"مقاومة الإنسولين" مش مجرد موضة أو مصطلح مُتداوَل؛ دي حالة حقيقية بتحصل لمَّا خلايا الجسم تبطَّل تستجيب لهرمون الإنسولين (Insulin) بالشكل الطبيعي.. يعني الإشارة اللي المفروض تقول للخلايا: "افتحي الباب، السكر جاي"، الخلايا ما بتسمعهاش، فيبدأ البنكرياس (Pancreas) يفرز إنسولين أكتر وأكتر، لحد ما الجسم يدخل في دوَّامة من التعب، والإرهاق، والخَلل!

‫ المشكلة إن القصة دي مش بتقف عند السكر بس، لكن بتأثَّر على كل حاجة: الوزن، الطاقة، المزاج، الهرمونات، والقلب.. عشان كده العلماء بيسمُّوها "الجذر الصامت"(Silent Root)