، وأحيانًا عصبية أو اندفاع زائد. ودي المرحلة اللي كتير من العلماء بيسمُّوها "Testosterone Peak" ‫ ← ده السبب العلمي ورا "خناقات الصبح" في الشغل والزحمة، وليه كتير من الأزواج بيحسّوا إن الصبح ساعة ضيقة؛ المخ وقتها بيكون شغّال على

دلوقتي ممكن كتير منكم يبقوا عارفين ليه لمَّا نقعد في مطاعم، بيحطُّوا لنا التوست الأبيض، اللي يجنن ده في الأول، ولازم يسيبونا شوية على ما ينزل الأكل ‫ - ليه؟ ‫ - لأن ده سكر أبيض. هو عيش صحيح، بس هو عبارة عن سكر أبيض أول ما هيدخل جسمك، هيعمل "راش" (Rush) للإنسولين، هيخلِّيك تاكل أكتر وكمان، على ما تخلَّص الوجبة بتاعتك، سكرك هينزل تاني، وهتبقى بتفكر بس إنك تاخد حاجة حلوة ‫ أبحاث كتير قارنت بين الناس اللي بدؤوا أكلهم بالعيش الأبيض، واستنُّوا عليهم شوية، وبين الناس اللي دخلت في الـ "مين كورس" (Main Course). لقوا إن معظم الناس

أكل مُقاوم للمقاومة:

‫ •⁠ السبانخ، والفاصوليا الغامقة.

‫ •⁠ الأفوكادو (Avocado) والتوتيَّات (Berries).

‫ •⁠ القرفة (Cinnamon)، الزنجبيل (Ginger)، الكُركم (Turmeric).

‫ •⁠ بذور الشِّيَا (Chia Seeds)، وبذر الكتان (Flaxseed).

‫ •⁠ العدس (Lentils)، الكينوا (Quinoa)، الحنطة السوداء (Buckwheat).

‫ •⁠ السمك، خصوصًا السلمون (Salmon).

الأكل الصحي مش علاج بعد المرض؛ هو وقاية قبل ما المرض ييجي. الصحة مش حالة طارئة؛ دي استثمار طويل المَدَى. لأن لو عِييت النهارده، فده مش صُدفة؛ ده نتيجة (20) سنة من التحضير.

"مقاومة الإنسولين" مش مجرد موضة أو مصطلح مُتداوَل؛ دي حالة حقيقية بتحصل لمَّا خلايا الجسم تبطَّل تستجيب لهرمون الإنسولين (Insulin) بالشكل الطبيعي.. يعني الإشارة اللي المفروض تقول للخلايا: "افتحي الباب، السكر جاي"، الخلايا ما بتسمعهاش، فيبدأ البنكرياس (Pancreas) يفرز إنسولين أكتر وأكتر، لحد ما الجسم يدخل في دوَّامة من التعب، والإرهاق، والخَلل!

‫ المشكلة إن القصة دي مش بتقف عند السكر بس، لكن بتأثَّر على كل حاجة: الوزن، الطاقة، المزاج، الهرمونات، والقلب.. عشان كده العلماء بيسمُّوها "الجذر الصامت"(Silent Root)